سميح الاكبر يعرف اكثر

الاكبر يعرف اكثر :
+++++++++++++++

سميح :مالكم يا شباب فيه ايه

مدحت : تعالى يا سميح شوف و احكم بنفسك بينا ...انا بقول ان عيد الميلاد المجيد مفروض يكون 25 ديسمبر... اما شوقى بيقول المفروض يكون 7 يناير مش 25 ديسمبر !!اما سي علدل بيقول حاجة ثالثة خالص .. انه المفروض يكون 29 كيهك!

شوقى : ايوه طبعا يا مدحت انت اول مرة تعرف كده

سميح : ياجماعة بلاش كلام فارغ انا اكبر واحد فيكم ...و لازم تاخدوا رأيى قبل ما تتكلموا خصوصا ان الاكبر يعرف اكثر

عادل : طيب قول الصح فين ياسميح ؟

سميح : لا يمكن يكون كلام حد فيكم صح ... لان كده معناه اننا ح نعيد ثلاث مرات فى السنة بعيد الميلاد يا اساتذة

مدحت : ايه اللى بتقوله ده يابنى انت كمان ؟!!!!

سميح : ايوا طبعا و لازم تصدق كلامى لان الاكبر يعرف اكثر

عادل : تعرف ايه بس يا سميح .... الكلام بتاع كده مش صح

شوقى: طبعا مش صح ...لان الموضوعع ان قدماء المصريين كانوا علماء فى الفلك و عملوا تقويم على اساس ظهور نجم فى السماء اسمه الشعرى اليمنية فبقى عندهم تقويم على اساس السنة النجمية و قالوا ان الدورة الشمسية تساوى السنة النجمية...

عادل : بالظبط و لما حبيت روما تعمل تقويم ليها جابيت واحد من المصريين دول عمل تقويم ميلادى لروما بنفس طريقة المصريين
و ابتداءالتقويم من تاريخ تاسسيس روماعلى اساس السنة النجمية

مدحت: فعلا انا اعرف كده .. وكمان انا قريت ان بعدما دخلت المسيحية روما بقى بداية التقويم سنة دخول المسيحية روما

سميح ايه الكلام ده ... معقول اللى بتقولوه ده؟

شوقى : ايوه .. ده تمام كده ...لغايه لما جه بابا اسمه غريغوريوس الكبير بابا روما و كان عالم فى الفلك و اكتشف ان السنة النجمية اطول من السنة الشمسية ب 11 دقيقة فتغير التقويم ده وعدل فى التاريخ الميلادى

عادل : بالظبط ومن هنا الاختلاف فالغرب يتبعون السنة الشمسية و الاقباط يتبعون السنة النجمية

شوقى: تمام... عشان كده الغرب بيحتفل يوم 25 ديسمبر و الشرق يوم 7 يناير

عادل : اكن الاساس ان الاقباط يتبعوا التقويم القبطى مش الميلادى لاننا بنعيد يوم 29 كيهك

سميح : ابدا ابدا .. انا مش مقتنع بالكلام ده .. مافيش حد فيكم فاهم حاجة خصوصا ان مافيش حد اكبر منى ...انا الكبير هنا ... و الاكبر يعرف اكتر

مدحت : مافيش حاجة اسمها الاكبر يعرف اكثر ... ايه الكلام ده ياسميح ... ده مش مقياس

سميح : بالعكس هو ده المقياس الصحيح

شوقى : لا ياسيح الكلام ده مش سليم

عادل : عموما كلامك ياسميح مش صح ... لكن لو انت مقتنع بكده فانت نسيت اني اكبر منك بحوالى شهريين

سميح : ايه ده ؟!! انا نسيت...ده صحيح يبقى عادل هو الصح ... انت كنت بتقول العيد بقى امتى يا عادل يا كبير القعدة

عادل: انا كنت بقول 29 كيهك ... بس مش عشان انا الكبير يبقى كلامى صح ..

سميح : لا كلامك صح ... لان الكبير يعرف اكثر

شوقى : اهو استاذ ثروت جه اهه ... نساله بقى ونعرف ايه الصح

سميح : يا سلام ... هوده الكلام الصحيح ... اهو استاذ ثروت ح يقول الكلام المفيد

ثروت : ازيكم ياولاد ... مالكم فيه ايه ؟ شكلكم بتتناقشوا مناقشة حاميه قوى !

سميح :جدا يا استاذ ثروت

ثروت : خير

شوقى : احنا بنعيد عيد الميلاد يوم ايه يا استاذ ثروت

ثروت : يوم 29 كيهك

عادل: يبقى انا صح

سميح : شوفتوا صدقتونى ... عادل صح لانه هو الاكبر ... و الاكبر يعرف اكثر

ثروت : المعرفة مش بس بكبر السن ياسميح ... المعرفة بالقراءة وحضور الاجتماعات و البحث عن الكتب و الموسوعات....

مدحت : عمالين نقوله كده من الصبح مش مصدقنا

ثروت : يعنى دلوقتى صدقت

سميح : طبعا يا استاذ ثروت

ثروت : طيب الحمد الله .. سلام يا اولاد

عادل : يعنى لازم نجيبلك استاذ ثروت علشان تصدق

سميح : اصل صعب اقتنع بكلامكم

مدحت : ليه يا ابنى

سميح : لانكم مش كبار ومعروف الاكبر يعرف اكثر بس طبعا ح صدق استاذ ثروت

شوقى : طبعا لان استاذ ثروت استاذنا الكبير

سميح : مظبوط ... استاذنا الكبير .....والاكبر يعرف اكثر

الجميع : تااااااااااااااااااااااااااااااانى