مين ده الى بيقول انه رايح السما ؟؟؟؟؟؟؟؟؟؟؟

ولا واحد يقدر يقول انه رايح السما لكن كلنا لنا رجاء اننا نروح السما لان الانسان تحت نير الخطية الى اخر لحظة فى حياته ولازم نفتكر القديس العظيم ابو مقار
فى لحظة انتقاله اراد الشيطان ان يحاربه بخطية الكبرياء وقال له انه قد وصل الى الملكوت فاجابه لا لم ادخل

اى اننا الى لحظات عمرنا الاخيرة معرضين للسقوط فلا يستطيع احد ان يقول انه ضمن الملكوت لانه ليس ببر ذواتنا ولكن ببر الله لنا ومعونته ومحبته
وكم رأينا من قديسين قد سقطوا فى الخطية فهل كان من حقهم قبل السقوط ان يقولوا انهم ضمنوا الملكوت بالطبع لا والتجربة خير دليل ومثال وقوع القديسين
فى الخطية الانبا يعقوب التائب ذلك القديس الذى وصل فى العمر للشيخوخة فى صلاح وطهارة ومع ذلك صرعه الشيطان فى ثلاث خطايا هى الزنا والقتل والكذب لانه
قد ظن نفسه انه قد عبر فوق الخطية واتكل على قوته وجهاده الروحى فسقط فى تلك الخطايا وبكى حوالى عشرين عاما مقيما فى طافوس وينام على جمجمة
لكى يتذكر ضعفه ونهايته

وعليه يا ابنى المبارك لايوجد انسان بستطيع ان يقول انه ذاهب الى الملكوت بل يقول انه يجاهد للوصول الى الملكوت بمعونة ربنا له










أخى الحبيب ... يسوع ربى
ممكن أسألك أنت نفس السؤال الذى تبحث عن أجابته ؟؟
ياترى أنت رايح السما ؟؟
ولا أنت ( الله لا يسمح ) .. رايح النار التى لا تنطفئ والتى دودها لايموت ؟؟
على فكرة ... ربما ستجد أن أجابتك هى نفس الإجابة التى تنتظرها من الأخرين !!!!!!!!!!



الابن العزيز jesus my lord

نأسف لانه تم حذف جزء من الموضوع الذى هو عبارة عن ثانى رد لى وردك عليه وذلك عن طريق الخطأ بواسطة استاذنا

سمير سميح الذى كان يريد ان يعدل فى رد له على الموضوع فقام عن غير قصد بحذف المشاركتين

