هل تسلحت؟

في الليلة السابقة لجمعة ختام الصوم التى تزامنت مع احداث الاسكندرية كنت نائما وعقلي مستيقظ وفجاه تنبهت على جملة او بالاحرى سؤال لا اعلم من اين اتى لكنه هزني وقد كان السؤال " هل تسلحت؟" استغربت كثيرا من السؤال ولم اعرف له اجابة لكني وضعت له مجموعة تعديلات... فأصبح....
هل تسلحت ضد شهوات العالم؟
هل تسلحت ضد ضيقات العالم؟
هل تسلحت ضد الوسائل الشيطانية المختلفة لابعادي عن طريق الله؟
هل تسلحت بترس الايمان القوي و خوذة الخلاص وسيف الروح؟
هل تسلحت بكل الاسلحة الممكنة لتقول انا مسيحي واموت لاجل مسيحي واعترف باسم مسيحي وقت الحاجة للاعتراف فيه؟
لا داعي لان اقول اجاباتي الشخصية على هذه الاسئلة على الملاء فيكفيني ما اشعر به من اسى نحو نفسي الضعيفة....
ارجوكم يا اخوتي ان تحاولوا ان تسالوا انفسكم هذه الاسئلة لكى يرى كل واحد منا اين هو الان ....
احداث الاسكندرية الاولى والثانية واحداث الكشح الاولى والثانية واحداث الصعيد والعديسات والفاو ... و و و و و و اماكن كثيرة اخرى يصعب احصائها ... هل نحن مستعدون لها ان حدثت مع اي منا؟ هل تسلحنا؟
بالامس رأيت على قناه الجزيرة ساعة من البث المباشر لمظاهرات المسيحين في الاسكندرية و كم ادهشنى صراخهم وهم يقولون " لا اله الا الله المسيح هو الله" " ماتسيبونا في حالنا" " الصحافة فين النصارى اهم" "بالروح والدم نفديك يا صليب" تمنيت ان اكون معهم واصرخ معهم واصرخ واصرخ واصرخ فقد يكون هذا سلاحى وقد اموت لاجل اسمه فيمحى عار نفسي وخزي خطاياي ويكتب لي ان افعل شيئا له قيمة في حياتي الفاشلة.
اعتذر للاطالة وليرحمنا رب المجد ويثبتنا ويبعدنا عن فتور الروح وضعف الايمان
سلام ونعمة ليكم

شكرا ليك يا بيتر على الموضوع الجميل داا..
فعلا أحنا من غير ة مش هنقدر نقاوم كل الذى بيحدث لنا من مشاكل وكمان ضعف فينا ....
فعلا انا كمان كان نفسى أكون معاهم ..
الموقف دا فكرنى بقصة قصيرة للأخت ميرنا القصة فعلا أبرهرتنى جداً ....
لكن أنا مش فاكر اسم القصة القصيرة دى لكن فاكرها كويس وكمان كان فيها جملة الجملة دى أعطط لى شعور من داخلى من نحو التضحية عشان أسم يسوع ...
كانت بتقول
هـــل انت مستعد لتلقى أكبر عدد من الرصاص فى صدرك عشان أسم يسوع
اشكرك يا بييشو على ردك الجميل اوي دا وياريت نصلي كلنا عشان ربنا يرفع عنا وينجدنا
ياريت لو حد عنده اقتراح نصلي صلاه واحدة في وقت واحد كلنا ياريت يقولنا يعني مثلا انا اقترح ان نقرا اول مزمورفي صلاه الساعة الثالثة "المزمور 19" اللي بيقول" يستجيب لك الرب في يوم شدتك" وكمان مزمور رقم 141 من صلوات النوم اللي اوله " بصوتي الى الرب صرخت"
ياريت نصليهم هما الساعة 12 بليل مثلا او اي وقت يعجبكوا كنوع من المناجاه لرب المجد عشان ينقذنا `17`
كلمة قصيرة
احنا فى اسبوع لا يمكن ان نتذكرغير شيئ واحد
هو الام السيد المسيح وموته وقيامته
لا نقوم باي فعل غير نحيا هذه الايام مع يسوع المسيح
وبالافضل كل ايامنا مع الله
" الحرب للرب "
" الرب يحارب عنكم وانتم تصمتون"
انت عندك حق يا باهر تماما بس انا قلت نناجي ربنا بالمزمورين دول لاننا كجزء من جسد المسيح بنتعذب وتعبانين والسيد المسيح صلى وكلم الاب اثناء عذابه احنا كمان عاوزين نكلمه اثناء عذابنا اللي هو جزء من عذابه كاجزاء من جسد الرب يسوع
موضوع حلو اوى يا بطوط

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.

أحدث الموضوعات

From Coptic Books

إجمالي مرات مشاهدة الصفحة من 10/2010