ارجو المساعده

انا احتاج الى مساعدكتم بشده فانا لدى صديقه عمرها 18 عام جميلة ورقيقه وطيبه ولم يسبق لها الحب من قبل الى ان تعرفت على ذلك الرجل البالغ من العمر 53 عاما ومسلم وهى تحبه جدااااا بالرغم انى حاولت كثيرا ان اقنعها بخطورة الموقف ولا استطيع ان اجعلها تبتعد عنه لانها تحبه بجنون ولا تفكر فى شخص غيره فماذا افعل
سلام ليكى ولمحبتك دى .............
عندى راىء فى جهلى ممكن يفيدك كلمى اب اعترافها باسرع وقت ولو مجبتش نتيجه لازم تقولى لاهلها يمكن فى نظرها تكونى بتوقعى بينهم لكن علشان مصلحتها هيه ممكن متفهمش كده لكن بعد متمر التجربه هتكونى اعز اصدقائه
لكن ده اللى لازم يحصل ........
ورجاء محبه كرستين بعد متخلص الحكايه دى ابقى طمنينا اى اللى حصل `14`




`17` ربى يسوع احمى ولادك الشيطان حروبه جامده علينا واحنا ضعفا احمينا يارب احمينا `17`
سلام واهلا بيكى يا كرستينا معانا فى كنيستنا صوت الشباب
مش هتطرق كتير لشرح الموقف والى اي مدى هى فى حالة من عدم الادراك اذا هى محتاجة الى من يفيقها من غفوتها
+ لازم كل من هو مسؤل عنها يعرف
الاب والام والكنيسة والاسقف
+ يتم التنسق من خلالهم والصلاة ليعمل الله ويرجعها الى حظيرته
ربنا معاها
وبشفاعة العذراء مريم والبابا كيرلس ومارمينا
يكونو حولها لحمايتها
`17`
سلام ونعمة ليكم :
سلام للأخت كرستينا أنا بضيف رأى لباهر لازم تقولي للناس المقربين ليها ودة في حالة عدم اهتمام الوالدين أو اقرب شخص مسؤل عنها وأبقى طمنينا
سلام ليكي عزيزتي كرستينا

اختنا كرستينا.. بضم صوتي لكل اخوتي..من ناحيتك لديك دور مهم جدا عشان تعلمي اهل صاحبتك..ربنا يحافظ عليها من الشيطان..خلينا نطمن..


`17` `17`
اشكركم جميعا لمساعدتكم ولكن المشكله هى اننى خائفه بشده من اخبار اهلها بذلك ولا اعرف رد فعلهم كما اننى ليس لى علاقه بهم ولم اراهم ابدا ولا اعرف كيف اخبرهم بهذه الحقيقه وانا ارى انه من الافضل ان اطلب من صديقه اخرى ان تعرفها بشاب مسيحى يحبها ويجعلها تحبه فما رايكم بهذا الحل؟؟؟ ان لم يكن حلا موفقا فاخبرونى ارجووكم وارجو الا اكون طولت عليكم وشكرا ميرنا و باهر و بيشو و come to jesus و fadafedo
انا بصراحه مش موافقه على الحل ده لانى كده بتخرجيهم من حفره لضحضيره زى مبيقولو لانى ده مش حل ....... مش مهم انك تعرفى ابوها ولا لاء المهم انهم يعرفو علشان هما يعرفو يتصرفو واب اعترافها المفروض ده اول واحد يعرف .............
وبعد كده بتشكرينا على اى محدش بيشكر اخواته

