الخطوبة والحب

عندما يختار فتى اوفتاة خطيبها لكى توافق علية لابد من عدة شروط تكون متوفرة فية ارجو ان الكل يشارك فى الموضوع ويكتب ما يراى من صفات وربنا معاكم00000
مناقشة هذا الموضوع مهم جدا ياليت الشباب والشابات يكتبوا بأرائهم لكى يكون هناك باب مفتوح للمناقشة بين الاعضاء كى يستفيد كل واحد منا ويكون هناك تواصل بين الاعضاء ولنتعلم ان نكون اكثر ايجابية ونشارك برأينا وندرك مدى اهمية رأينا .
إسمحوا لى أشارك فى الموضوع ده بالتجربة الشخصية؟؟!!

أنا كان لى تجربة خطوبة فشلت و تجربة تانية لم تتم فيها الخطوبة رغم إنها كانت واخدة الشكل الرسمى قبل الزواج. حأحكى لكم ليه فشلت المحاولتين الأولانيين، و ليه نجح الزواج.

1- الخطوبة الأولى: أنا لما إتقدمت للبنت اللى إخترتها كان عندى 24 سنة و هى كان عندها 19 سنة. كلام عبيط طبعاً بس كنا مع بعض فى إجتماع الشباب و إتعلقنا ببعض. هى صغيرة و لا يمكن تكون كانت تقدر تميز الصح من الغلط، و أنا كنت لسه متخرج جديد و فرحان بنفسى و بالمرتب اللى بأقبضه. بس لا كان عندى شقة، ولا كنت جاهو مادياً، ولا سمعت كلام أبونا اللى إتكلمت معاه قبل ما أتقدم لزميلتى دى. لأن أبونا قال لى: (فلانة) لسه صغيرة و ما أعتقدش إن ده سن ينفع إنت و هى تختاروا فيه. بس طبعاً ودن من طين و التانية من عجين و إتقدمت لها. و طبعاً نظراً لصغر سننا علاوة على عدم إستكمالى للعنصر المادى اللازم للجواز حصل فشل فى الخطوبة. طبعاً حصل بعدها تعب شديد لىّ و لها. ربنا يسامحنى علشان كنت السبب فى ألمها بسبب عدم خبرتى و عندى.

2- الموضوع التانى: كانت قريبتى و كان البيت عندى مش موافق. و أب إعترافى قال لى موافقة ربنا بتبان فى موافقة الأهل. بس برضه علشان خاطرى سابونى أخوض التجربة علشان أتعلم. بدون خوض فى التفاصيل علشان ما أجرحش حد، الموضوع فشل بسبب إن قريبتى ما كانتش واخدة الموضوع جد بالرغم من إنى كان عندى ساعتها 28 سنة و هى كانت حوالى 22 سنة. يعنى مفترض إننا كنا ناضجين كفاية.

3- التجربة الناجحة:
حأذكرها لكم فى عدة نقط أعتقد دى بتلائم معظم الخطوبات اللى بتعد لزواج ناجح
+ الزوجة خادمة فى الكنيسة مشهود لها بالخدمة القوية فى صمت و هدوء دون بحث عن المجد الذاتى.
+ أب إعترافها شهد لها بالإلتزام الشديد فى حضور القداسات باللبس المناسب، و ممارسة وسائط النعمة، و الالتزام بالمنهج الروحى (أنا لمست كده بعد الزواج).
+ والدها رجل طيب خدوم صديق شخصى للأنبا أبرآم أسقف الفيوم، و الأنبا بطرس الأسقف العام. مقابلتى معاه الأولى كانت فى منتهى الروعة ما كلمنيش خالص فى أى عنصر مادى، بل فى وسط الخطوبة حصل عندى عجز 3 آلاف جنيه لأسباب خارجة عن إرادتى دفعهم لى هو بالكامل، و أنا رجعت له الفلوس أول ما ربنا دبرها و كان رافض ياخدهم تماماً.
+ والدة زوجتى ست طيبة جداً و تعزنى جداً.
+ أخو زوجتى كان صاحبى و بعد الزواج بقينا إخوات.
+ كنت وفرت العنصر المادى اللازم لماديات الزواج، و كمان كنت ناقشت رسالة الماجستير.
+ كانت الشقة متوفرة.
+ أهلى كانوا مبسوطين جداً بخطيبتى و فرحانين بيها قوى. و هى نفسها بتحب ماما جداً جداً زيادة عن اللزوم، و كذلك الشعور متبادل من أهلها تجاهى.
+ أب إعترافى قابل خطيبتى (زوجتى حالياً) و فرح بيها قوى.

