(((( خطية الصغار ))))

ولد أو بنت سنهم 2 او 3 او 4 سنين


شتموا أو كذبوا أوحلفوا - هل تعتبر خطية عليهم ؟



من فضلكم الرد علي
حبيبتى آنستاسيا
موضوعات جميلة بتطرحيها و فعلاً بتكون تايهة عن بالنا، لكن بالنسبة لواحدة نبيهة زيك بتفكر و بتسأل بتخلينا نبتدى نقرا و ندور و نشوف الاجابة الصحيحة فين. يمكن الاجابات مش موجودة فى الكتب، لكن فى إيماننا بربنا و رحمته و عدله.

الخطية تعتبر خطية ما دمت بأعملها و أنا عارف إنى غلطان. و القديس أغسطينوس بيشرح الكلام ده فى المذكرات بتاعته و إن فيه خطايا إرتكبها و هو طفل صغير زى الطمع فى الحاجات اللى فى إيدين الآخرين، و زى الكذب، و زى الخطايا دى.

و إحنا لما بناخد حل من الكاهن بناخد الحل على الخطايا اللى إرتكبناها عن سهو أو جهل. حتى فى الصلاة نقول "التى فعلناها بمعرفة، و التى فعلناها بغير معرفة". يعنى بنطلب الغفران على الخطايا اللى عملناها بجهل و بدون قصد من غير ما ناخد بالنا إنها خطية. و كمان الواحد بيعمل حاجات كتير من غير ما ياخد باله إنها خطية و لكن لما بيتقدم فى المعرفة و فى الروحيات بيبتدى يكتشف إن الحاجات الصغيرة دى بتغضب ربنا. كأن فيه بقعة صغيرة فى فستانك و مش باينة خالص، لكن لما تقربى الفستان من النور تبتدى البقعة تبان. و النور هنا هو الله ,, و كل ما نقرب من الله بقع خطايانا تبان أكتر و أكتر.

لكن فى النهاية ... لنفترض طفل مات و هو عنده 4-5 سنين و طبعاً أكيد طمع فى حاجات فى إيدين أولاد تانيين، أو غضب، أو ما سمعش كلام مامته، أو كذب علشان خايف يتعاقب، هل الله حيلقيه فى نار جهنم؟!

أنا لىّ أخت ماتت و هى عندها 8 سنين، و طبعاً أكيد غلطت فى خلال السنين دى، لكن صدقينى - زى ما قالت لك جاكلين فى موضوع سابق - أنا حاسس بها ملاك بيشفع فىّ قدام عرش النعمة.

و زى ما قال فدافيدو إن إذا كنا إحنا و إحنا بشر خطاة و مش إحنا اللى خلقنا الأطفال دول بنشفق عليهم، ما بالك بقى بالله أبوهم اللى خلقهم؟!!!!!!!!!!

زى ما قلت لك قبل كده فى موضوع سابق:
أنا ثقتى فى رحمة الله كبيرة جداً زى ما أنا واثق فى عدله جداً. و علشان كده مش أى رأى أسمعه من أى حد بأصدقه على طول غير بعد ما أحطه فى الميزان مع رحمة الله و عدله. فإذا كان الكلام يتوافق مع الرحمة و العدل و كون الله هو الخالق بأصدق الكلام، عذا ذلك بيدخل الكلام من ودن و يطلع من التانية.
((( من وجهة نظرى )))
احنا كنا اتكلمنا عن الاشبين قبل كدة
ووصلنا الى ان اللروح القدس بيحل وبيعمل على حسب طلب الاشبين كما ان الاشبين هو المسئول مسئولية كاملة عن الطفل
وكما ان الانسان له ضعفات كذالك الطفل
وكما ان الله يقبل توبتنا يقبل توبة واعتراف الاشبين عن الطفل
ليس فى كل شيء
فمثلا اذا تعلم الطفل من ابويه انه لا يصلى كل يوم الى سن 5 او 6 سنين مثلا
هنا الاشبين يعترف اولا عن خطيته وعن خطية ابنه
( الاشبين يكون مسؤل عن روحين )
لان ارادة الطفل من ارادته ( طبعا بنسبة )
لقد ذكرنى باهر بذكر أول إشبين فى الكتاب المقدس و هو أيوب إذ يقول سفر أيوب "وكان لما دارت ايام الوليمة ان ايوب ارسل فقدسهم وبكّر في الغد واصعد محرقات على عددهم كلهم . لان ايوب قال ربما اخطأ بنيّ وجدفوا على الله في قلوبهم . هكذا كان ايوب يفعل كل الايام" (أي 1 : 5).

هنا نرى رغم بلوغ أبناء أيوب إلا إنه كان يصعد محرقات باسمهم خشية أن يكون أحد أبناءه قد جدف على الله فى قلبه. و هذا يدعم كلام باهر.



الظاهر كده انك يا انستاسيا بتعوضى غيابى عن الموقع

على العموم اسئلتك انا غير متفاجئة بها لان انا عارفة ان مخك شغال وبيسأل فى حاجات كتير وبرافو عليك انك عاوزة تفهمى وتعرفى
انا سمعت قداسة البابا شنودة فى اجابته على سؤال عن مدى مسئولية المجنون او المتخلف عقليا ومهما كان سنه عن خطاياه
فكانت اجابة قداسة البابا ان الله بمحبته لن يحاسب شخص لايدرك
مايفعله اى ان الحساب سيكون على مقدار الادراك
فمثلا بالنسبة لسؤالك هل الطفل الذى عمره سنتين هل يدرك ويعلم ويميز بين الخطأ او الصواب او حتى يدرك لماذا نمنع عنه اشياء بالطبع .... وهل نحن الاباء نحاسب الاطفال فى هذا السن المبكر
ام نراعهم ونحميهم فقط فما بالك بالله

وهكذا بالنسبة لباقى الاعمار للطفل فعلى مدى ادراكه وعقله نحن الاباء الجسديين نعامل الطفل ونرشده او نعاقبه اذا كان لديه جزء من الادراك او الوعى

فما الحال بالنسبة لله الذى هو المحبة بذاتها

شكرا لكم جميعا على هذه الردودالجميلة التى تفيد كل انسان



`16`

استمع ثم ابدى رايك أنا معنديش تعليق

بصراحة ما أقدرش أبدى رأيى فى جملتين من عظة.
لازم أسمع العظة كاملة علشان أعرف خط سير العظة إيه.
إنما علشان الواحد يسمع دقيقة من عظة و يبدى رأيه أعتقد حيبقى رأى ناقص و مالوش قيمة.
مش كده ولا إيه؟!

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.

أحدث الموضوعات

From Coptic Books

إجمالي مرات مشاهدة الصفحة من 10/2010