بس طمينينا عليكى وعليها `17`
لا يا اختي ..عندما تضعي امامها شاب اخر حتى لو كان مسيحي فانتِ بهذا لا تحلي المشكلة ...اساسا لربما هذا يضر بسمعة الفتاة مستقبلا و ياخذوا عنها فكرة خاطئة ..فانتِ بهذا لا تساعديها
يجب ان تخبري اهلها باي طريقة و اب اعترفها .. و اهم شيء تسليم الامر للرب ..لانه راعي صالح ولن يقبل بضلال ابنة نقش اسمها بدمه على كفه ..لذا حاولي ان تصلي بشدة لها واطلبي من كل الذين حولك فعل نفس الشيء
ولكن اعلام اهلها بلامر شيء ضروري جدا ... و يبدو انها على يقين انها على خطأ لانها اخبرتك انتِ و لم تخبر اهلها ..و عندما يفعل الشخص شيء و يعلم به معظم الناس الا اهله ..فهنا نعلم ان ناقوس الخطر ابتدأ يقرع!
لهذا لربما لن تجيد استغاثاتك لها بالكلمات شيء .. حاولي مع اهلها ..بما انك صديقتها فبكل تاكيد تعلمي رقم المنزل .. او على الاقل تعلمي الكنيسة التى تذهب اليها ..فهم اقدر على التعامل معها
و يا فدافيدو مش ضروري يكونوا اهلها هم السبب ..يعني البنت عندها 18 و الي متعلقة بيه عمره بالخمسينات..يعني راجال كبير عارف هو بيعمل ايه ..يمكن هو اكبر من ابوها ..و طبعا انت عارف مدى خطورة الذئاب عندما ترتدي ثياب الحملان ..
و زي ما قالت ميرنا
ابقى طمنينا عليكي وعليها
اوكى؟

اختنا كرستينا مفيش شكر بيننا.. اشكرك انك متابعة موضوع صاحبتك بس بردو لازم يكون في حل..اوافق ميرنا وفادفيدو على اخبار اب اعترافها وهو له سلطة ان يخبر الاهل ويرشدهم..ربنا يكون معها ويحافظ عليها وعلى كل اولاد ربنا.

انامشايفة ان الحل تحب واحد تاني واصغر..المشكلة ان الاهل ميعرفوش والموضوع مش في النور بين الاهل..واكيد غلط انها تحب واحد يكبرها 35 سنة.. ربنا يطمانك على صاحبتك ونطمان نحن ايظا. سلام المسيح لكي.

`17` Have mercy Lord

مرة تانيه انا اسفه لانى اطلت عليكم هذه المشكله ولكن صدقونى انا ليس بيدى شىء فانا احتاج لاحد يساعدنى والموضوع اكبر منى وجميعكم تخبرونى باننى يجب ان اخبر اهلها ولكنى خائفه ان اخبر اهلها فيزداد الامر سؤا وتتزوجه من وراء اهلها خاصه انه رجل فى مركز مرموق ويعمل معيد بالجامعه ومشهور بانه مليونيرا فهل اخبر اهلها ايضا؟؟؟ واعدكم انى لن ابعت رسائل اخرى خاصه بذلك الموضوع لانه يبدو معقدا وشكرا
تينا يترجاكى ترجعيها لانى كده ممكن تتجوزه وتشهر اسلامها وهوه ياخد المكافاءه ويطلقها ......
رجاء محبه كلمهى اهلاها ولا حتى الاسقف متسيبهاش تسيب مسيحها كده فهميها ارجوكى متسيبهاش ممكن تضيع وتخسر كل حاجه لازم اهلها يعرفو مهما كان التمن وصدقينى لما يعرفو المشكله هتكبر فعلا لكن لازم يحلوها بحكمه ولو وصلت كلمى الاسقف بس لازم تعملى حاجه من دول
يتكلمى اب اعترافها
يا اهلها
يا الاسقف

عزيزتى كرستينا انا متابعة الموضوع من ساعة ما عرضته ولانى مقتنعة بكل الردود اللى فاتت ماحبيتش اكررنفس الكلام بس انا ليا سؤال وانتى بتتناقشى معاها اسأليها على اخرة الموضوع دا واساليها هل المسيح اللى جواها موافق على كده ؟وابدء ى معاها انها تحاول تشغل عقلها شوية بس دا من ناحية والناحية التانية والاهم معرفة على الاقل احد الخدام او اى كاهن من كنيستها او اى كاهن من كنيستك على الاقل حتى يستطيع مساعدتها باى شكل وقد يتولى هو مسئولية اخبار والداتها ووالداها
اتمنى ان تأخذى خطوة ايجابية قبل فوات الاوان وحتى لو حصل مكروه لا تعيشى باحساس التقصير فى حقها
ارجوكى الا تيأسى وتقولى انها مشكلة معقدة انها بسيطة ولها الكثير من الحلول واهمها ان نذكر صديقتك جميعا فى صلواتنا `17`

