أيوه إحنا المصريين مختلفين عن الآخرين





أيوه إحنا المصريين مختلفين عن الآخرين
================================



المصري هو اللّي :



ممكن يعدي التلاتين ولسه عايش مع أمه وأبوه وماعندهومش مشكلة



بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد



بيحط الريموت كونترول في كيس بلاستيك كعادة فرعونية



يقف يتكلم على الباب نص ساعة بعد إنتهاء الزيارة والسلام



لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد



ييجي بعد معاده بساعتين ويفتكر إن ده عادي



لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه



بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال



بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش



عنده صينية مكسرات متقسمة لتلات او أربع أقسام لزوم المزاج وعمره ماإستخدمها



بيكون عنده شواية لزوم الرحلات أقصى استخدام لها كان مرة واحدة في العيد



بيشيل طابع البريد من على الظرف لو الختم ماكانش عليه



بيفتكر إن أي حد بيشتغل في الخليج بيغرف فلوس من غير حساب



بيكون مشغول بقيمة التيبس أو البقشيش طول العشا ياترى ربع جنيه ولا نص جنيه



برده بيتخانق ساعة دفع الحساب بحرارة شديدة على إنه هو اللي لازم يدفع



سرقوا منه العربية بس مشكلته هي المايتي زينجر



بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا



والأهم إنه اللي بيحب يسخر من نفسه ومن بلده وحكامه بس مايطيقش حد تاني يسخر منهم ، وساعتها بيفرش له الملاية.





36_11_16[1].gif اخيرا حاعرف ارد على موضوعك الرائع يا تاسونى
فعلا احنا شعب مختلف و اعتقد بما انك عايشة فى الخارج من فترة فانك تستطيعن معرفة المصري بمجرد رؤيته

صدقينى يا ابفرست فعلا اول لما بنشوف حد مصرى فى السوبر ماركت او فى اى مكان ماعدا الكنيسة طبعا بنعرف من شكله انه مصرى وفى الغالب طبعا بيكون مسيحى وبنسلم على بعض بدون سابق معرفة عندك حق طبعا سماتهم على وجوههم 36_17_5[1].gif
tab3an bema enena a7fad elfara3na lazen nekon mo5taleefen we lao shoft ay 7aga 3*areba bete7sal 7aoaleek yeb2a enta akeed fe maser 36_1_16[1].gif

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.

أحدث الموضوعات

From Coptic Books

إجمالي مرات مشاهدة الصفحة من 10/2010