درس من الدروس التى استفدت بها من تجربة مرضى

درس من الدروس التى استفدت بها من تجربة مرضى

---------------------------------------------------------------



لانه هو يجرح ويعصب . يسحق ويداه تشفيان

اشكر ربنا على تجربة المرض المفاجىء الذى الم بى فى منتصف مارس بلا سابق انذار ولكنه كان فجائى ولم يكن متوقع

او احسب له حساب انا او زوجى او اولادى لكن الرب فعل اذن فلنشكره على كل حال ومن اجل كل حال وفى كل حال

لكن صدقونى بالرغم من خطورة الحالة ووقوف ربنا معى وانا واثقة انه بيختار لنا الصالح دائما

لكن هقول لكم على حاجة لم الاحظها من قبل ولم اشكر ربنا عليها طول حياتى ولا كنت اتصور ان هذه الاشياء


من النعم التى يجب ان نشكر ربنا عليها

والاشياء ديه 1 - التثاؤب فى مرحلة ماقبل النوم

2 - العطسة

3 - التجشؤ

4 - الكحة

طبعا انتم مستغربين لكن صدقونى فعلا لازم نشكر ربنا جدا على الاشياء ديه لان بعد تجربة مرضى وجدت اننى لااستطيع

انى اتاوب عند شعورى بالنوم لان لما باخد نفسى الجلطة اللى فى كل رئة بتشعرنى بالالام حادة جدا فلذلك باعانى جدا عند الاحساس بالتثاؤب

وبحاول اكتمها باى طريقةوعرفت قد ايه ان حتى تلك الاشياء البسيطة الانسان مش مقدرها مع انها نعمة انه يقدر يعملها

مايشعرش بيها الا اللى بيتالم وهو بيعملها

ونفس الشئ مع العطسة والتجشؤ والكحة اشياء بسيطة جدا وكلنا بنعملها حتى البيبيهات بمنتهى السهولة . لكن تخيلوا

انا اصبحت تلك الاشياء مصدر الم وعذاب لى

علشان كده بقول ان فى حياتنا اشياء صغيرة مش بنشعر بيها ولا عمرنا شكرنا ربنا عليها

لكن صدقونى هى من الاهمية اننا نشكر ربنا عليها وعلى كل عملية حيوية ولو كانت مش مهمة فى وجهة نظرنا

لكنها فى النهاية عطية من ربنا ماننساش لما نقف نصلى نشكره عليها

ياريت تذكرونى فى صلواتكم



حمدالله على سلامتك ياتاسونى والف سلامة عليك , وربنا يكمل شفائك بشفاعة أمنا كلنا العذراء مريم وتمتعينا بموضوعاتك الجميلة وتفرحينا بوجودك وسطينا .




الله يسلمك وحمد الله على سلامتك كمان والظاهر كده زى ماقالت العزيزة ايفرست بروحها المداعبة

ان عين الحسود اصابت اعضاء المنتدى وعليه نطالب باهر انه يبخر الموقع باللى فيه

وطبعا نشكر ربنا اننا شوفنا مشاركات حضرتك بالرغم من الجبس الموضوع فى ذراعك الايمن

اللى بأذن ربنا فترة وتعدى وترجع زى الاول واحسن كمان ونشوف ونقرا ونتعلم كلنا من موضوعات حضرتك الرائعة

حمد الله على سلامتك مرة اخرى ويارب نشوفك دايما معانا باستمرار من غير الام ولا اى تعب مرة اخرى













جزى الله الشدائد كل خير وان جرعتنـي غصصاً بريقي
وما مدحي لها حباً ولكن عرفت بها عدوي من صديقي

بغض النظر عن موضوع الاعداء هذا لكنه فعلا من فوائد الشدائد
المهم حمدلله على سلامتك يا تاسونى و الف سلامة يا استاذ سمير
و برده خطك جميل بايدك اليسرى


معاكى يا ايفرست ان للشدائد فوائد كتيرة جدا مش هتكلم هنا على محبة ربنا وعظيم صنعه وحنوه ومحبته وقربه مننا
لكن هتكلم عن ما قولتيه وهو ان الشدائد لها فوائد فى معرفة معادن الناس ، اولا اشكر ربنا ان مافيش اعداء علشان الشدة تبينهم
لكن يمكن فيه ناس كانوا بيظهروا بمظهر المحبة وساعة الجد لم اراهم او سمعت صوتهم ،
وناس فعلا كانوا زى ماتوقعتيهم فى محبتهم ومشاركتهم لك ،
انما الاجمل واللى فعلا أثر فى اكتر حاجة.. ناس كانت كل العلاقة بيهم سلام وهزة راس لكن اظهروا محبة
واهتمام مش مطلوبة منهم خالص لكنهم كانوا بينفذوا قول السيد المسيح ( كنت مريضا فزرتمونى ) بلا صداقة سابقة ولا مجاملات
دول فعلا اللى كان سؤالهم معزى جدا اللى ربنا ارسله بدلا من الناس اللى يمكن تتصدمى فى رد فعلهم

لكن صدقينى يا ايفرست مش مستاهلة تزعلى من حد ولا تغضبى من حد لان فى النهاية ان شعرتى ان ايد ربنا كانت قريبة
جدا وحنينة جدا طيب هنعوز ايه تانى مين اهم تواجد ربنا معاكى ولا تواجد كل البشر ... لكن يكون ربنا بعيد

وصدقينى انا طلعت بعد التجربة ديه بأية تانية غير ( لانه هو يجرح ويعصب . يسحق ويداه تشفيان ) وهى اية
( خير لى ان اقع فى يد الرب . لان مراحمه كثيرة من اقع بين يدى انسان )