إعطنى حريتى....!!!

سلام الرب لكم :
الحرية كلمة نرددها و نقولها كثيرا فهل نفهمها و نعنيها؟؟؟

فنقول مثلاً :-

“ انا حر اعمل اللى انا عايزه ” أو “ انا عايز حريتى حراااام عليكم “ أو المثل القائل “ انت حر ما لم تضر “

أخواتى

ماهى الحرية فى وجهة نظرنا؟ و هل للحرية حدود ؟ ام بلا حدود ؟ و هل الانسان الحر يكون حُراً فى نفسه بلا أى حدود ؟ ؟ ؟ ام اننا نرى للحرية حدوداً معينة ؟ و إن كان كذلك فكيف هى حرية و كيف هى محدودة ؟؟؟ و هل الحرية تُكتسب ؟ أم تُمنح ؟ أم نصارع مع من حولنا من مجتمع او اهل او بيت لنأخُذ حريتنا ؟ ام هم سامحين لنا بحريتنا و نحن لا ندرك ذلك لأننا نطلب حرية من نوع أخر؟؟؟

هذه التساؤلات غيرها الكثير كثيرا ما نتناقش فيها مع اخواتنا و ابنائنا و مخدومينا فى مرحلة الشباب فما رأيكم ان نتناقش فيه هنا و تشمل الكثير من الاراء فمن المؤكد ان لكل منا خبرة و رأى يستطيع ان ينفع بها الاخرين .....
يالا مسنيين رأيكم .
والرب معنا

[i]

[/size][color=darkred][/color]
[size=10] " ان حرركم الأبن ، فبالحقيقة صرتم أحرارا " فالحرية الحقيقية هى فى المسيح يسوع ، والذى يحيا به لايخطئ ، فيعيش الحرية التى لا تضره ولا تضر الأخرين ، بل أيضا تثمر فى حياته ثمار الروح القدس ، وبأفعاله وتصرفاته يعكس صورة يسوع الهه للأخرين فيكون نورا ومنارة لهم .
أذن الحرية ليس هى مجرد أننى أفعل أى شئ وكل شئ ، بلا حدود لكن بالمسيح يسوع وبأرشاد الروح القدس أتحكم فى أفعالى وتصرفاتى ، وفى كل عمل أعمله أسأل نفسى ..هل لو كان الرب يسوع مكانى وفى هذا الموقف كان سيفعل نفس الشئ أم لا ؟؟؟ هذه هى الحرية الحقيقية التى خلقنا الله عليها على صورته ومثاله ، وهى الحرية التى يريدها منا ومع ذلك فقد أعطانا الحرية والأرادة أن نحافظ على هذه العطية أو أن نحيد عنها .
" ان حرركم الأبن ، فبالحقيقة صرتم أحرارا "





الابن المبارك يوسف


اهلا بك فى وسط اخوتك فى المسيح

لى ملحوظة على تعليقك وهو ( ولا نقارن عاداتنا بالمجتمع الغربي لانة مجتمع مبني علي الاباحية المفرطة )

اقول لك لاتسمع كل كلام الاعلام المضلل فليس كل الغرب عادات سيئة او منحلة لكننا نرى هناك عادات

لهم لايتكلم عنها الاعلام ابدا مثل احترام ادمية الانسان متمثلة فى احترامهم وعنايتهم الفائقة بالاطفال وكبار السن

سرعة نجدتهم للمريض والمصاب فى اى حادث بغض النظر عن جنس او لون او دين

اعطائهم كل الحقوق لاى شخص من بلد اخرى طالما يحترم قوانين البلد

عدم الكذب ابدا .... امانتهم المفرطة ..... مساعدة الغير ان قبل المساعدة

احترامهم للعمل اى ان كان نوعه وتأدية اعمالهم بكل جد وامانة

اعطائهم حق التعليم لكل الاطفال مجانا حتى الهاى سكول بل وتوصيلهم للاطفال بالباصات مجانا

حتى الهاى سكول واعطائهم وجبات فى المدرسة مجانا

بل واقول لك ان الكثير منهم محافظ على ملبسه وسلوكه بصفة عامة

فأين نحن منهم فى كل ذلك

اقول لك اننا نشتهر بالفهلوة والكذب والتزويغ من الشغل ومن ليس معه نقود لايجد العلاج الا فى مستشفيات الحكومة

والتعليم منهار والمرافق منهارة والطفل وكبير السن لايحترم

والواسطة والمحسوبية منتشرة

بل والانهيار الخلقى ايضا المتستر والغير معلن والادمان وغيره وغيره لكن فى الخفاء

اذن لنتعلم الا ننظر للاخرين وننتقدهم قبل ان نرى انفسنا بل ننظر للاخرين ونتعلم منهم الجوانب الجميلة فيهم

