.بتتأخر ليه يارب؟؟؟

بتتأخر ليه يارب؟؟

و للوقت ألزم يسوع تلاميذه أن يدخلوا السفينة و يسبقوه إلى العبر حتى يصرف الجموع. و بعدما صرف الجموع صعد الى الجبل منفردا ليصلّي. و لما صار المساء كان هناك وحده. و أما السفينة فكانت قد صارت في وسط البحر معذبة من الامواج. لأن الريح كانت مضادة. و في الهزيع الرابع من الليل مضى إليهم يسوع ماشيا على البحر. فلما أبصره التلاميذ ماشيا على البحر اضطربوا قائلين انه خيال. و من الخوف صرخوا. فللوقت كلمهم يسوع قائلا: 
تشجعوا. أنا هو. لا تخافوا. 



  1. تى22:14-27) 
  2. ليه يارب عملت كده؟ 
  3. · الأول ألزمت التلاميذ انهم يدخلوا السفينه وحدهم وانت عارف ان البحر هيهيج عليهم وان الامواج هتعذبهم! 
  4. · و بعد كده كمان تركتهم من المساء معذبين فى وسط البحر يصارعون الامواج ولم تذهب اليهم الا فى الهزيع الرابع!!!. لماذا يارب تركتهم كل هذا الوقت الطويل ولماذا لم تذهب اليهم من الاول وهما أكيد كانوا بيصرخوا ليك ومحتاجينك قوى!!! 
  5. ليه يا رب؟ انا عايز اعرف عشان انا كمان زيهم سفينه حياتى فى وسط البحر معذبه من امواج الضيقات و التجارب وانت يارب شايفنى من المساء و انا بناديللك وانت برضوا سايبنى وبتتأخر عليا!! 
  6. وانت كنت عارف كمان يارب من البدايه انى هتعب ومع ذلك الزمتنى انى ادخل بالسفينه فى وسط البحر وانا ضعيف أوي يا رب وسفينتي مش هتقدر على الامواج و الرياح ......بتتأخر ليه يارب؟؟؟ 

  7. حبيبى .... أنا لم اتركك ابداً انا سبتك تدخل فى وسط البحر و انا عارف انك هتتعب علشان اعلمك حاجات مهمه أوي 
اول حاجه 
انك تتعلم الصلاه.. تتعلم تندهلى وتكلمنى بعد ما تتعب من كتر مانديت الناس و محدش سمعك فتعرف انك لازم تتكلم معايا انا.. و مش بس كده لا انا كمان عايزك تتعلم اللجاجه فى الصلاه تتعلم انك تفضل تصلى و تطلب بلجاجه حتى لو اتأخرت عليك و تكون واثق انى سامعك ولا تنسى "صلوا كل حين ولا تملوا" 
تانى حاجه 
عايز اعلمهالك هى الجهاد... لازم ياحبيبي تتعلم انك تجاهد وتصارع كل الضيقات وتتعلم انك لازم تعمل كل اللى عليك ولا تستسلم لازم تبقى قوي و تصبر وتطلبني وانت واثق انى هقويك انك تجاهد وتنتصر كمان 
وتالت حاجه ياحبيبى 
عايزك تتعلم انك تحس بالاخرين وانت مش هتحس بيهم الا اذا انت كمان مررت بضيقات و آلام زيهم... وقتها بس هتعرف هما تعبانين قد ايه و تعرف تساعدهم و تقويهم عشان انت كنت زيهم 
وأخر حاجه ياحبيبي 
عايز اخليك تشوفنى وانا جايلك ماشى على المياه فوق كل الامواج اللى تعباك... عايزك تشوف يدي القوية و عجائبي اللى مكنش ممكن تشوفها غير لو عديت فى البحر الهايج فتعلم وتثق انى انا الوحيد القادر على انقاذك مهما كان اللى انت فيه وان كل قوى العالم لن تقوى عليك وانت معايا. 
عشان كده ياحبيبى انا اتأخرت بس عايز اطمنك ان عينى دايما عليك وايدى بتحافظ عليك حتى وانت الان فى وسط الضيقات 
لا تخف تشدد وتشجع.. انا معك.. فقط اطلبنى و انتظرنى لانى سأتى اليك قريبا ماشيا على الماء


ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.

أحدث الموضوعات

From Coptic Books

إجمالي مرات مشاهدة الصفحة من 10/2010