الدرس : قصة زكا
زكا ولد صغير كانت امه عاقر و ابوه ماكنش بيخلف صلوا لبابا يسوع علشان يديهم بنت بابا يسوع اداهم ولد وقال لهم يسموه يوحنا لكن هما سموه زكا وفي يوم اخده ابوه و طلع الجبل علشان يقدمه ذبيحه لربنا لكن زكا سها ابوه وطلع يجري قال في عقل باله في الزمان ده الواحد مايامنش لابوه رجع جري لابوه و اخد نصيبه من الميراث و طلع علي شرم زكا قعد يصرف في فلوسه لغاية لما خلصت
وبعدين جري علي البيت وهو راجع تاه قعد زكا تايه في البريه 40 سنه و لما رجع البيت لقي ابوه مات
و امه بقت ارمله: ماما ماما انا جعان ماما قالت له انا ممعيش غير فلسين زكا اخد الفلسين و اشتري خمس ارغفه و سمكتين قعد ياكل هو و اصحابه وفي يوم وهو ماشي لقي زحمه كبيره
(بابا يسوع و الناس كلها متجمعين حواليه) ولانة قصير راح طالع فوق شجره لالا نخله النخله اطول بابا يسوع نده علي زكا و قال له
:زكا زكا صعب عليك ان ترفس منا خس و زكا نازل من علي النخله راح متزحلق في بطن الحوت
قعد زكا ياكل في بطن الحوت 6 ايام و في اليوم السابع جتله تخمه
بابا يسوع نده علي زكا من بطن الحوت وقال: زكا زكا هلم خارجا
زكا طلع جري علي بابا يسوع علشان يشكره وقبله وسلمه لليهود
مين مين مين قصدي للهنود اه افتكرت
و اخد 30 من الفضه وا تبرع بيهم لمستشفي 57357
نتعلم ايه يا اولاد من حكاية زكا؟
الجرى برافو يا جون
الاكل برافو يا ابانوب
الزحلقه برافو يا هاني
حد عنده سؤال؟ ايوه يا مينا: هي القصة ديه غير قصة زكا العشار؟
اول حاجه لازم نعرف ان فيه 3 زكا في الكتاب المقدس:
1- زكا المعمدان 2_زكا الحبيب 3_زكا الاسخريوطي
وديه بقي قصة زكا الطرسوسى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.