يا من بحثت عن خروف ضال بين الربوع والجبال نطلب منك يا مخلصنا ان تخلص هذه الصديقة من شباك صياد يحاول الخروج بها من حظيرتك اجعل قلبها يشعر بمحبتك حتى تعلم انه ليس سواك حبيب `17`
اختى كرسيتنا ارجوكى خدى خطوة ايجابية وابقى طمنينا عليها لانها اخت لنا فى جسد المسيح

سلام ونعمة ليكم :
يا كرستينا انتى الوحيدة إلى ممكن تخرجيها من الموضوع دة لان مفيش حد عارف إلا انتى يعنى انتى إلى ممكن تحلى الموضوع دة من أتجاة صحبتك أو الأهل بس وطبعا هي مش عاوزة تقول للأهل اوكى .
يبقى انتى واجب عليكى كا صديقة ليها أنك تقولي لأهلها لية .
عشان انتى صديقا ليها أو يعنى تكون معنى الصداقة بجد مش اى كلام أية الفيدة انك صديقة لها ومش بتسعديها .
أو تسنديها في محنتها .
هي محتاجة لكى وهى في أشد أحتيجها ليكى حتى لو هي رافضة أن تقول لأهلها .
وهى كمان خأفا من أن هي تقول لأهلها ممكن هي مش ه تقدر تواجههم يبقى لازمن حد تانى انتى إلى لازم تقولي لأهلها مش حد تانى دا لو انتى خيفا عليها ومش عوزاها تتعرض للمشاكل .
انتى عاوزة تخرجيها من كل دة قول للناس المقربين لها بس .
غير كداااااا مش ه ينفع وأبقى طمنينا .
وكمان أحنا كلنا في المنتدى أخوات يعنى اى حد عندة أي مشكلة كلنا بنقول الآراء والرأى المناسب بنحصل علية .
وأبقى طمنينا.

فى الحقيقه انا احبكم جميعاااااا لانى لم اكن اتوقع كل هذا الاهتمام وكل هذه المساعده ولكن قبل ان ابدا فى محاوله اخبار اهلها والمشاكل التى من الممكن حدوثها بعد اخبار اهلها لا حصر لها............. هل من الممكن ان اجرب ان اتحدث مع هذا الرجل واهدده بانى سوف اخبر زوجته اذا لم يبتعد عنها وسوف افعل ما هو اكثر وبالتاكيد سوف يبتعد لانه فى مركز مرموق للغايه ويخاف جدا على سمعته
وانا اضعف كثيرا كما يضعف اى بشر وافكر فى الابتعاد عن مساعده صديقتى وسامحونى اخوتى فى المسيحيه لاننى بشرا وارى اننى وضعت نفسى فى مشكله من الصعب حلها اذا اراد احد البريد الاكترونى الخاص بصديقتى هذه يطلبه منى ولن اتاخر وشكرا لكم جميعا احبائى
اوعى .......
لانى اللى انتى فكراه ده مش هيحصل لانى ده نفوذه واسع وسمحينى فى الكلمه دى (مش وحده صغيره زيك )هتههده ولو فى نيته انها تبقى مسلمه يبقى مراته عارفه لا بلاش الحل ده ارجوكى يبقى بدل متخلصى وحده من مشكله توقعو انتو الاتنين فى مشكله يعالم مين يعرف يحلها لا بلاش الحل ده
ارجوكى بلاش
كفايه اهلها واب اعترافها
بصلي ان تكون هناك اخبار مفرحة عزيزتي كرستينا!!!!