أستخلص من هنا شوية نقط:
1- الحياة الروحية للإنسان بتنعكس على تصرفاته فى أيام الخطوبة.
2- تكامل الشخصيتين (و ليس تماثلهم) سبب نجاح الخطوبات. فالمية و الزيت سوائل زى بعض لكن لا يمكن يمتزجوا، بينما المية و السكر سائل و صلب و مع ذلك بينتج عن إتحادهم ذوبان للسكر فى المية.
3- رأى أب الاعتراف مهم.
4- موافقة الأهل بيعتبر فى معظم الحالات صوت موافقة ربنا.
5- السن و الخبرة فى الجياة عنصر مهم للزواج
6- العنصر المادى واجب توفيره بعيد عن كلام الأغانى و عش العصفورة يكفينا و لقمة صغيورة تشبعنا. الحياة محتاجة مصاريف (لكن لا يجب المغالاة فى المصاريف دى).
7- الجواز مش بس عريس و عروسة، إنما أهل العريس كمان مع أهل العروسة. بمعنى لازم تكون المحبة موجودة بين جميع الأطراف.

أما عن المواصفات اللى جذبتنى لزوجتى (جيجي) فهى كالآتى:
1- علاقتها بربنا.
2- شكلها
3- ثقافتها اللى بتناسب ثقافتى
4- مستواهم الاجتماعى قريب من مستوانا جداً
5- خدومة
6- هادئة و صبورة
7- أهلها لما قابلتهم بالذات كلام والدها معايا
8- رأى أب إعترافها
8- ماما لما شافتها حبتها جداً و ده كان إشارة إن ربنا راضى عن هذا الموضوع

و أكيد فيه حكاية وراء كل باب. فيا ريت تشاركونا خبراتكم، أو اللى مالوش خبرة يقول لنا تصوراته.
فين مشاركات الشباب؟؟
كله مستقر فى بيته خلاص؟

الظاهر خايفين من الحسد او من الطرف التانى

على فكرة لو دخلتم مشاكل الشباب .......... انا كتبت موضوعين تحت عنوان ( الشركة المقدسة ) والعنوان الاخر ( البناء على الصخر ) .
وايضا نصائح لكل من الزوج والزوجة ....فى موضوعين منفصلين .....................
وطبعا الاحسن يكون المتكلم فى هذه المواضيع يكون انسان متزوج ويكون اختبر الزواج ولا يتكلم عن شىء لم يختبره بعد حتى يكون له المصداقية فى كلامه .
وانا لا اعلم لماذا لايشارك الاعضاء برايهم هل هذا الموضوع غير هام بالنسبة اليهم ..................؟!!!!!!!!!!!
اذا مالذى يثير اهتمامكم ياريت نعرف ؟!!!!!!!!!!!!!!!!!

ومتى سنتعلم ان نكون مشاركين وغير سلبيين حتى فيما يتعلق بمشاكلكم ................

