انا عندى مشكله فى الخدمه

انا بحب الخدمه جدا وبحب الاطفال كمان بس....

عندى شويه فى الفصل شقاى جدا ومش بعرف اتاعمل معاهم لانهم شقاى ولمضين كمان وبشوف الخدام الكبار يزعقو وبردو مش بيقعدو وانا لسه ببتدى فى الخدمه يعنى تالت اسبوع ليا فى الفصل بس مش بعرف اتاعمل معاهم ارشدونى لانكم اكيد عندكم الخبرا دى `10`
كل دا حلو جدا بس دول 2 ابتدائى يعنى مش كبار اوى
وغير كدا مرا بكلم طفله فى الفصل كان زعلانه مع واحدا كانت قايله عليها كلام بقولها المفروض نسمحها تتخيل ردت قالت ايه قلتلى بابا قلى مسبش حقى خالص واللى يضربنى اضربه انا زهولت ومعرفتش ارد خالص `14` انما عاوزا قرص فى تعاملى مع الاطفال
امين `17`

بس الجيل دا بصراحه غريب جدا وربنا يستر عليهم لانهم بيتربو غلط `14`
ميرسى يا بيتر تعبتك معايه
ربنا يساعدك فى خدمتك
بس بردو اللى عندو اى حاجه تفيد جهلى يقولى
لا يا ميرنا مفيش اي تعب وربنا يبارك خدمتك علشان الولاد دول يطلعوا مع ربنا ومايبعدوش عنه في وقت كل شئ حوالينا عاوز يبعدنا عنه
الأب معاه بعض الحق فى اللى قاله لأبنه و هو إنه ما يسيبش حقه.
و لو حضرتك عايزة تعلمى الولاد من دلوقت يقول: الله يسامحك يبقى حتخلقى جيل من الهبل و المتخلفين و السلبيين. لازم الولد يعرف ياخد حقه، و لما يكون قوى (مش جسمانياً) بالقدر الكافى اللى يقدر ياخد حقه بيه ساعتها نبقى نعلمه فضائل الخد الآخر و الميل التانى و هكذا. إنما طبعاً مش ياخد حقه بالضرب و إلا ده يبقى كده بنغرس فيه العنف و العدوانية. إنما ياخد حقه بالطرق المشروعة بإنه يقول للمدرس فى الفصل، أو الخادم فى مدارس الأحد، أو حد كبير مسئول و متواجد ساعة ما وقع الظلم عليه.
تمام
ا/ حازم

الأب معاه بعض الحق فى اللى قاله لأبنه و هو إنه ما يسيبش حقه.
مفتكرش انى دا صح سامح جهلى لانى الطفل لو كبر على كدا صعب تغيرو

و لو حضرتك عايزة تعلمى الولاد من دلوقت يقول: الله يسامحك

يبقى حتخلقى جيل من الهبل و المتخلفين و السلبيين.

مش معنى انه يسامح يبقى اهبل ومتخلف بلعكس انه يسامح حاجه وانه ياخد حقه حاجه يسامح ممكن يسامح حد غلط فيه لكن حقه فى نظرى انه يسيب حاجه ملكه ودى فى نظرى تفرق


لازم الولد يعرف ياخد حقه، و لما يكون قوى (مش جسمانياً) بالقدر الكافى اللى يقدر ياخد حقه بيه ساعتها نبقى نعلمه فضائل الخد الآخر و الميل التانى و هكذا.

بس دا بردو طفل وهيفهم اخد الحق انه شكل او ضرب

إنما طبعاً مش ياخد حقه بالضرب و إلا ده يبقى كده بنغرس فيه العنف و العدوانية. إنما ياخد حقه بالطرق المشروعة بإنه يقول للمدرس فى الفصل، أو الخادم فى مدارس الأحد، أو حد كبير مسئول و متواجد ساعة ما وقع الظلم عليه.

هوا دا اللى انا بقوله الاطفال بيمسكو فى بعض يا ا /حازم ومش بيقولو لاى حد بيتخانقو مع بعض منغير ميقولو لاى حد هوا دا كان تعليقى على الموضوع من الاول انى هما صعبين جدا


سامح جهلى واغفرلى
يا ميرنا إفهمى الكلام اللى قلته كويس

كلمة الله يسامحك لما نعلمها لطفل صغير حيطلع طفل سلبى و ما عندوش القدرة على إنه ياخد حقه المسلوب.

و الحمد لله كلنا إتربينا على كلمة الله يسامحك و بقينا مسيحيين جبناء فى كل مجالات الحياة سواء فى المدرسة أو الجامعة أو الشغل.

