بابى بلاش ....ال..127 !!

أطفال ولكن....... `14`

*******************
بابى.. بلاش الـ 127 !!! `10`
"""""""""""""""""""""""""""""""""
مر الأب على سارة ابنته فى الميعاد المعتاد ليصطحبها من المدرسة، فوجدها واقفة وقد ارتسمت ملامح الغضب على وجهها.. وركبت بجانبه وأغلقت الباب فى عنف ولم تحييه ولا نطقت بكلمة..

الأب : مالِك يا سارة ؟

سارة : أوف.. مفيش... `10`

الأب : يعنى إيه مفيش ؟ حد زعلِّك فى المدرسة ؟

سارة : لأ.. `10`

الأب : طيب فيه إيه ؟

سارة : يا بابي إنت عندك عربيتين.. ليه جايلى بالـ 127 ؟ ليه ماجتش بالـ "لانسر"؟! `11`


الأب فى دهشة : طيب وهى تفرق معاكى إيه آجى بأي عربية.. مش المهم جت لك فى الميعاد ؟

سارة : لأ طبعاً تفرق أوى.. كل أصحابي اللي واقفين بييجى باباهم أو مامتهم ياخدوهم بعربيات شيك وكبيرة.. لانسر.. تويوتا.. مرسيدس.. مش 127 !!! منظري إيه دوقتي قدام أصحابي ؟ يقولوا علىّ إيه ؟ فقيرة ولا مش شيك ؟!


ذُهِل الأب لتعليق إبنته وإنفعالها الزائد.. ولكنه أدرك أن بداخلها مفاهيم يجب أن تصحح.. وكانت طريقة الإصلاح أنه اصطحبها إلى مدرسة فى حي فقير للغاية ودخلا داخل فناء المدرسة ثم إلى أحد الفصول.. وقال لها :

سارة.. إيه رأيك تبجي تكملي باقي سنين دراستك هنا ؟

سارة : لا طبعاً.. مش ممكن.. مقدرش.. دى الحيطان شكلها هتقع.. والمدرسين ماسكين عصيان وبيضربوا البنات وبعدين دى فى حارة ضيقة متكفيش لعربيتك تدخل فيها.. يعنى لازم أمشى مشوار طويل.. ومفيهاش كانتين لو احتجت أشرب حاجة ساقعة أو آكل حاجة حلوة زي مدرستنا..ومفيهاش أصحابي اللي بحبهم..

الأب : يعنى إنتى مدرستك أحسن ؟ ومستريحة فيها أكتر من البنات اللي فى المدرسة دى ؟

سارة : طبعاً.. يااه دة أنا كأن مدرستي جنة بالنسبة للمدرسة دى..

الأب : كويس أوى يا سارة.. شفتي فيه ناس تتمنى العربية الـ 127 بتاعتنا دى ويعتبروها جنة برضه لأن ماعندهمش خالص وسيلة مواصلات خاصة.. وبيضطروا يمشوا مدة طويلة فى الشمس أو في البرد والمطرة.. ويتمنّوا يكون عندهم 127..

وهنا أدركت سارة الدرس.. وقالت : أيوة يا بابى.. لك حق.. أنا آسفة..

الأب : سارة.. لازم دايماً نشكر ربنا على كل حاجة عندنا.. `17` ومانقارنش نفسنا بغيرنا.. لأن زي ما غيرنا عنده حاجات أكتر، فيه ناس عندهم أقل بكتير وفيه ماعندهمش خالص.. وبعدين لازم نكون مبسوطين باللي عندنا ومانحسش إننا زعلانين لما غيرنا يكون عنده حاجة أكبر أو أحلى.. المهم من جوانا نكون راضيين وفرحانين لأن الحاجة اللي ربنا يسوع يديها لنا دى أحلى حاجة فى الدنيا..

الف شكر على تشجيعك وربنا يعطيكى `17` بركة ونعمة
شكرا على القصة الحلوة `11`