ياريت نشوف مشاركتكم
شكراً يا مريم الله يخليكى
و ربنا يقوم الناس من نومها و يشاركوا معانا
سلام ونعمة ....التلميذ 2004
اول شىء مرحبا بك فى المنتدى وياريت يكون الموقع سبب
بركة لك وتجد منه الاستفادة وشكرا انك بدأت عضويتك الجديدة
بأيجابية وشاركت معنا .
انت كتبت استفسرات بس ياريت تكتب لنا سنك وفى اى سنة دراسية علشان الرب يكون مناسب لعمرك وللمرحلة الدراسية
لان مايصلح لك لا يصلح لغيرك كلا حسب ظروفه .
ومرحبا بك ابنا عزيزا واخا مباركا.................
احب اعرف اى عضو جديد ان الاخ التلميذ لم يعد عضوا معنا فى منتدانا لانه خرج عن مبادىء المنتدى المكتوبة وليس بسبب سؤاله هذا فقد قمنا فعلا بالردعليه ولكنه تجاوز فى ردوده على اعضاء مباركين فى مواضيع كثيرة وقد شارك بمشاركات عديدة مشكوك فيمن كتبها وهويته الحقيقية لذلك تم حذف اغلب مشاركاته .
كلام غير صحيح يا killer لأنك عممت السئ و خليت الشواذ هم اللى حالة نادرة.
الحقيقة إن البنات فيهم بنات كتير كويسين، بس يمكن إنت إتلسعت فى الشوربة فبقيت تنفخ فى الزبادى.
و عموماً لو البنات فكروا بالطريقة دى يبقى قدامهم حل من 3 حلول:
1- يدوروا على ولد شاب مولود و فى بقه معلقة ذهب.
2- ياخدوا واحد عنده 50 سنة يا دوب يكون كون نفسه.
3- يعنسوا.
[ فكرة الحب والخطوبة بالنسبة للشباب موضوع شبه غامض لان معظمهم بيتكلم عنه وهو ماعندويش اى خبرة ويبدا كل واحد يدافع عن جنسه سواء البنات او الشباب بعيدا عن التفكير الموضوعى لكن لو بدات تتكلم مع كل واحد فيهم بهدوء هتلاقى كلام تانىسواء من الشباب او البنات
وهتلاقى ان البنات لهم تقريبا نفس التفكير فى صفات الشاب اللى بتتمنى انه يكون شريك حياتها وهى :
1- العلاقة القوية بربنا
2- الشخصية القوية والجذابة والمرحة
3- قادر ماديا ودا بيكون شرط اساسى لكل البنات ودا مش غلط لان الشباب بتفتكر ان البنات ماديات بس تعالوا نتكلم بصراحة شوية فى النقطة دى
- لو الشاب ماعندوش شقة يبقى ازاى يقدروا يكونوا اسرة
لو الشاب مش قادر يحقق لشريكة حياته اقل طلباتها ازاى تبقى سعيدة معاه
-الحب وحده مش بيدفع ايجار شقق او بيفرشها او بيشترى اكل او بيدفع مصاريف اطفال
- ولو الشاب مش قادر ماديا هى هتبقى حمل تقيل عليه وتبدا المشاكل
(ملوحظة كل بنت بتطلب مستوى مادى ما يكونش اقل من مستويها المادى )
4- ان يكون الشاب من اسرة طيبة
5- ان يكون مقبول الشكل
دى الصفات الاساسية لفارس احلام كل بنت

اما عن صفات عروسة الاحلام للشباب فلها صفات شبه ثابتة ايضا عند كل شاب وهى بالترتيب الاتى
1- ان تكون جميلة او على الاقل شكلها مقبول جدا
2-انها تبقى بنت الكنيسة
3- ياريت لو تكون موظفة ودا شرط اساسى عند كتير من الشباب ولا احد يستطيع ان ينكره
4- هادئة الطباع ومطيعة
5- ست بيت شاطرة
[size=1][/size]
طبعا بتكون فى شروط تانيه عند كلا الطرفين بس دى كانت الشروط الاساسية

كلمة اخيرة لكل الشباب والبنات وانت واقف تصلى اطلب من ربنا انك عايز منه هدية اطلب من الله ان يكون شريك حياتك هدية من عنده واثق ان ربنا عمره ما هيهدى هدية وحشة وعلى فكرة دى كانت صلاتى دائما قبل الارتباط
ربنا يدينا جميعا حياة هانئة وسعيدة تحت ظل جناحيه

اولا ان نثبت في الله...



انا رايي ان موضوع الخطوية والزواج المسيحي المقدس هو ترتيب الهي .

اوافق عزيزتي جاكلين الراي بخصوص كل الشروط التي ذكرتها.

ادعوا كل الشباب والبنات الذين يقبلون نحو هذه الخطوة ان يطلبوا من ربنا الهدية العظيمة دي الا وهي شريك وشريكة الحياة والهنا لا يخزي كل من يذهب اليه..ربنا يبارككم جميعا..
خلاص ياحازم قمنا من النوم `15`

سلام ونعمة ليكم :
مشركات جميلة أة على فكرة يا حازم أنا كمان قمت من النوم .
الأخ BAHER لم تطرق حاجة عن الزواج شكرا على تعب محبتك