كلمة تسامح و الله يسامحك و أحول الخد الآخر و أترك الرداء دى كلها لما الانسان يفهم معنى التسامح الصح و طبعاً ده مش فى السن الصغير اللى بتخدميه. فى السن ده لو فيه طفل ضرب بنتى و أخد منها لعبتها مثلاً حأقول لها إنت غلطانة علشان سيبتيه ياخدها. و لعبتك ماحدش يخطفها منك إنما ممكن لو طلب يلعب بيها تديهاله و تلعبوا سوا و تحبوا بعض. إنما لو خطفها منك خديها منه تانى و لو ما قدرتيش تعالى قولى لبابا أو ماما أو الميس فى مدارس الأحد أو المدرسة فى الفصل.

لو سمحتوا علموا الولاد الصغيرين من دلوقت يطالبوا بحقوقهم بنفسهم و لما يعجزوا يبتدوا يلجأوا للكبار. بزيادة بقى مسيحيين جبناء.

و اللى ينكر إن المسيحيين معظمهم جبان فى مدرسته أو الجامعة أو شغله يبقى نعامة بتدفن رأسها فى الرمل.
يا ريت weta و Anastasia يشاركونا الموضوع ده لأنى عارف تاسونى titi معلماهم إيه، و هم كبنات كبار دلوقت بيتصرفوا إزاى.
سلام ونعمة

هو انا لسة منزلتش خدمة بس هقول لكم رأى . لما كنت فى ابتدائى كان عندنا ولد شقى مووت الخادم كل الى عمله انه شجعه يعنى يقول له لو قغدت هادى هديك بلونة , شيكولاتة , هتاخد صورة زيادة. بجد عملت مفعول رهيب مع هذا الولد. بس انا عارفة ان الكلام دة مش هيمشى مع كل الاولاد . انا مرة كنت بعترف و بعدين بنت ضربت بنت تانية و شتمتها فى الكنيسة و البنت دى لا تتعدى 9 سنين و شتمت و ضربت بنت عندها16 سنة تخيلوا فابونا طبعا زعق لها رديت عليه فى منتها قلة الادب .... لا فى احترام لاكليروس ولا اى حاجة . هذه النوعية فعلا صعب قوى التعامل معها وفى الحاله دى لازم ابونا هو اللى يتصرف مع الاهل
سلاااااااااااااااااااااااام و نننننعمة :

انا فعلا لمل اروح مدارس الاحد برجع مصدعة اروح مدارس الاحد اسمع الدرس و احفظ ترنيمة لاكن المشكلة ان انا مش سمعة حاجة الاولاد مدينها كلام و الخدام كمان و فى الاخر كانت امينت الخدمة هى الوحيدة اللى عمالة تسكت فى العيال فى اخر ما زهقت راحت مزعقة فى الخدام و فى الاخر يقولوا اعدوا هدين علشان احنا فى بيت ربنا طب عيل شقى يشوفك انت بتتكلمى ازاى ما يتكلمش و يقول : لما تسكتوا الخدمة الاول تبقوا تسكتونى . دا كل دا فى حصت الترانيم ادخل بقى على الدرس لقينا ودين عملين يضربوا بعض هزار و يشتموا بعض فجت الخادمة تفك الاشتبك لقناها هى فى وسطهم اضربت راحت ندت الفراش بتاع الكنيسة علشان يفد الاشتباك معها ههههههه راح الراجل شايل الواد من عند الواد التانى و الراجل يزعق والخادمة تقلهم ابعدوا عن بعض وكل واحد هتقعدا بعيد عن التانى بس المشكلة الواد بكل قلت ادب يرد عليها و يقول : انا مش هتنقل من مكانى فقالت طب لو اعت هاد انتم التنين هديكم نتيجة كبيرة وفعلا جبتها فا طبعا الواد قعد هادى شوية بس برضة مش هادى فا فى اخر الفصل اختارتنى انا اهدى وحدة فا العيال اتغاظوا اشمعنى هى فقالت علشان هى اهدى وحدة وقالت يلا علشان نصلى راحوا قيلين ابانا الذى بكل قلت ادب و لما خلصنا الصلاة راح واد قايل للخادمة انتم مش هتذلونا انا هخلى بابا يشترى وحدة احلى منها و بما معنا بيقول للخادمة طظ فيكى المشكلة الوحيدة ان الواد دا معى فى المدرسة و الفصل يعض فى الفصل اخر ادب `15`

ربنا يستر عليا من العيال دول `15`
على فكرة الرد الى فات بتاعى مش بتاع weta اصل انا كانت دخلة بأسمها فمختش بالى و كتبته بأسمها يس ده ردى انا `14`

ايه رأيكم فيه
بصراحه يا انسطاسيا هو دا اللى بيحصل بس احنا عندنا مفيش كلام مع بعض من الخدام كل واحد ينتبه لخدمته بس غير كدا فى شد ودان
انا ساعتها كنت مكسورة فماما كانت نازلة معى فقالت لى ماتروحيش الكنيسة دى لكن قالت لى روحى الكنيسة التانية علشان الكنيسة التانية مافيهاش كدة بس غريبة ان نفس الناس هما هما اللى بيروحوا هنا بيروحوا هنا