هل يقدر شباب أقباط مصر ؟

إسمحوا لى أشارك بكلمة قالها قداسة البابا الأنبا كيرلس الرابع كما وردت فى كتاب "وطنية الكنيسة القبطية و تاريخها" للراهب القمص أنطونيوس الأنطونى صفحة 398.

"و قد كان البابا كيرلس الرابع وطنياً متحمساً .. فقد أشاع المغرضون أنه طلب من أمير البلاد إعفاء القبط من الخدمة العسكرية.فتصدى لهذه الإشاعة البابا كيرلس و صرح علانية قائلاً: حاشا أن أكون جباناً بهذا المقدار حتى لا أعرف الوطنية أو أفترى على أبنائى الأقباط بتجردهم من محبة وطنهم و عدم الميل لخدمته، و الدفاع عنه، و حماية حدوده و أراضيه. فليس هذا ما طلبته ولا ما أطلبه".

فلو كان الهدف من الترشيح لأى إنتخابات هو خدمة الوطن و كذلك أقباط الوطن كما قال البابا كيرلس الرابع فمرحباً بكل شاب قبطى يخدم وطنه. هذا الوطن الذى نصلى له فى القداس الإلهى. و يا ريت بقى نشيل برقع الحياء اللى حاطين نفسنا فيه، و نشارك فى الحياة النيابية.

أما لو كانت الحجة إن الشاب القبطى أكيد حيسقط، أو إن الانتخابات بتتزور، أو أى حجة تانية - قد تكون صحيحة أو لأ - فده لا يعفينا من قيامنا بدور إيجابى قد ينجح و قد يفشل. و الله لم يعطنا "روح الفشل". الكتاب ما قالش "الفشل" لأنه وارد يحصل (غصب عننا مش لتكاسلنا)، إنما الكتاب قال روح الفشل. و رجع قال الوحى الإلهى على لسان يوحنا الرائى فى رسالته الثالثة "أروم أن تكون ناجحا و صحيحاً فى كل شئ كما أن نفسك أيضاً ناجحة". و يا ريت يبقى فيه 1000 خط تحت كلمة (كل شئ) فى الآية السابقة.

شكرا جدا على المعلومات الحلوة دي
برافو عليكم
سلام ونعمة
انا مع اننا لازم نرشح نفسنا لية لا ولما مفيش قبطى يرشح نفسة امال فين وجودنا فى بلدنا معنى اننا منرشحش نفسنا او ننتخب حد يبقا ملاناش وجود والكلام دة قالوا قداسة البابا شنودة فى محضرة من محاضراتة ولو رشحت نفسك ومكسبتش على شان اسباب معروفة مش مشكلة بس كدة انت بتعبر مش عنفسك بس لا وعن الاقباط كلهم وبكدة يبقا لينا وجود وخطوة بخطوة نعرف ناخد حقنا زينا زى بقى الناس بس المهم اللى هيرشح نفسة يكون جدير بكدة مش منصب وسلطة وخلاص وربنا يرشدنا لعمل الخير
[move]صلوا لاجل ضعفى `17`
سلام ونعمة ليكم :
موضوع جميل وردود أجمل ...
عندى رأى ممكن أضيفه أحنا مكناش بنهتم أوى بالأنتخابات بس طبعا بمجهود الكنيسة قدرة أن هى تعمل بطاقات أنتخابيه لكل فرد مسيحى. وكمان فى أخوة بيعملو توعية للموضوع وهم متخصصين للعمل دا ...
على فكرة العمل دا فى مصر كلها تحت أشراف كل كنيسة `15`

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.

أحدث الموضوعات

From Coptic Books

إجمالي مرات مشاهدة الصفحة من 10/2010