¤..†..¤ يارب حد يرد علية ¤..†..¤

سلام المسيح لكل القائمين على المنتدى الجميل دة
كنت بدور على ترنيمة جديدة لشرين المغنية طبعاا كلكم عرفنهاا يريت حد يقدر يسااعدنى
وشكراااا

سلام ونعمة ليكم


`15`

الترنيمة سيئة جداً، و اللى بتقولها صوتها مقرف، و الفيلم كله مالوش لزمة لأنه مش حيزود حاجة لأن الأفلام اللى إتعملت قبل كده حتكون أجمل مليون مرة - بل يمكن يكون سبب خلاف بين الكنيسة و الأزهر.

غير كده إزاى أصدق واحدة مش حاسة بالكلمات اللى بتقولها. اللى بيقول ترنيمة ببقه يا دوب أسمعه بودنى، لكن اللى بيقوم ترنيمة بقلبه و مؤمن بكلامها، كلامه يخش فى قلبى.

إيه الفرحة دى إن شيرين عملت ترنيمة؟؟!!! بكرة تطلبوا من نانسى عجرم و روبى و هيفاء يعملوا ترانيم كمان.



اول حاجة ديه مش ترنيمة انا اسفة ديه اغنية لان الترنيمة بتكون من مرنم اى من يؤمن بالشىء ويترنم به
كما رنم داود النبى المزامير

اما ماتقوله هذه المغنية هى اغنية فقط من نوع اى كلام اقول المهم اخد فلوس يعنى بصراحة انا سمعتها من زمان انا وحازم وكان تعليقنا انها مقرفة صوتا واداءا وشخصية بصراحة

ومش حاجة هتزودنا لما هذه الانسانة تغنى للمسيح لانها انسانة ليست لها راى فيما تغنيه ولكن العيرة فى من يدفع هل هذا مانريده لكى نفرح


وبعدين كنيستنا مليانة بالاصوات المباركة والترانيم الرائعة يعنى مش محتاجين حاجة تانية مش كده والا ايه

ياجماعة الترنيمة جمالها باحساس من يترنم بها وليست من حلاوة الصنعة او مهارة العزف ولكن من عمق المحبة

وهذا لن نجده الا فى اولاد المسيح

على فكرة يا ايفون الطفل الصغير اللى كان معك فى الكنيسة هو اللى كلامه صح للاسف مش انتم
لانه اتكلم بالفطرة وبعمل الروح القدس داخله بدون تفكير او رايه الشخصى

على اخر الزمن نسمع اغنية للسيد المسيح لشيرين
دى فعلا اغنية مش ترنيمة

و بعدين هى اصلا مش بتعرف تغنى
و بعدين هو احنا سمعنا الترانيم بتاعت كنيستنا فرايحين نسمع الاغنية مش الترنيمة اللى عملاها اللى اسمها شيرين

أحبائى ...
أختلفت الآراء حول الصوت الذى يؤدى هذه الترنيمة ، فالبعض يقول أنها للمطربة شيرين ، والبعض الأخر يقول أنها لمرنمة من أسيوط (ذكر أسمها أمامى لكن للأسف نسيته) يتشابه صوتها مع صوت شيرين وقدمت هذه الترنيمه من خلال شريط لها يباع فى كنائس أسيوط والرأى الأخير هو الأرجح لأنه ليس من صالح منتج الفيلم أن تذاع أغانيه قبل عرض الفيلم نفسه ..ولكن أيا كان المؤدى فالمهم هو كلمات الترنيمه هل هى تتفق مع ايماننا أم لا ؟ وهل هى كلمات مؤثرة تعبر عن آلام الرب يسوع وعن مالاقاه من عذابات واهانات وألام جسدية ونفسية أم لا؟ ثم يآتى بعد ذلك دور المؤدى ..هل أستطاع بصوته وبأحساسه بكلمات الترنيمه والآكثر من ذلك بايمانه بهذه الكلمات ..هل أستطاع أن يصل الى قلب ومشاعر المستمع أم لا ؟ لذلك اذا كان المؤدى هو المطربة شيرين فأنا اتفق مع الرأى القائل بأنها لن تصل بكلماتها الى قلوبنا لعدم ايمانها بما تقوله ففاقد الشئ لا يعطيه ...ولكن أطمئنوا ..طالما الكلمات موجودة فأنه سيعاد ترنيمها بأصوات مرنمين كثيرين من الكنيسة وسيكون لها الأنتشار الواسع من خلال أصوات أجمل وتعبير وأحساس أقوى

مين اللى بيفتى و بيقول إن الترنيمة دى من صوت مرنمة من أسيوط؟؟ لو فيه مرنمة صوتها زى صوت شيرين يبقى تخدم أى خدمة فى الكنيسة ما عدا إنها تعمل شرايط ترانيم. و يا ريت اللى قال لحضرتك حكاية المرنمة اللى من أسيوط دى يقول لك على إسم الشريط بتاعها علشان دى أول مرة أسمع فيها الحكاية دى من حد إلا من حضرتك. فحيث إن حضرتك مصدر المعلومة فيا ريت تأكدها.