`17` `17`
حزنت كثير على حال هذه المسكينه وكيف وصلت الى هذه الحالة وادعو جميع الاصدقاء الى الصلاة من اجل هذه المشكلة ليتدخل الرب ويساعد فيها
ثانيا انا شاركت فى مسائل مماثلة وكان الحل الوحيد انك تشوفى اب كاهن من الكنيسة يقدر يعمل حاجة لان فيه اباء كهنة مش بيقدروا على المشاكل دى ومع اول رد فعل عنيف من الطرف الاخر بتلاقيهم ينسحبوا من المشكلة "صدقينى دة اللى بيحصل "
المهم لازم البنت دى تبعد عن الشخص دة بالقوة وحى لو وصل الامر بانها تروح اى دير لان هناك اكيد هاتلاقى جو يساعدها على التفكير بهدوء
حاولى توصلى الموضوع لاهلها بس حسيسهم انها ضحية ومش عارفة تخرج من الموضوع علشان الاهل ممكن يتصرفوا تصرف يخلى البنت ممكن تهرب او تلجاء الى هذا الرجل وبالتالى تتعقد الامور اكثر
وربنا يتمجد ويحافظ على جميع اخواتنا وبناتنا
ويا ريت تقولى لنا وتعرفينا لو فيه اى جديد


الابنة المباركة كريستينا

من بعد قراتى لما كتبتيه وردود الاعضاء المباركين عليك هذه ملاحظاتى لك

اولا انت صغيرة فى السن ولاتملكى الخبرة الكافية لحل مشكلة مثل هذه

كل اقتراحاتك التى تقتريحيها لحل المشكلة تتسم بالتهور وعدم الحكمة لصغر سنك ولكبر المشكلة عليك

ارى انك من خلال ردودك على الاعضاء تبتعدى تماما عن ذكر
اتجاهك لاى اب كاهن لمساعدتك ولا ادرى لماذا

اولا دعينى اسالك عدة اسئلة
- هل انت وصديقتك لكم اى ارتباط بالكنيسة وتداوموا على القداسات والتناول من الاسرار المقدسة ولديكم اب اعتراف

ان كانت اجابتك بنعم فلماذا لم تلجأى لاب اعتراف صديقتك او لاب اعترافك انت وتلقى بتلك المشكلة عليهم

انت تقولين انه يشغل مركز مرموق فى الجامعة ( معيد ) وعمره 53 عاما !!!! كيف يا ابنتى رجل فى هذا السن ولا يشغل فى الجامعة سوى منصب معيد انه فى مثل هذه السن يكون على درجة استاذ على الاقل لانه ان لم يكن قد اخذ الدكتوراه فى خلال مدة معينة يرفد من الجامعة ....

لااعلم كيف تقولين انها صديقتك وانت لاتعرفين اهلها كيف تصادقين احد بدون معرفة هذا البيت الذى تختارين منه صديقتك
انت او اهلك...!!!

ابنتى ......

نصيحة ام ان تلقى بمسئولية تلك المشكلة على من هم اجدر منك على حلها وهم اباء الكنيسة وهم يتصرفون كيفما شاءوا سواء اخبروا هلها ام لا ويجب ان تكون تلك الخطوة منك سريعة بلا
تباطؤ لكى لاتتحملى امام الله اى ذنب عن سلبيتك تجاه هذه المشكلة لان الكنيسة تعلمنا ان نلجأ اليها فى شدائدنا وضيقاتنا

الرب يعطى لك حكمة على التصرف .... ويعطى تلك الابنة حكمة ويفتح اعينها لكى ترى ذلك الفخ المنصوب لها وتبتعد عنه

ولنرفع جميعا صلواتنا لينقذ نفس تلك الابنة كما انقذ دانيال من جب الاسود ....... امين