ارجو ان تعذره كما عذرته انا

الرب يبارك حياتك











سلام يا تاسونى و سلام للاخ Jesus my lord و ممكن اسأله اساسا ايه الهدف من السؤال
الاباء سموا كنيستنا الكنيسة المجاهدة يعنى سنظل نجاهد حتى النفس الاخير
و الثمن المدفوع فينا كلنا هو تكفير للخطية الجدية و ليس للخطايا التى بنعملها و حنعملها _ على حد فهمى من ردودك قبل حذفها _
فليس لدينا فى كنيستنا فكر : غفر ما تقدم و ما تأخر
خطايانا تغفر فقط اذا تبنا عنا و اعترفنا بها
و دورنا اننا بنحاول و بنقوم مرة و نسقط و رجائنا اننا عندما يحين وقتنا و نموت ان نكون فى حالة توبة و ليس فى حالة بعد عن الله
أولا : أعتذر أحبائى للخطأ الغير مقصود الذى وقع بحذف جزء من رد أختنا titi ومعه جزء من رد أخونا الحبيب يسوع ربى والذى مازلت حتى الأن لا أعرف كيف وقع الخطأ ، لأننى حين حذفت فقد حذفت جزءا كنت قد كتبته أنا وبجوار أسمى وبجوار الصورة التى تخصنى ولكن على كل حال أرجو قبول أعتذارى.
ثانيا : بالنسبة لك ياأخى الحبيب لقد جاوبت على نفسك بردين متناقضين ، اولهما انك ضمنت دخول السماءوانك واثق من ذلك لأن أبونا السماوى قد دفع عنك الثمن وثانيهما أن ذلك سيحدث بس مش باقى عليك إلا إنك تعيش له !!... إذن كيف ضمنت دخولك للسماء وأنت مازال فى عمرك الطويل بإذن الله بقية تحت الجهاد ضد الخطية وضد ابليس ، ومازال مطلوب منك أعمالا تليق بحياة العشرة مع الله ...حياة كلها صراع وجهاد ضد مكائد ابليس، ويمكنك فيها أن تنتصر بقوة المسيح ، كما يمكن أن ينتصر عليك أبليس أن جذبتك شهوات العالم واهوائه ، وإن تخليت أنت بإرادتك لاحظ بإرادتك عن عشرتك بالله ؟؟!!
ان قلت أنك تثق فى نفسك أنك قادر على الإنتصار فذلك خطية أخرى اسمها الغرور والكبرياء ، ولا تنسى أن حروب أبليس تواجه الإنسان الى النفس الأخير على امل أن يسقط الأنسان فى لحظات ضعفه الأخيرة ..لحظات الموت ليقتنصه لنفسة ، فهل كل انسان يستطيع الصمود أمام هذه الحروب ؟؟؟؟ وأمامك قصة القديس أبو مقار التى ذكرتها لك أختنا titi وهو الذى حاربه الشيطان فى لحظة إنتقاله بالكبرياء ، إلا إذا كنت ياأخى الحبيب لاتؤمن ولا تصدق قصص القديسين وجهادهم وذلك شئ أخر ...ولاحظ أنه كان يحاربه بخطية الكبرياء ، وكان من الممكن أن يسقط فيها القديس أبو مقار لو كان قد ضعف أمام الشيطان وحينئذ كان سيخسر كل شئ وكل جهاده طول حياته ..وأطلب من الرب يسوع ألا نسقط نحن فى هذه الخطية
لذلك اقول لك ليكن عندك ثقة ورجاء فى الرب يسوع وخلاصه وجاهد الى النفس الأخير فى حرص من مكائد ابليس وإحيا حياة التوبة مقدما أعمالا تليق بالحياة مع الله وثبت نفسك فيه بالتناول المستمر من جسده ودمه الأقدسين ..حينئذ يعطيك الله أن تحيا معه فى ملكوته الأبدى ، وعندها ستحضر القديسة العذراء والملائكة والقديسين ليحملوا روحك المنتصرة وليدخلوا بها الى السماء ، حينئذ وحينئذ فقط تستطيع أن تقول لنفسك أننى واثق الأن أننى داخل السما .


" إصنعوا ثمارا تليق بالتوبة ، وكل شجرة لاتصنع ثمرا تقطع وتلقى فى النار "...( لو 3 : 7 - 9 )

" إن لم تتوبوا فجميعكم كذلك تهلكون "..

" إيمان بدون أعمال ميت "... ( يع 2 : 19 )




سؤالى هو انت واثق ازاى انك رايح السما ياريت تقول لى من فضلك

انت يابنى ماعندكش ثقة انك تقدر تقول انك رايح ميدان رمسيس بكره لانه احتمال ربنا يفتكرك بعد

ماقلت كده بثانية ربنا يديك العمر

لكن تقدر تقول انك بأذن ربنا هتروح بكره ميدان رمسيس

وللمرة التانية اقول اقول لك الاية اللى بتقول الجميع زاغوا وفسدوا واعوزهم مجد الله ( الجمـــــــــــــــــــيع )

لاحظ كلمة الجميع بلا استثناء اى الكل معرض للسقوط فهل انت فوق السقوط هل انت فوق ابونا ابراهيم

وهل انت فوق كل الاباء القديسين الذين سقطوا وعثروا ...... انت كما قالت اختنا ايفرست فى حالة جهاد مستمر مع الخطية

وكلنا كذلك نجاهد ونجاهد غير متكلين على ذواتنا وانما نطلب معونة ربنا امام قوى ابليس لاننا لانستطيع الانتصار

