***مذكرات سفروت الشقى***



***مذكرات سفروت الشقى***


النهارده هحكى لكم حكاية غذائية ....انتهت بمشكلة عائلية

كنت قاعد فى الصيف حران .........فجتنى فكرة من بتوع زمان

اطبخ طبيخ من عمايل سفروت ........بابا ياكله و هو مبسوط

قمت دخلت المطبخ من سكات ....زى الحرامية مابيدخلوا المحلات

وحضرت سمك ولبن ومخللات.... وبسرعة ضربت كله فى الخلاط

وحطيت الخلطة على النار........... وعليها شطة وشوية خيار

وقدمت لبابا الخلطة وانا سعيد .....وقلت هتاكل اكل ولا ليلة العيد

اكل معلقة وهو فرحان ........... وشوية وطلع من ودنه دخان

زعق وقال هاتوا لى سفروت......النهارده يومه مش هيفوت

جريت استخبى تحت السرير.... وهناك لقيت حاجات كتير

جانى فكر انما خطير........ استخبى تحت كومة غسيل

وبابا دور على ورا الباب..... وكان فاكرنى فوق الدولاب

وفال لى عقابى لك ياخفيف........ هتاكله كله علشان تبطل فى الاكل تخريف

وكلت الطبق كله بالتمام ..... بس بعد أذنكم الحق اروح الحمام

و بعد ما دخلت الحمام فى الحال ... بعيد عنكم جالى إسهال
و مش حأرفقكم يا جماعة ... باختصار قعدت فى الحمام بتاع ساعة
و يا دوب خرجت من الحمام ... حسيت إنى عايز أخش أنام
و دخلت على طول أرقد فى السرير ... و راح جالى مغص خطير
يمين شمال وراء و قدام ... عمال أتقلب و مش عارف أنام
و حيست بطنى بتكركب ... كأنى قاعد دايخ فى مركب
قلت يمكن لو شربت نعناع ... يروح المغص و كمان الصداع
قمت غليت شوية مية ... و صبيتها على النعناع و سيبته شوية
و زودت عليهم شوية سكر ... علشان مش بأقدر أشربه ممرر
و بعد ما شربته فى الحال ... لقيت زاد عندى الإسهال
أتارى اللى شربته ملوخية ناشفة ... و دى حكايتى بأكتبها لكم من المستشفى
`16` `8`
إلى اللقاء فى حلقة قادمة
`16` `8`

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.

أحدث الموضوعات

From Coptic Books

إجمالي مرات مشاهدة الصفحة من 10/2010