ونترك مانراه لايوافقنا او يحل لنا بدون اعطاء الاخر صفة الانحلال او غيرها

الرب يبارك حياتك






اولا شكرا يا لولا على الموضوع الجميل
وثانيا اهلا بيك يا يوسف فى منتدانا
و ابونا بيشوى كامل قال عن الحرية فى المسيحية هى :
حرية النفس التى تحب الله بلا مانع .. والناس بلا قيد .
التحرر من نير الخطية وقسوتها والاستعباد لها .
اما الحرية التى اوضحتها تاسونى و الفرق بين المجتمعات فالواحد بيحس يا تاسونى انك لسه معانا و مافيش حاجة بتفوتك فى مصر
فالحرية فى مصر لها مفهوم اخر الآن و هى ان كل واحد يعمل اللى هو عايزه فى الوقت و المكان اللى هو عايزه
و بدون ما يهمه احد او تقاليد فهذه كلمة اصبحت مندثرة فى مجتمعنا
و تملى اما الموضوع ده باناقشه مع بناتى فى الخدمة بركز على ان انها لابد ان تفهم ان الروح القدس الذى بداخلها قد جعلها شخص مختلف و هناك افعال تليق بها و افعال لا تليق بالروح القدس الساكن داخلها
و ماكدبش عليكم الموضوع صعب البنات متأثرين و بشده بكل المحيط بهم و اكثر ما يشغلهم هو الموبايلات و النغمات و الملابس 000000 و انا حرة
لو كلمتيها على ملابس يكون ردها و ايه يعنى ما كل البنات بتلبس كده
لو كلمتيها على اسلوب تهريج لا يليق ببيت ربنا و حاضطر استخدم لفظهم المفضل ( بتنفض لى )
كفاية كده يا لولا كده مش حاخلص




بتنفض لك بس يا ايفرست طيب كويس انها مش بتطرقع لك

وفعلا انا هنا بتابع اللى بيحصل فى مصر اكتر من اللى عايشين جواها ويمكن باهر يؤكد كلامى ده لان كتير

اكلمه على الماسنجر على اى موضوع قريته فى الاخبار او فى المواقع الاخبارية او القبطية يكون هو ماعندوش

فكرة عنه لان مصر بتجرى فى دمنا للنخاع

وطبعا الابن المبارك يوسف التبس عليه الامر وافتكر انى الاستاذ سمير مش عارفة ازاى لا والغريب انه بيضحك على حرف الحاء اللى اتكتب خ

ومفروض انا اللى اضحك لانه افتكرنى استاذ سمير ولكننا هنا مش علشان نمسك لبعض على حرف غلط ولا على سهو منه فى شخصية اللى كتب الرد

المهم ربنا يبارك حياتك يايوسف واتمنى اشوف مشاركاتك باستمرار

وفعلا يا ايفرست ربنا يقوى الخدام اليومين دول لانهم بيخدموا فى ظروف فعلا صعبة وايام صعبة الشباب التبس عليه المفاهيم والصح والغلط

وبقت الاشياء الغلط ليها مسميات اخرى تبررها انها فهلوة وشطارة وحداقة وروشنة

بس ارجع واقول ان ده سببه البيت فى الاول والاخير اللى ماقاموش بتوجيه اولادهم وبناتهم وغرز حب ربنا جواهم وتفعيل ضمير الابن او الابنة

وتركهم لكن بعد مايتشبعوا بوجود ربنا الاول فى حياتهم....... وبعد الولد او البنت مايوصلوا لاخطر مرحلة وهما بعاد عن ربنا وتبدأ تصرفاتهم الغلط

يجروا على الكنيسة للخدام والخادمات والكهنة ويصرخوا الحقونا ..... طيب كنتم فين من زمان وليه مارمتوش ولادكم قى حضن ربنا من الاول

للاسف اننا بنستلم الطفل بعد العماد من ايد ربنا وبنتعهد برعايته وتعليمه واننا هنكون مسئولين عنه قدام ربنا فى تعليمه الايمان لكننا بنتهاون فى اول عهد بنقطعه

فى حياة اولادنا قدام ربنا

فطبيعى ان ولادنا ينبهروا بالموبايل واللبس وقصة الشعر ويبقى هو ده كل همهم ... على فكرة انا مش ضد ان ولادنا يكونوا منفتحين على مجتمعاتهم لكن لو الابن او الابنة

ربنا موجود فى حياته هيعرف يختار الملائم والغير ملائم من غير اوامر ولا عنف من الكبار

وكما قال الكتاب ( مخافة الرب ادب وحكمة ) ام 15:33

صدقينى يا ايفرست عندنا فى الكنيسة بنات ملايكة وخادمات ملايكة حافظين الحان ومداومين على الحضور والمناولة

وشباب يفرح القلب وكم شمامسة حافظين قبطى مش موجود فى اى كنيسة فى مصر

فعلا عمرى ماشوفت فى اى كنيسة فى مصر هذا العدد الهائل من الشمامسة اللى حافظين كل الالحان القبطى تقريبا واغلبهم اطفال

يعنى السن اللى غالب عندنا من 12 لما فوق وبيبتدوا رسم شمامسة من ست سنين بعد امتحانهم امام سيدنا الاسقف ويرشمهم بايده فى عيد الانبا بيشوى

اللى على اسمه كنيستنا ومافيش حد بيترشم كبير الا نادرا لان كل الكبار شمامسة والطفل ياخدوه من سن ست سنين يعلموه ويحفظوه

وده طبعا لان البيت فى الاول حريص انه يودى الابن الكنيسة

يعنى الدورين متكاملين البيت والكنيسة لكن البيت ياتى دوره الاول