الا بالله العامل فينا

الا اذا كنت تؤمن بالخلاص فى لحظة ؟؟؟؟؟









أنا مبسوط جداً لأن حضرتك واثق إنك رايح السما
بس سؤالى هو الثقة دى كلها منين؟؟؟

السيد المسيح بيقول لنا فى إنجيل مار مرقس: كثيرون اولون يكونون آخرين والآخرون اولين (مر 10: 31) و كان كلامه ده لما كان بيتكلم عن الحياة الأبدية
كمان بولس الرسول نفسه بيقول: بل اقمع جسدي واستعبده حتى بعد ما كرزت للآخرين لا اصير انا نفسي مرفوضا (1كو 9: 27)

يا نهار أبيض!! بولس الرسول نفسه بيقمع جسده و يستعبده أحسن خايف يصير هو نفسه مرفوض بعد ما كرز للعالم كله؟؟؟
طيب ساعتها الواحد يبص لنفسه و يقول تروح فين يا صعلوك بين الملوك؟؟؟

و رب المجد يسوع المسيح يقول لنا تانى فى إنجيل معلمنا مار مرقس: ان لم تتوبوا فجميعكم كذلك تهلكون (مر 10: 33)
يا دى اليوم الصعب .. يعنى لو ما توبتش حأهلك؟!!

طيب ما يمكن أفضل عايش طول حياتى تايب و آجى فى آخر عمرى أستهبل و أضيع نفسى.
و لو أنا واثق إنى رايح السما يبقى أروح أنام فى العسل و أعمل اللى بيقوله مارتن لوثر فى إعترافاته لما بيقول: كن زانياً، كن سارقاً، كن فاسقاً، و لكن ثق فى الذى يبرر الفاجر فتخلص.
و ينسى مارتن لوثر إن غضب الله معلن من السماء على جميع فجور الناس واثمهم (رو 1: 18)

أنا عن نفسى حأفضل أجاهد علشان أضمن مكانى فى الفردوس لأنى لو توانيت حأروح الجحيم.
لكن حالتى حتبقى إيه قبل ما أموت؟؟ ما أعرفش ساعتها حأكون بأجاهد ولا نايم فى العسل.
لكنى حأجتهد دايماً أكون بأجاهد زى ما بولس الرسول حذرنى.
مبروك عليك السما

انا عن نفسى من أبناء بولس الرسول و حأفضل أجاهد بنعمة ربنا لحد آخر نفس.
و من أبناء أبو مقار اللى فضلت الشياطين تحاربه حتى و هو فى طريقه للسما.

إنت بقى علاقتك بربنا أكبر من بولس الرسول و أبو مقار.
و بالتالى مش حأكمل رد من أجل الجدل.

مبروك عليك السما و عقبالنا.
بس يا ريت تفاتح أب إعترافك فى الحوار ده و شوف رده إيه.
و مش معقول يبقى لى رد بعد أب إعترافك.

كل سنة و إنت طيب.

سؤال أخير بعد إذنك: هو حضرتك فى سنة كم؟؟؟




الظاهر ياحازم ان القديس ابو مقار وبولس الرسول ماكانوش واثقين فى ربنا كويس

ولا نخليها مش واثقين فى انفسهم ........... الله اعلم





















يابنى عيب لما تقول انى بستهزء بالقديسين اللى استرشدت بحياتهم فى اول رد عليك لكن لانك

مش بتقرا اللى بنكتبه كويس بروح التواضع والتعلم لكن بروح المجادلة

وبتناقض نفسك فى كلامك فى اغلب ردودك يعنى لما نقول لك ان قديس عظيم زى ابو مقار خاف انه يقول انه

وصل خلاص وانت تقول انك واثق فى ربنا وعلشان كده هتروح السما معنى كلامك ان ابو مقار مش واثق فى ربنا زى حضرتك

يبقى ده كلامك انت مش كلامى انا

على فكرة يابنى انت فعلا محتاج تقعد مع اب اعترافك وبسرعة وعليه

انا قررت انهى المجادلة لانها بلا فائدة

ربنا يبارك حياتك










يا ريت يا أخى الصغير تطبع الكلام ده كله و تاخده زى ما هو لأب إعترافك و تطلب رأيه و إرشاده و هو مش حيبخل عليك طبعاً و حيقول لك الارشاد السليم.

