أنا جاى بإذن ربنا

أحبائى...
أنا جاى مصر إن شاء الله بعد عيد السيدة العذراء.
حد عايز حاجة من هنا؟!
`16`
ما عنديش أى مانع
إتفقوا مع المشرف على المنتدى و أنا ما عنديش أى مانع نعمل قعدة روحية لأعضاء المنتدى وجهاً لوجه.



اه صحيح افتكرت ياحازم بما انك بتسأل حد عاوز حاجة من هنا

ياريت اربعة سوشى وانت جاى من فضلك

تيجى بلسلامه يحازم .
بس اللى بلده مش مصر يعمل اى ؟







`16`
عليك وعلى الكورى ياحازم مش احسن من الصينى يابيتر

كتر من الكورى ياحازم على قد ماتقدر وسيب بيتر على

وماتخافش ياحازم كورى يعنى كورى
`

16` تيجى بالف سلامة و كل اللى عاوزينه سلامتك `16`

بس ابوس ايدك بلاش السوشى ده احسن بيجيب كوابيس و بيعمل

حساسية `13` و دى اخرة اللى ياكل سوشى
كده أنا فهمت الطلبات
weta عايزة سوشى، و بطوط عايز حاجة كورى.
خلاص .. إعتبروها وصلت مصر؟
كده انت بتعرض نفسك لخطر كبير ومش من عضو

واحد دول عضويين وربنا يستر عليك وعلى اللى ناويين يعملوه فيك لو جبت كورى وسوشى من بيتر ل ويتا يارب استر `17`




السوشى ... مابحبوشى

احسن لك ..... ماتجيبهوشى

علشان .... ما ارميهوشى

وتروح فلوسك ..... بلوشى

على نوع .... ماضمنهوشى

ويا تلحقوا ... يا متلحقوشى

`10`

الكورى يا بطوط ... حلو و مطلوب
لو بس تعاشره ... تلاقيه حبوب
هو صحيح ... فيه شبه من الدبدوب
بس فى الآخر برضه ... ده شئ مقدر و مكتوب


و السوشى يا weta ... فى اليابان أكلوه
سمك نىّ و كابوريا ... فى الرز المسلوق لفوه
لو جربتوه مرة ... مش ممكن حتنسوه
و لو مش عاجبكم حآكله ... بس بلاش ترموه

برضه مافيش فايدة
أنا حطيته فى الشنطة خلاص.
ربنا يجيبك بألف سلامة يا أونكل حازم `16`

أنا بقى عوزة حجات كتيرة

أولا :- عوزة فار نى من كندا

ثانيا :- عوزة ثعبان نى من كندا

ثالثا :- عوزة فرخة نية من كندا

طبعا أنت فاهم يا أونكل حازم قصدى ايه

فى سوأل وجيه هسأله لأونكل حازم من هو مخترع السوشى ؟؟؟


سوشى سوشى سوشى ...............لأ كده متجبهوشى

السوشى هو السبب فى حدوث الكثير من الكوارث فى اليابان

جابلهم سارس مش من زمان

و انفلونزا الدجاج كمان

و دى اخرة اللى ياكل السوشى `13`
سلام ونعمة ليكم :
ربنا يجيبك بسلامة يا حازم . أنا مش عاوز حاجة من كنداااا ألا حاجة واحدة بس دة لو أنت لسة هناك بص سيبك من السوشى اوكى ربنا يبعدنا عنة ههههه أنا مش عاوزألا سلامتك وخلى بلك من نفسك بس آنت بقلك فتر مش بتدخل لية أبقى طمنى عليك .
انتم تعرفوا أنا خايف يكون الأخ حازم أحتجزوة بسبب السوشى

بعد شهر من الاختفاء عن المنتدى فى زيارة سريعة إلى مصر مرت و كأنها ثوانى قليلة هئنذا أظهر مرة أخرى فى المنتدى.

لقد كانت زيارتى إلى مصر هى غاية المنى، و نشكر الله على إنها كانت زيارة جميلة أخذت فيها بركات كثيرة، كما رأيت الكثير من أصدقائى.

و أشكر كل من تاسونى تيتي و معها الثنائى المرح weta Anastasia، باهر، و batoot أعضاء المنتدى الذين قابلتهم شخصياً.

كما أشكر كل من سأل عنى و صلى لى.

كذلك ملخص الزيارة هو زيادة إيمانى أن الحياة أجمل فى مصر بين الأهل و الأصدقاء و الكنيسة القبطية الأرثوذوكسية إذ لا يوجد مثلهم فى أى مكان آخر.
حمد الله على سلامتك ياحازم

ونشكر ربنا ان كان لنا حظ وقابلناك فى مصر وانك اعطتنا وقت

من وقتك بالرغم من ضيقه لكن محبتك كانت اكبر

وربنا يكمل مشوارك ويكلله بكل نجاح وتفوق وترفع اسم المسيح

فى كل مكان ( ليروا اعمالكم الصالحة فيمجدوا اباكم السماوى )

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.

أحدث الموضوعات

From Coptic Books

إجمالي مرات مشاهدة الصفحة من 10/2010