ستة أسابيع ... ستة أشهر .. ستة سنوات

يوميات الحياة الزوجية
==============


كيف يكون حال المتزوجين بعد ستة أسابيع‏,‏ ثم ستة أشهر ثم ست سنوات؟؟

‏1‏ـ طريقة الكلام‏:
ـ بعد ستة أسابيع‏:‏ بحبك‏,‏ بحبك‏,‏ بحبك
ـ بعد ستة أشهر‏:‏ طبعا بحبك‏.‏
ـ بعد ستة سنوات‏:‏ وأنا اذا ماكنتش بحبك كنت حتجوزك ليه؟

‏2‏ـ بعد العودة من العمل‏:
ـ بعد ستة أسابيع‏:‏ حبيبتي أنا رجعت‏.‏
بعد ستة أشهر‏:‏ أنا رجعت
بعد ست سنوات‏:‏ انت طبخت ايه النهاردة‏.‏

‏3‏ـ الهدايا‏:
ـ بعد ستة أسابيع‏:‏ روح قلبي يارب يكون الخاتم عجبك‏.‏
بعد ستة أشهر‏:‏ أنا جبت لك لوحة ينفع نعلقها في الصالون‏,‏ هدية عملية مش كده؟
ـ بعد ست سنوات‏:‏ انا سايب لك فلوس علشان تشتري اللي يعجبك‏!‏

‏4‏ـ التليفون يرن‏:
بعد ستة أسابيع‏:‏ حبيبتي تليفون لك‏.‏
بعد ستة أشهر‏:‏تعالي ده علشانك
بعد ست سنوات‏:‏ مش سامعة التليفون؟‏!‏ ماتردي‏.‏

‏5‏ـ الطعام‏:‏
ـ بعد ستة أسابيع‏:‏ ماكنتش اعرف ان الأكل ممكن يبقي لذيذ كده
بعد ستة أشهر‏:‏ حناكل ايه النهاردة؟
بعد ست سنوات‏:‏ تاني احنا مش أكلنا نفس الأكل ده من يومين؟
سلام ونعمة ليكم :
بصراحة أنا لو قلت موضوع رائع يبق قليل على الى أنت كتبتة ..
على فكرة ياأخ حازم أنت كداا هتخلينى أغير رأى من موضوع الجواز داا

الموضوع منقول من مقال بجريدة الأهرام.
لما لقيت دمه خفيف قلت أشارك باقى الأخوة فيه.

بس منتظر رأى الأخوات
بما أن جريدة الأهرام أوردت نصف الحقيقة، إليكم رد الزوجة على زوجها بعد نفس الفترات المذكورة سابقاً (من تأليف أخوكم حازم)



1- عند الاستيقاظ:
- بعد ستة أسابيع: صباح الخير يا حبيبى
بعد ستة أشهر: صباح الخير
بعد ست سنوات: قوم بقى إعمل لى قهوة علشان أفوق

2- عند نزول الزوج للعمل:
- بعد ستة أسابيع: قبلة (بدون كلام) و تقف منتظرة فى البلكونة حتى يغيب عن نظرها.
- بعد ستة أشهر: مع السلامة و ما تغيبش.
- بعد ست سنوات: ما تنساش تجيب العيال من المدرسة و تجيب الخضار و العيش و إنت راجع.

3- عند عودته من العمل:
- بعد ستة أسابيع: وحشتنى (قبلة)
- بعد ستة أشهر: إتأخرت ليه؟!
- بعد ست سنوات: إمسح رجلك قبل ما تدخل أنا لسه مهدود حيلى فى التنظيف.

4- الهدايا:
- بعد ستة أسابيع: (دون أن تنظر للهدية) كفاية إنت علىّ أجمل هدية.
- بعد ستة أشهر: جميلة خالص .. حطها لى على التسريحة.
بعد ست سنوات: (نظرة إزدراء) يا ما جاب الغراب لأمه.

5- على السفرة:
- بعد ستة أسابيع: بالهنا و الشفا يا حبيبى
- بعد ستة أشهر: بذمتك طبيخى ولا طبيخ أمك؟!
- بعد ست سنوات: الأكل عندك فى التلاجة .. سخن و كل.
و بما انك مستنى رد الاخوات فانا اعتقد انا الموضوع المفضل لكل الرجال المتزوجين هو ان يتريقوا على حالهم بعد الزواج ناسيين انهم (هم اللى جابوه لنفسهم ) على العموم و بما أنى من الجهة المقابلة - اى جهة الزوجات - فأنى اعتقد انه ينبغى لكم من وقت لآخر ان تتكلموا و تفضفضوا عن نفسكم بدل ما يتطور الامر الى عقد نفسية
كنت فين يابنى من ثلاثة وعشرين سنه ...الله يسامحك!!!!
كفاية كده وخلينا جد شوية !!!
وعلى فكرة الزواج المسيحى فعلا غير كده خالص ..خاصة مع الأسرة التى تجعل السيد المسيح هو مركزها وهو الذى يقود دفة الحياة فيها ..فيبقى الحب أيضا فيها ..لكن مع تزايد المسئوليات والأهتمامات داخل الأسرة ، تختلف وسيلة التعبير عن هذا الحب ..فاذا كان المسيح هو القائد وهو المركز ..والمسيح هو المحبة ذاتها فمن يستطيع أن ينزعه أو ينزعها من الوسط .

فظيع





العضو المبارك basem zakarya


اهلا بيك معانا فى وسط اخوتك وطبعا ياريت فعلا تشارك معنا فىكل الموضوعات

اما بالنسبة لحازم ياريت وحياتك تقول لنا ايه هو حال المتجوزين اللى عدوا العشرين سنة وبالاخص بلغوا سن الرشد

فيه تفتكر بعد 21 سنة يكون حالهم ازاى ؟! لما ده حالهم بعد 6 سنين ..... ربنا يستر












هو فيه جواز بيكمل لحد 10 سنين؟!!!

ما كنتش أعرف.

36_1_35[1].gif




امال بقى اللى بيقعد لفوق العشرين هتقول ايه

وهما لسه عايشين لغاية دلوقتى ...؟؟؟؟؟!!!!!
















أخونا الحبيب ..باسم زكريا
الرب يبارك حياتك وأهلا بيك فى وسطينا فى وسط أخوتك وبيتك التانى
وعلى فكرة أنا رديت على أخونا د.حازم وقلت له



كنت فين يابنى من ثلاثة وعشرين سنه ...الله يسامحك!!!!
كفاية كده وخلينا جد شوية !!!
وعلى فكرة الزواج المسيحى فعلا غير كده خالص ..خاصة مع الأسرة التى تجعل السيد المسيح هو مركزها وهو الذى يقود دفة الحياة فيها ..فيبقى الحب أيضا فيها ..لكن مع تزايد المسئوليات والأهتمامات داخل الأسرة ، تختلف وسيلة التعبير عن هذا الحب ..فاذا كان المسيح هو القائد وهو المركز ..والمسيح هو المحبة ذاتها فمن يستطيع أن ينزعه أو ينزعها من الوسط
.

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ياخبر أبيض يامورين...كل ده ؟؟!!
ده باين عليه رد ثأرى وشديد ويخوف وربنا يستر ...على كل حال أنا صلحت كلامى وقلت كلام حلو على الزواج المسيحى اللى مركزه الرب يسوع وأكيد قرأتيه ، يعنى أنا خارج دائرة الإنتقام وربنا يستر على الباقى وأولهم الكتور حازم..

36_11_16[1].gif

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.

أحدث الموضوعات

From Coptic Books

إجمالي مرات مشاهدة الصفحة من 10/2010