أخى العزيز سلام ونعمه لك .
نحن نؤمن بفداء الرب يسوع المخلص الوحيد ونؤمن بكل المواعيد الموجوده فى الكتاب المقدس ونحن نعلم أن المسيح هو الطريق والحق والحياه ونحن قد جعلناه ملك ورب للحياه والكيان ونعلم أنه ضامن لنا الحياه الابديه بالايمان بأسمه وبدمه الذى سال على عود الصليب لكى يرفع خطيانا .
ومع ذلك ينبغى أن نعمل الاعمال التى تشهد للعالم أننا أولاد الله { أحيا لا أنا بل المسيح يحيا فيا } ولكى نعمل هذه الاعمال نحن نتبع أقوال الكتاب المقدس وأرشادات الكنيسه وتعليم الأباء والاسترشاد بحياة القدسين وبايمانهم لكى نبلغ ما بلغوه فنحن نعيش حياه التوبه والاعتراف كل يوم ونتمسك برب بايمان راسخ من كل القلب وبناء على هذا فاسوف يكون لنا ميراث سماوى لايفنى .
صلوات القدسين تكون معنا أمين

إن ما تقوله - و خوفنا عليك - هو الذى دفعنا لكى نصحح لك منطوق ما تكتبه.
و أنا لا أعرف من هو مرشدك الروحى، و لكنى سألتك أن تسأل أب إعترافك كى يرشدك كيف تفكر أو تفهم أو تعبر عن تفكيرك.
و ليكن ما تقصده أنت هو خلاف ما فهمناه، و أننا نقصد نفس المعنى.
لكن منطوق ردك لو قرأه أى أحد صغير سوف يفهم أنك من أتباع جمعيات خلاص النفوس و من ينادون بالخلاص فى لحظة.

فلا يوجد أحد ضامن للخلاص. إن السيد المسيح ضمن الخلاص لكل من يؤمن به حقاً، و دمه كافى لغفران خطايا العالم كله.
و لكن فى نفس الوقت غضبه معلن عن فجور الناس.
و ليس شرطاً أن يكون إسمى مكتوباً فى سفر الحياة أن يظل مكتوباً فيه لأن سفر الحياة يمكن الاضافة و الحذف منه.
يمكن جداً إسمى يكون مكتوباً فى سفر الحياة و لكن يقوم الله بحذفه و لو حتى فى آخر لحظة.
و إليك الأدلة الكتابية على ذلك:

+ من يغلب فذلك سيلبس ثيابا بيضا ولن امحو اسمه من سفر الحياة (رؤ 3: 5)
هنا يضع الله شرطاً و يقول "من يغلب"، و الغلبة تستلزم أن يكون هناك حرباً بيننا و بين إبليس، و أن نجاهد فى هذه الحرب و نغلب. و من لن يجاهد ليحافظ على مكانته فى ملكوت السموات نجد الله صريحاً هنا و يقول أنه سيمحو إسمه من سفر الحياة.

+ وان كان احد يحذف من اقوال كتاب هذه النبوّة يحذف الله نصيبه من سفر الحياة ومن المدينة المقدسة ومن المكتوب في هذا الكتاب (رؤ 22: 19)
نجد فى هذه الآية خطية أخرى تستوجب حذف أسماء ناس من سفر الحياة، و هم أولئك الذين يحذفون آيات و أقوال من الكتاب المقدس. أولئك الذين يفسرون الكتاب المقدس بآية واحدة و يتركون الباقى فيأخذون منه رحمة الله و ينسون عدله. أولئلك الذين يصرون على أن الايمان فقط بدم المسيح الذى يطهرنا من كل خطية و ينسون "من آمن و أعتمد خلص" و "من يأكل جسدى و يشرب دمى يثبت فىّ و أنا فيه" و ينسون "إيمان بدون أعمال ميت" و ينسون "معترفين بعضكم لبعض" و ينسون الحل للكهنة "كل ما تحلونه على الأرض يكون محلولاً فى السماء، و ما تربطونه على الأرض يكون مربوطاً فى السماء". إن من يحذف من الكتاب المقدس أو يدارى على آيات لا تخدم عقيدته أو يحذف الكتاب كله و لا يؤمن به فهذا قد يكون إسمه مكتوباً فى سفر الحياة، و لكن بحسب هذه الآية سيحذف الله نصيبه من سفر الحياة.

