ابونا قعد على الرصيف
اثار الشيطان زوبعة داخل اسرة يرعاها ابونا بيشوى كامل , وانزل الغضب والثورة فى قلب الزوج , فما كان من الزوجة سوى ان طلبت من ابنها ان يسرع الى الكنيسة ليحضر ابونا بيشوى , وحضر الاب القديس على الفور , واذا بالشيطان يثير الزوج اكثر فيقول "انتم عايزين تضغطوا على اكثر بابونا ... طيب انا نازل ومش راجع البيت تانى " قالها وهو يندفع نحو الباب
للنزول ولكن ابونا بيشوى لم يتركه فذهب وراءه وعندما رأه الزوج نازلا خلفه قال له متعجبا ابونا ماتتعبش نفسك وتيجى ورائى , انا مش راجع " ولكن ابونا اجابه فى هدوء "انا مقدرش اسيبك لوحدك وانت تعبان كدة لازم اجى معاك" فاكمل الزوج طريقه واسرع فى خطاه ,وهو متعجب من امر ابونا ... ثم نظر وراءه فاذا بابونا بيشوى يسرع خلفه بنفس سرعته , فوقف الزوج يعاتبه قائلا"ليس هناك داعى لهذا التعب ... الناس عرفاك يا ابونا ... هيقولوا اية وهم شايفينك كدة بتجرى فى الشارع".
اجاب ابونا بيشوى مبتسما " مش مهم المهم انى مش هسيبك ياابنى طول ماانت تعبان كدة".
فاراد الزوج ان يضع حدا لهذا الامر فأسعفه فكره الى طريقة يتخلص بها من حصار الحب الذى فرضه عليه ابونا بيشوى ... فما كان منه الا ان جلس على الرصيف فى الشارع وهو يقول لابونا "طيب ادى قعدة لما اشوف هتعمل اية" وببساطة شديدة وبلا تردد اخذ ابونا بيشوى مكانه بجواره على الرصيف امام جميع المارة وهو يقول "طيب وماله وادى قعدة" ذهل الزوج واحترق الشيطان امام شدة اتضاع ابينا القديس وسأله الزوج فى حيرة "ابونا كل الناس شيفاك ... كرامتك ياابونا " لية كل دة؟؟ فاجابه الاب الحنون "واية يعنى مش المسيح نزل لغاية رجلين تلاميذة وغسلهم ...مش عايزنى انا اقعد جنب ابنه وهو تعبان "
فغاب الشيطان بلا رجعة واستسلم الزوج فى هدوء ودموع لابيه قائلا "ماذا تريد منى يا ابى ؟؟" فاجابه "نرجع البيت تانى " فقال بمنتهى الطاعة "حاضر ياابى"
وكانت هذه هى اخر زوبعة لهذة
الاسرة.
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.