ثانياً: كلمات ترنيمة إيه اللى تترنم؟؟ دى كلمات مقرفة و مقززة و مالهاش معنى أساساً، و علشان أثبت لك حأكتبها لحضرتك.

خارج أسوارك يا أورشليم
عند ذا القبر العظيم
لا معنى للحياة
إذ كان الموت يمحوها

باعك يهوذا باعك هناك
و بكت عليك المريمات
و صوت السياط بيعلى فى جراحات
و الصرخة تصرخ يا خاطى تندهك

ضرب الحربة سابق الريح
ينزل مسيح أصبح جريح
شوك و آلام و عذاب بيزيد
و صرخة حزينة فى قبر بعيد


بالذمة يا عالم دى كلمات ترنيمة؟!! بالذمة دى كلمات طقسية؟! يعنى إيه يذكر كلمة "مسيح" مجردة من أداة التعريف (ال)؟!! هو فيه كذا مسيح ولا إيه؟ الباقيين كانوا مسحاء الرب اللى بيتمسحوا للملك أو الكهنوت أو النبوة؟؟ إنما سيدنا المسيح مش واحد واقف معاهم فى الصف.

و كمان كل الأفلام بتنزل أغانيها قبل الفيلم دلوقت علشان تبيع و تضمن زبون. و إن كانت مش فاكر أسماء الأفلام قوى بس عندك مثلاً أغنية فيلم بطولة عبلة كامل و تامر حسنى نزلت قبل الفيلم، و فيه أغنية بتاعت مطرب مش معروف فى فيلم إسمه لخمة راس نزلت قبل الفيلم برضه. و الناس دخلت الفيلم بعد ما شافت دعاية الفيلم فى الأغنية. و صباح الفل.

كل سنة و إنت طيب بمناسبة النيروز.

إضافة أخيرة.
أنا بأدعو جميع الشباب المسيحى لمقاطعة الفيلم و العمل على سقوطه.


على فكرة انا لما شغلت الاغنية مااستحملتش اكملها وقفلتها على طول لان صوتها وحش جدا واللحن يقرف
لكن الاكيد انها شيرين لانها موجودة على كل المواقع انها شيرين وبعدين ده صوتها
ثانى حاجة فعلا من ايام فيلم الاخر ليوسف شاهين واغانى الفيلم بتنزل الاسواق قبل عرض الفيلم
وكمان بتنزل الاغنية فيديو كليب على الفضائيات وخاصة قنوات الاغانى

كاسلوب جديد من اساليب الدعاية للفيلم قبل طرحه فى الاسواق

تانى حاجة الف شكر ياحازم على كتابتك للكلمات لانها استعباط مش كلمات لانم لم يذكروا فيها الصلب
والموت والقيامة وهو مايؤكد ان كاتب الكلمات وقائلها غير مؤمن وعاوزين يفرضوا ايمانهم الخاطىء
اللى بيحاول الشيطان فرضه باى وسيلة

اخوتى ماتفرحوش بالحاجة قبل ماتفندوها كويس وتعرفوا ايه المقصود من وراها لانهم مش هيعملوا اغنية او فيلم حبا فى رب المجد لكن علشان يدسوا السم فى العسل احترسوا من هؤلاء الذئاب فى صورة حملان

فعلا و بعدين ما احنا عندنا افلام معمولة للسيد المسيح و اكيد حتبقى احسن من الفيلم اللى هيتعمل لان انا متاكدة انهم مش هيعرفوا يعملوه لانهم اكيد مش حبين اللى بيعملوه يبقى طلاما مش حبين اللى بيعملوه يبقى مش هيطلع الفيلم حلو و بعدين هما مش مؤمنين بيه علشان كدة مش هيحسوا بللى بيعملوه