إن سفر الحياة لم يكتب بعد بالحبر، و لكنه بالقلم الرصاص و التعديل فيه جائز بالاضافة أو بالحذف، و هذا هو التفسير الروحى لآية "كثيرون اولون يكونون آخرين وآخرون اولين" (مت 19: 30)

منطوق ما تردده أنت لا يقدر أى أحد من الآباء أن يقوله لأنه ولا حى على الأرض يقدر أن يضمن خلاص نفسه لأنه لا يضمن نفسه للحظة القادمة. بطرس الرسول نفسه الذى كان على إستعداد للمضى مع السيد المسيح إلى الموت لم يضمن كلامه لست ساعات كان بعدها ينكر السيد المسيح بل و يحلف و يلعن أيضاً. و هناك شهداء مسيحيين تقدموا لنوال إكليل الشهادة و حينما رأوا آلات التعذيب أو الاعدام تراجعوا و أنكروا السيد المسيح و بخروا للأوثان و منهم أساقفة و كهنة و شمامسة و عامة الشعب، و إنعقد بسببهم فيما إنعقد مجمع نيقية - هذا بالاضافة إلى مناقشة بدعة آريوس.

المنطوق الصحيح هو إنى إن سندتنى نعمة الله حتى آخر لحظة فى حياتى و جاهدت الجهاد الحسن و أكملت السعى و حفظت الايمان سيضمن لى الله مكاناً فى الملكوت. أليس هذا هو ما علمنا إياه بولس الرسول؟!! أليس بولس الرسول هذا الذى بشر العالم كله نجده يجاهد و يسعى حتى يحافظ على مكانه فى الملكوت؟! لو تسرب لى إحساس بإنى ضامن للملكوت ثق تماماً أن الشيطان قادر أن يستغل هذا الاحساس و يحاربنى به فيسقطنى، و ما أعظم من سقطوا لأن الخطية طرحت كثيرين جرحى و كل قتلاها أقوياء.
شكراً لردك.
و من رد خاطئاً عن ضلال طريقه فهو ينقذ نفساً من الموت و يستر كثرة من الخطايا.
ده كلام الكتاب المقدس.

و أنا أساساً خادم مرحلة شباب جامعى، وقدامى كل أنواع الشباب.
من أول الشباب اللى ينفع يترسموا رهبان و كهنة
لحد الشباب اللى بيمارس الزنا و بيتعاطى المخدرات.

ما أقدرش أقول دلوقت مين فيهم داخل السما بصراحة
لأن ده يعتمد على نهاية سيرتهم "أنظروا إلى نهاية سيرتهم".
كل اللى علينا إننا نوضح لهم إن نير ربنا هين و حمله خفيف، و إن طريق الملكوت مش صعب لو حبوا الوصية
و نحاول نخليهم يتعرفوا على ربنا مش بطريقة الخوف من العقاب و لكن بطريقة المحبة اللى تخليهم ينفذوا الوصية بحب مش برعب.

لكن زى ما وضحت لك إن الشباب البعيد عن ربنا و عن كنيسته ممكن يفهم كلامك على إن الطريق سهل قوى
و مافيش جهاد
و كفاية قوى إنهم مسيحيين علشان يخشوا الملكوت.
الموضوع محتاج جهاد و نعمة.
و ده فصل كامل فى كتاب قداسة البابا شنودة الثالث - أدام الله حياته - الخلاص فى المفهوم الأرثوذوكسى.
ماحدش بيقع فجأة و ما حدش بتفارقه النعمة فجأة
تذكر قصة شاول الملك.
السقوط بياخد مراحل و زى ما غادة قالت لك: قبل الكسر الكبرياء، و قبل السقوط تشامخ الروح.
ماحدش بيقع فجأة إلا لو تشامخت روحه و مسكه الكبرياء.
ثم ربنا عادل و مش بيتلكك للناس.
أعتقد بعد ردك ده يا أخى الصغير إنك لازم و لا بد تقعد مع أب إعترافك.
أنا خايف تخش إعداد خدمة و إنت بالمفاهيم دى...
و المصيبة الأكبر لو كنت خادم و بتعلم المخدومين كده.
حتى بترفض تفتح الكلام ده مع أب إعترافك؟؟
تكونش فاكر نفسك بولس الرسول بتاخد تعاليمك من ربنا بس؟!
ده حتى بولس الرسول قعد يتعلم من حنانيا.

