العيال الأيام دي محتاجة طريقة حوار وتعامل غير اللي اتربينا عليها زمان الاطفال الأيام دى وصلوا والعالم مفتوح على بعضه مش زينا اللى اتربينا على القناة الأولى والتانية بالتيلة
خلاص مينفعش تقول للطفل دلوقتي العصفورة قالت لي وفتنت لي عليك
عصفورة إيه وهو بيفهم في الموبايل بتاعك أحسن منك ؟
ومينفعش تخوف الطفل بأبو رجل مسلوخة
لأنه هايدخل على جوجل و يعمل سيرش عن معنى أبو رجل مسلوخة وهيلاقي الموقع بيقول له: هجايص وأساطير عملوها الكبار ف القرن اللي فات عشان يخوفوا بيها العيال.
مينفعش تعاقبه بأنك تأومه من أودام فيلم بيحبه وبيتفرج عليه..
لأنه هايشوفه تاني يوم على نفس المحطة الصبح وإنت ف الشغل ويخليك زي قرطاس الجوافة.
عايز تعاقبه
نزل له فيروس على الجهاز بتاعه ودمر له الوندوز وقول له الجهاز مش ها يتفرمط ويتعمل له ست أب من أول وجديد ألا لما يتعدل ويشوف مذاكرته و يبقى محترم وبنى آدم.
[img]http://www.christianism.us/vb/images/smilies/78.gif[/img] [img]http://www.christianism.us/vb/images/smilies/78.gif[/img] [img]http://www.christianism.us/vb/images/smilies/78.gif[/img]
لما تعوز تدلعه وتكافؤه على تفوقه
مينفعش تجيب له بندقية صيد وكوره وكتب م المكتبة الخضراء والجو القديم ده كله
تجيب له( دي اس ال) ممكن تظبطه بويب كام جامده تدخل علي ه ( بسكرين Lcd )
مينفعش لو أبنك سألك عن حاجه منتش عارفها تألفله أى أجابة من دماغك
بعد يوم ولا اتنين هايعرف الإجابه الصحيحة م التليفزيون ولا النت وساعتها هيبقى منظرك عامل زي العدة الأريكسون 688 ف لما يسألك أقعد معاه ع النت ودور معاه ع الأجابة المظبوطة و بلاش قلة قيمة
[img]http://www.christianism.us/vb/images/smilies/16.gif[/img] [img]http://www.christianism.us/vb/images/smilies/16.gif[/img] [img]http://www.christianism.us/vb/images/smilies/16.gif[/img]
وأوعى تفهم الواد إن الرياضة هى أهلي وزمالك
على رأى ماري منيب لأنه دلوقتى عارف لعيبه ريال مدريد والأرسنال وعارف أسعارهم كمان .
[img]http://www.christianism.us/vb/images/smilies/7.gif[/img]
وأذا طلب رأيك ف أكلة دليفرى م اللى بياكلوها الأيام دي
أوعى تقول له: يعنى أيه دى لأ خليك أب روش هز دماغك بألاطه وقول له.. حلوة طحن ياااد
[img]http://www.christianism.us/vb/images/smilies/7.gif[/img] [img]http://www.christianism.us/vb/images/smilies/12.gif[/img] [img]http://www.christianism.us/vb/images/smilies/7.gif[/img]
مش ممكن موضوع رائع هلكت على نفسى من الضحك وانا بقراه بس اقول لك حاجة فى ودنك الكلام كله صح
جيل اخر زمن
تحفه يا Anastasia وممكن دا تلاقيه فى الخدمه لما بفتكر منظرى زمان وأحنا صغيرين مفيش مقارنه دلوقتى مره الواد قاللى أنتى هتشتغلينى . `15`
زمان كنا أطفال دلوقتى ..................
فعلا عندك حق الاطفال فى مدارس الاحد دلوقتى مش بيهمهم حد لا خادمة و لا حتى ابونا . بس انا من رأى ان البيت هو السبب فى كل ده
اكيد يا ويتا البيت له 95 % فى مسئولية تربية الاطفال وفيما يحدث منهم سواء فى المدارس او
الكنايس ..... يعنى مثلا الام اللى يبقى ابنها جنبها فى القداس بيعمل شقاوة وهى ولا هى هنا ولا كانها شايفة ابنها بيعمل ايه تفتكرى الولد ده لما يروح الكنيسة فى مدارس الاحد هيقعد هادى وكويس ولا هيكون اخر شقاوة
ولا الام اللى ابنها عمال يصرخ فى الكنيسة ومش هاين عليها تاخده وتطلع بره وتسيبه يزعج الاخرين
ده لما هيكبر شوية هيتصرف ازاى
ولا الام اللى ابنها بيصرخ ويعيط وعلشان تسكته تعطيه الخولاجى ولا اجبية يلعب بيها ويقطعها ومش مهم لانها مش حاجتها تفتكرى الولد لما يكبر هيحافظ على الكنيسة واللى فيها
بجد البيت لازم يعمل اللى عليه الاول علشان الاولاد ربنا يحافظ عليهم ويبارك حياتهم
أهم شىء تربية الطفل فى البيت يعنى مثلاً طفل لم بيحب يحصل على اى شىء فى البيت لازم صوتة يرتفع جدااااااااااااااا ويصرخ جدااااااااااااااا عشان يحصل على الشىء ده طيب لو ولدتةأخدته معاها فى اى مكان يماما انا عايز دىىى لاء يبنى مينفعش طبعا هيكون الرد معروف صوتة يرتفع جدااااااااااااااا ويصرخ جدااااااااااااااا ، طيب فين بقى دور البيت فى تربية الطفل بمعنى أن أمة لازم من الأول فى البيت تعرفة أن كدا غلط يبق لو راح اى مكان عارف أن الشىء دا غلط يبق مش هيعمل كدا ولا فى البيت ولا خارج البيت .
طيب الطفل الشقى اية سبب شقوتة مدلع على الأخر .[b]
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.