`17`
الى titi متشكره جدا على مساعدتك ليه واسفه على خطاى فى الفرق بين استاذ ومعيد المهم انه رجل كبير سخيف انانى ومغرور بل مغرور جدا وواثق من نفسه اكثر مما يجب لاننى قابلته حوالى مرتين فى الجامعه ورايت ثراءه الفاحش وغروره الغريب ويبدوا انه اغراها بوسامته وجاذبيته وكلام الحب المعسول لانه كان يعاملنا كابناءه فى البدايه وبالنسبه لاب الاعتراف فانا لدى اب اعتراف فى كنيستى وهو متفاهم للغايه ومن الممكن ان اخبره عن القصه لكنى اشعر انها سوف تجيد التهرب منه جيدا ولكن هى لا اعرف من هو اب اعترافها واعتقد انها لن تخبرنى اذا سالتها خاصه انها بدات تشك في وتشك فى اننى اريد ابعادها عن هذا الرجل فى حين انها كانت تحكى لى القصه كفتاه ذائبه فى الحب ولا تستطيع التفكير فى غيره وانا فعلا لا اعرف اهلها وكل ما املكه هو هاتفها الجوال وربما ساحصل قريبا على رقم المنزل انشاء الله وساخبر اهلها وسابعتد عنها بشكل نهائى لانها من المستحيل ان تحبنى بعد ذلك ولكن المهم هو نقذها هى وبصراحه شديددددددده انا بدونكم كنت تائهه ولا اعرف كيف يمكننى ان اشكركم ولكن كفى ان تعرفوا مدى حبى لكم
عندك حق تسونى تى تى كلامها بيريح كتير وكل الاعضاء بس ابقى طمنينى ويريت تدورى على رقم تليفونها فى اسرع وقت وابقى لو حصلت حاجه ابقى قوليلنا `17`
الابنة المباركة كريستينا

ابنتى ارجو ان تبعدى بنفسك تماما عن اى مواجهة مع هذا الذئب

وارجو ان تخبرى اب اعترافك بالقصة كاملة مع اعطاءه رقم موبايلها واتركى الاب الكاهن يتصرف كيفما شاء وهى ايضا تتصرف كيفما شاءت تهربت منه ام قبلت هذه ليست مسئوليتك يا ابنتى ولكن مسئوليتك هى ايصال الامر الى الكنيسة لانهم هم الرعاة المسئولون عن الخراف سواء الضالة او غيرها

الرب معك
سلام ونعمة ليكم :
أهلا كريستينا انا كنت عاوز أقول حاجة أنا بضم رأى لتسونى تىتى على كلمها.
انتى لازم تحصلى على رقم الهاتف الى خاص بل منزل لان دى الفرصة الوحيدة ..
بس انا عندى سؤال انتى ازاى تكونى صحبتها ومتعرفيش رقم الهاتف المنزلى !!! وكمان عنوان المنزل . على العموم أ بقى طمنينا فى أقرب فرصة ..

عايزة اطمنكم ان صحبتى الحمد لله نسيت هذا الرجل ولم تعد تحبه بفضل صلواتكم ونشكر المسيح
ربنا بيحب ولاده اوى مش ممكن يسيبهم
و نرجع و نقول بناتنا بيتخطفوا و يروحوا يشهروا إسلامهم.
أنا عن نفسى ما أعرفش ولا حالة خطف شخصياً، و أعرف بنتين واحدة منهم أشهرت إسلامها، و التانية البوليس جابها للكنيسة لأنها قاصر و لا يجوز إنها تشهر إسلامها. و الاتنين راحوا بمزاجهم التام، و الاتنين لسبب واحد إنهم إتعلقوا بشاب مسلم من وراء أهاليهم.

المصيبة فى الأصدقاء السلبيين اللى مش بيتصرفوا و يبلغوا أسرة البنت اللى بتبقى فى علاقة من النوع ده. المصيبة إنهم بيخافوا يبلغوا أسرة البنت أو آباء الكنيسة. و المصيبة فى قلة الخدمة المقدمة من إفتقاد الأولاد اللى من النوع ده سواء من الخدام أو الكهنة اللى منهم نسبة - إلى حد ما - كبيرة سابوا الكهنوت و خدمته و جريوا وراء الفلوس، لدرجة إن طلع عليهم مثل "سنة فى الفراجية ولا 5 سنين فى السعودية".