يا ريتك تقرا كتاب قداسة البابا "الخلاص فى المفهوم الأرثوذوكسى".

يا أخى روح صارح أب إعترافك لأنك لو نقلت كلامك ده زى ما هو للمخدومين بتوعك حتبقى كارثة.
و أنا لو أعرف كنيستك إيه حأطبع كلامك ده و أروح أوديه لأب إعترافك بنفسى طالما إنت مش عايز.

ربنا يرحمنا و يرحمك من نفسك.
إدينى إسم مرشدك الروحى دلوقت و بمنتهى الأمانة حأرفع الأمر لسيدنا قداسة البابا شنودة الثالث و هو اللى يقول الكلمة النهائية.
طالما إنت واثق فيه قوى كده و بقى له 30 ولا 40 سنة بيرشد الناس بالفكر البروتستانتى ده يبقى لازم سيدنا قداسة البابا يعرف به.
هو بعدد السنين؟؟؟ آريوس كان كاهن و ضل و هرطق، و نسطور كذلك، و أوطاخى رئيس الدير ضل و هرطق ..
الكبرياء بيودى الناس فى داهية و بياخدوا معاهم ناس غلابة كتير زيك.
تعالى نروح لقداسة البابا، و لو هو صح يبقى يكمل زى ما هو عايز و أنا أبقى إتعلمت حاجة.
بس اللى أنا واثق منه إنك لا يمكن حتقول على إسمه و كنيسته لأن تعاليمه كلها تعاليم فاسدة
حتى لو كان مرشدك الروحى ده كاهن أو أسقف أنا مستعد أقف قدامه بنعمة ربنا و نروح لقداسة البابا شنودة الثالث.
و أنا مش حأرد عليك إلا لما أعرف إسم الكنيسة و أسماء الآباء الكهنة و المرشد بتاعك ده علشان أبلغ بيهم قداسة البابا شخصياً فى أول محاضرة كلية إكليريكية يوم التلات.
و ده كلام نهائى.
لو عايز تتعلم قول لى على أسماؤهم و على كنيستك حالاً، و سيدنا قداسة البابا هو اللى يحكم مش أنا.
ربنا يهديكم و أنا كنت واثق إنك لا يمكن حتقول عليهم.
عارف ليه؟
من الرعب.
لأن لو هم فعلاً ناس أتقياء و بيرشدوا الناس صح بما يتوافق مع تعليم كنيستنا كنت حتفتخر بيهم و تقول عليهم.
و تفتخر إن أساميهم توصل لقداسة البابا.

لكن ... إنت عارف الباقى.
فيه حد تانى فى المنتدى يا جماعى مش فاهم قصدى غير jesus my lord؟؟؟

لو فيه حد تانى يبقى أنا فعلاً اللى كلامى مش واضح، و لو مافيش غيره يبقى ينقل كلامى زى ما هو و كلامه زى ما هو و يروح به لمشرده الروحى يقول له فيه واحد بيقول إن أسلوبك بروتستانتى و مضل و بعيد كل البعد عن الايمان المستقيم الأرثوذوكسى.

بصراحة بقى أنا شايف إنك ترجع لطريقك القديم - و لو إنى مش عارف هو إيه - بس أكيد لو كان غلط يبقى أحسن تبقى ماشى غلط و إنت عارف إنك غلط، أحسن ما تبقى فاهم إنك فى الطريق الصحيح و إنت أبعد ما يكون عنه.

