نغمة حب

أحبائى هذه الكلمات الجميلة والتأملات عن ميلاد الرب يسوع كتبها أحد الأباء الموقرين وهو قدس أبونا إبراهيم إبراهيم الكاهن بكنيسة العذراء مريم بعياد بك ومن جمال كلماتها ومعانيها رأيت أن تشاركونى التمتع بها ، وأتمنى أن تنال إعجابكم وأن تؤثر فى قلوبنا وأرواحنا وهى بعنوان نغمة حب .. وتقول :

+
+ عجبى على ناس حكماء ..... من بعيد تيجى وتسجد
+ تتحمل تعب السفر ...... وتقدم كنوزها وبفرحة تعبد
+ وناس تانى قريبة ...... وفى وقت الشدة بتبعد
+ مشغولة بالعالم والمال ...... ضلم قلبها وخلاه إسود
+
+ يسوع مولود فى مزود ...... وسريره قش
+ القش أنا وإنت ....... قرب ماتخافش
+ تعالى راحتك فيه ......صدق وماتبعدش
+ مستنى حضورك انت عنده حنطة...... والحنطة ماتتحرقش
+
+ يسوع فى عيده ..... مش عايزغير قلبك
+ تعالى وبصدق ....... قل له بحبك
+ وعيش الكلمة ...... مع كل اللى يعاملك
+ فيشوفوا الناس فيك صورة منه .... وتحقق الهدف اللى علشانه خلقك

أشكرك سيد Abdo
..ولكن الحقيقة مش أنا اللى أستحق الشكر ..اللى يستحق الشكر هو اللى أبدع هذه الكلمات وهو أبونا إبراهيم أبراهيم زى ماهو مكتوب فوق