يا كريستين إنت و اللى زيك لما ربنا بيعرفهم إن لهم أخ ولا أخت حيضل بيبقى قاصد إنك تساعدى هذا الإبن الضال و تحاولى ترجعيه يا إما بنفسك لو تقدرى أو بواسطة إنك تروحى تقولى لأهله و كنيسته علشان يفوقوا من حالة السطلة اللى هم فيها، و النوم على ودانهم، و قلة المحبة و الخدمة اللى بيقدموها.

يا ريت إحنا كمسيحيين مؤتمنين بعضنا على بعض يكون فعلاً قلبنا على بعض. و يا ريت يا كريستينا تشرحى لنا - بعد ما الموضوع خلص على خير - سبب خوفك إنك تقولى لأهلها. أنا مش عارف إزاى خايفة من أهل صاحبتك أكتر ما إنت خايفة على صاحبتك!!! و لنفترض إن الموضوع خلص بنهاية غير سعيدة كنتى ساعتها حتعملى إيه؟؟ ربنا كان حيطلب دم صاحبتك من إيدك لأنك إنت اللى تعرفيها، و ربنا كشف لك إنها بتقع فى فخ و إنت - بخوفك - ما إتصرفتيش التصرف الصح و فضلتى خايفة.

حراااااااااااااااااااااااام عليكم كده.

و يا كل اللى بيقعدوا يقولوا بناتنا بيتخطفوا يا ريت يستشهدوا باللى يعرفوهم معرفة شخصية لأن أنا اللى عرفت إنهم سابوا المسيح - أو كانوا على وشك يسيبوه - كان بمحض إرادتهم الخالصة، و منهم واحدة الشرطة هى اللى جابتها لحد أبونا فى الكنيسة.

قد يكون كلامى تقيل شوية بس أنا فعلاً إتخنقت من كتر الحواديت اللى نصها كذب و مصدرها مش معروف و كل غرضها إنها تبين إن الأقباط بيعيشوا فى عهد مظلم. و أكم من الإيميلات بتوصلنى بمواضيع كلها كذب و هبل و حاجات الواحد العاقل ما يصدقهاش. و لما أسأل عن مصدر الموضوع ألاقى الناس كلها سمعت عنه، و مافيش واحد يوحد ربنا يعرف المصدر الأصلى معرفة شخصية.

بقينا أقباط عيال ... و لو قدر لمار جرجس ولا مار مينا ولا أى شهيد حضر عصور الاستشهاد جه و شافنا بنعمل كده كان مات بأزمة قلبية بسبب الدلع المرق اللى بقينا عايشين فيه.

يا ريت يا أقباط نسترجل شوية بقى ضحكتوا علينا خلق الله.

أعذرونى أنا دمى محروق

`17` We thank you Lord Jesus Christ for protecting your sons and daughters

I am very glad chirstena that your friend forgot about that person, thank you father because you always hear our prayers.

`17`
نشكر ربنا على كل حال و من أجل كل حال و فى كل حال
بس أنا برضه عند رأيى.

من رد خاطئاً عن ضلال طريقه ينقذ نفساً من الموت و يستر كثرة من الخطايا. ده كلام الكتاب المقدس.

يبقى العكس
من لم يرد خاطئاً عن ضلال طريقه يميت نفساً و يفضح كثرة من الخطايا
الحمد لله هى نسيته من نسها من غير ما اقول لاهلها
وانا كنت خايفه اقول لاهلها لانها كانت وقتها ممكن تروح فى كارثه لان اهلها صعب جداااااااااااااااااااااااااااا فوق ماتتصور وهى كانت مرعوبه انى اخبرهم بشىء
فمن حقى ان اخاف على صديقتى ايضا كما انى لم يكن لى اى علاقه بينى وبين اهلها
ولكن اعود واشكر المسيح على مساعدته لى وشكرا لكم جميعا

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.

أحدث الموضوعات

From Coptic Books

إجمالي مرات مشاهدة الصفحة من 10/2010