و لو فيه أساساً مرشد روحى لك بيرشدك بالكلام ده يبقى بروتستانتى بحت و كلامك كله مغلف بنكهنة بروتستانتية بحتة.

و أنا مصمم أعرف هم مين و لازم أعرف هم مين علشان لو فيه كهنة فى كنيستنا بيتكلموا بالطريقة دى يبقى لازم يتشلحوا أحسن.
ربنا يجازى أصحاب الفكر الفاسد اللى ما عرفوش يعلموك صح.

ده ردى و بولس الرسول بيقول: إن كان أحد يجاهد لا يكلل إن لم يجاهد قانونياً.

بس أصل بولس الرسول مقفل زيى و وضع دساتير و ترتيب للكنيسة تمشى عليه علشان نوصل صح.

ربنا يجازى اللى بوظوا دماغك بجد و أنا كنت أتمنى أعرف مين دول علشان كنت حأفضح فكرهم الفاسد قدامك لما أبعته لقداسة البابا.

حب ربنا زى ما أنت عايز و سلم له حياتك زى ما أنت عايز، بس إفتكر قول الآباء اللى علمونا: إن الله الذى خلقك بدونك لا يستطيع أن يخلصك بدونك.

يعنى آباء الكنيسة دول كلهم متخلفين و المرشد بتاعك هو اللى قديس؟؟!!

حرام عليكم بجد
أهو كده يا دكتور حازم
فين أيامك
وكل سنة وانت طيب

إقتباس(jesus my lord @ Dec 31 2007, 07:28 AM) [snapback]13658[/snapback]

[/font]ومعلومه الطريق الى انا بتكلم فيه ده بتاع الكنيسة الارثوزوكسية القديمه وده مذكور فى كتب الاباء القدماء
معتقدش انك قريته
وخليك حضرتك فاكر انى اتعثرت بسسب فكر حضرتك المقفل
انطلق بالروح وانت تشوف الى انا شايفه
مليش دعوه بقى ده ارثوزوكسى انجيلى كاثوليكى
انا مسيحى وبحب المسيح وخلاص مش هقدر بعد مضقت حلاوته اسيبه

[font="Arial"]ده خلاصة كلام الأخ ده يا أستاذ سمير
هو فضح نفسه بنفسه و فضح فساد فكره
كفاية إنه ما قدرش يقول على إسم الكنيسة و إسم الكهنة و المرشد الروحى اللى بيقول إنهم علموه الكلام ده لسبب من إتنين:
إما هو عارف الفساد اللى فى الفكر ده و بعده كل البعد عن عقيدتنا، و خايف من اللى حيعمله فيهم قداسة البابا.
أو إن لا فيه كهنة ولا مرشد ولا الهوا خالص و هو أساساً صاحب فكر فاسد من الكنيسة البروتستانتية.
ده نفس الكلام اللى كنت حاقوله ان تقريبا ما فيش مرشد و لا حاجة
انا متابعة الموضوع من الاول و رديت مرة و لكن العضو الجديد بيسيب الموضوع اللى فاتحه و بيمسك فى الهايفة
تانى حاجة بيقول حاجة و يرجع يناقضها
عشان كده انا بطلت ارد و حبيت اقولك يا حازم انه غالبا لا فيه ابونا و لا مرشد روحى لأنه كان ممكن يبعت اسمهم حتى على الرسائل الخاصة ليثبت مصداقيته خاصة ان كل من قرأ الموضوع رفض الفكر و كلنا من كنائس مختلفة فى مصر و خارج مصر إلا اننا لم نختلف على الرأى و كلنا نتسلم تعاليمنا من مصادر واحدة
كنيسة واحدة مقدسة جامعة رسولية




على فكرة يا ابفرست انا قلت لحازم نفس الكلام امبارح على الماسنجر ان ولا فيه مرشد ولا فيه كاهن هو بيبرر فكره الغريب

بأى طريقة وانا زيك بطلت ارد واشارك لانى عرفت انه داخل يعمل هيصة وخلاص مش داخل يستفيد او يفيد