حاجة غريبة

الله ينور عليكى يا آنستاسيا
بصراحة انا سمعتها ولم تعجبني واتفق معاكم كلكم في سؤ كلماتها ولحنها ..... في ناس مش مقدرة الجو العام في مصر وعاوزه تولعه ..... الفيلم اساسا مالوش لازمة ومش هيضيف جديد لعقيدتنا لان اللي اتعمل قبل كدة اعظم واجمل ..... كمان عاوز اقول اني اندهشت ان في ناس معجبة بالترنيمة ومنبهرة ان شيرين غنتها اسمحولي اقول اني مقدر فعلا انه شئ عجيب لكن ماننساش ان عبد الحليم برضو غنى عن المسيح لكن مش معنى كدة ان عبد الحليم او شيرين مؤمنين ان المسيح اتصلب ومات.... "شبه لهم يا جماعة ها شبه لهم" ... بلاش نتأثر بسرعة بالحاجات دي
أحبائى ...ترددت كثيرا فى كتابة ردى هذا على الأستاذ حازم حيث أننى لم أرتاح لأسلوب السخرية على ردى الأول ..ولكن حتى لا يعتبر عدم ردى هروبا ، قررت الكتابة مرة أخرى والموضوع كالأتى...
أولا : يقال أن ألترنيمة التى تذاع هى لمرنمة أسمها هايدى صوتها متقارب جدا لصوت المطربة شيرين ، وهى ترنيمة من شريطها الأول الموجود فى بعض المكتبات .
ثانيا : مرجعى لذلك يمكن لحضرة الأستاذ حازم الأطلاع عليه بنفسه وهو الدخول على موقع
www.onewayg.com أو منتدى الطريق الواحد ( أسرة أبونا بيشوى كامل ) كذلك يمكنه الدخول الى جروب الله محبة وسيجد هذه المعلومات ومعها الترنيمة .
ثالثا : لقد سمعت الترنيمة بنفسى وأرجو من الأستاذ حازم أن يسمعها أيضا مرة أخرى وبشئ من التركيز سيكتشف بنفسه أن الصوت يختلف عن صوت شيرين فعلا حتى ولو بفارق بسيط خاصة فى مخارج الآلفاظ والحروف مثل حرف السين الذى تنطقه قريبا من حرف الشين .
أحبائى ..أرجو أن يكون هذا المكان ساحة للحوار البناء الممزوج بالأحترام المتبادل والهدف الوحيد هو مجد أسم الرب يسوع وحده القدوس .
أرجوكم صلوا من أجلى

ردى ليس به سخرية حينما أطالب بمرجع حضرتك فى معلومات، فذكر معلومات يتطلب مرجع حتى لا يقول قائل إنها من بنات أفكار قائلها. بس لو نزل الفيلم و طلعت فعلاً دى أغنية لشيرين مش هايدى يبقى يا ريت حضرتك تشوف مين اللى قال الفتوى فى الموقع اللى ذكرته و تقول له يبطل فتاوى علشان شكله بقى سخيف قوى.

ثانياً القول بأن كلمات الترنيمة مقززة لا يسخر من حضرتك فى شئ بل ينتقد كاتب كلمات الترنيمة.

ثالثاً القول بأن كل الأفلام تقوم بإذاعة أغانى الفيلم قبل نزول الفيلم سرد حقائق لا يسخر من حضرتك فى شئ.

اخونا الاستاذ "سمير سميح منسى"
اولا : صدقنى لما اقولك ان حازم مشقصده اي شيئ من ناحيتك
كل الهجوم كان على الفكرة والغيرة على الايمان هو الدافع الوحيد
ثانيا:

اعتقد انها تفتح على نفسها النار والخطوة القادمة وهى الفيلم كذلك
لانه سيكون من حقنا نحن ايضا المسيحين ان يعرض فيلم صحيح فى السنما
سيكون هناك نقاش لاظهار ايماننا
وهذا تبشير مباشر واعتقد اننا ممنوعين منه
فانا واثق ان الله قادر ان يحول كل الاشياء لعمل الخير للذين يحبون الله

بداية النار هو لابد للكاتب والمطربة ان تجيب على السؤال
"لا معنى للحياة إذ كان الموت يمحوها " فلا معنى للكفارة
فهل شيرين والمؤلف لا يؤمنون بـ " العين بالعين والسن بالسن"
صحيح نسيت ان
هناك شخص يقول ان الخطية فأدم وحواء استغفر الله وغفر لهم بدون ثمن
فالخطية ليس لها ثمن
فالخطية ليس لها قيمة = صفر
وده اول حاجة هنعرفها
" أخرة الخطية موت " " من قال لاخيه يا احمق استوجب نار جهنم"
" من اخطا فى واحدة اخطا فى الكل "

سواء كانت الترنيمة لفلان او غيرة
هل الكلمات ده فيها ( لا معنى للحياة إذ كان الموت يمحوها)
؟؟؟؟؟؟؟؟؟؟؟؟؟؟
انا مع رايك ياباهر ان حتى لو كانت فلانة اللى رنمت اخت مسيحية هل هذه كلمات
ام اصبحت المسألة تجارة وتعبئة شرايط والسلام بدون تدقيق ولا فحص لما سيرنم ؟؟؟؟!!!!!

يسلم فمك يا تاسونى انت و باهر كده جبتوا من الاخر 36_15_4[1].gif
لكن بجد انا زعلت لسببين اولهم ان البنت اللى غنت حاولت استغلال شبه صوتها بصوت المغنية شيرين و ثانيهما ان فى نسبة عالية جدا كانت فرحانة و هى بتتبادل ارسال اللينك الخاص بالاغنية و هما فرحانين ان شيرين قالت ترنيمة مسيحية ( قال يعنى املة )

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.

أحدث الموضوعات

From Coptic Books

إجمالي مرات مشاهدة الصفحة من 10/2010