وزى ما انت كتبتى انا قلت لباهر نفس كلامك الكل اتفق على رفض فكره مع اننا من كنائس مختلفة وبدون ترتيب فيما بيننا

وده يدل على ايمان واحد تعلمناه منذ حداثتنا فى كنيستنا الارثوذكسية

وبالرغم من كل الردود عليه يدعى اننا لم نقم بالرد عليه لانه يكتب للمجادلة وليس للفهم

وفى الاخر تطاول على حازم واتهمه بالفكر المقفل ودخل هو بنفسه مسح بعض كلماته المسيئة وهنا يجب ان لانسمح

بذلك وعليه تم شطب عضويته لاننا هنا نناقش افكار ولا نتطاول على اشخاص وان كان اتهمنى شخصيا فى البداية بالاستهزاء بالقديسين

مع ان هذا فكره وكلامه

ربنا يرحمنا ويرحمه ويفتح ذهنه ويفهم ويدرك غرابة فكره






كده احسن
و اما المباحثات الغبية و الانساب و الخصومات و المنازعات الناموسية فاجتنبها لانها غير نافعة و باطلة (تي 3 : 9)

المهم كل سنة و انت طيبة يا تاسونى
و كل سنة و انت طيب يا استاذ باهر و دكتور حازم و استاذ سمير و غادة و بيشوى
وكل سنة و كل اعضاء المنتدى بخير
وأنت كمان طيبة ياايفرست وكل أخوتنا فى المنتدى طيبين
بس على فكرة .. أنا شامم ريحة أفكار د.جورج حبيب بيباوى كمان فى الموضوع ، لان أخونا يسوع ربى عاوز يدلل على كلامه وعلى أفكاره بأقوال الأباء ، والبروتستانت رغم ان دى افكارهم عن الإيمان والأعمال ، لكنهم ينكرون أقوال الأباء ، ولكن اللى بيفسر أقوال الأباء على هواه هو د جورج حبيب بيباوى.[/color]




كل سنة وانت طيبة با ايفرست انت والكنيسة التى فى بيتك والجميع بصحة وسلام وخير


عندك حق يا استاذ سمير فى اللى انت شميته فعلا ديه ريحة جورج حبيب بباوى على ماكس ميشيل

وربنا يرحمنا من الثعالب اللى بتحاول تخرب فى الكرمة




















الريحة النجسة الزفرة باينة من بدرى يا أستاذ سمير و التعاليم الفاسدة باينة قوى قوى، و لكنا بنرفض هذا الفكر الفاسد و التعاليم اللى بتبعد الانسان عن الله و هى بتفهمه إنها بتقربه منه.

ربنا يحمينا و يرحمهم و يهديهم.
كل سنة وانتى طيبة وسنة سعيدة جديدة يا افرست
وكلكم طيبين بدون ترتيب الاستاذ سمير وتاسونى غادة والدكتور حازم وتاسونى تى تى وحبيى بيشوووو
وكل الاعضاء

بعيد جدا عن موضوع النقاش
1- سفر القضاة كان فى العهد القديم
2- مش كل الناس ايمانهم واحد ( يعنى اقدر اقولك فى ناس كتيرة جدا متعرفشى تفرق بين الاب والابن والروح القدس )
ومع ذلك بيتناولو ويعترفو ويتوبو ويعمدو اولادهم
3- الناس بتتغير من يوم للاخر وتنمو فى الروح وادراك الله
4- وضعاف النفوس اليوم ممكن يكون قديسين غدا اذا اعتنينا بهم
5- الذى يجادل اليوم فى الخطا يمكن ان يتوب غدا عن خطئه
6- توما الذى بعد قيامة رب المجد قال للتلاميذ ويسوع لم يقم من الاموات ولا اعترف بما رايتموه ولا اؤمن انه حى
ظل تلميذ واسقف ومبشر وله رعية بعد ان تاب واعترف وأمن

موضوع اخر احب ان افتحه
هل الكنيسة القبطية الارذوثكسية لم يكن لها اي عيوب فى اي زمن ؟
والسؤال من جهة اخرى
ارجو سرد عيوب وسقطات الكنيسة الكاثوليكية