والــســــــلام خـتـــــــــام يـا غــــــــالى .....




في‏ ‏ساحة‏ ‏كاتدرائية‏ ‏العذراء‏ ‏بالزيتون

---------------------------------------------

وسط‏ ‏حشود‏ ‏سدت‏ ‏الطريق‏ ‏إلي‏ ‏كنيسة‏ ‏السيدة‏ ‏العذراء‏ ‏بالزيتون‏ ‏اجتاز‏ ‏قداسة‏ ‏البابا‏ ‏شنودة‏ ‏الثالث‏ ‏المسافة‏ ‏من‏ ‏بداية‏ ‏شارع‏ ‏طومان‏ ‏باي‏ ‏إلي‏ ‏الكنيسة‏ ‏بصعوبة‏ ‏بالغة‏.. ‏الأكثر‏ ‏من‏ ‏هذا‏ ‏عند‏ ‏وصول‏ ‏قداسته‏ ‏إلي‏ ‏كنيسة‏ ‏الظهور‏ ‏لرفع‏ ‏صلاة‏ ‏الشكر‏ - ‏طبقا‏ ‏للبرنامج‏ ‏الموضوع‏ ‏للاحتفالية‏ - ‏لم‏ ‏يتمكن‏ ‏من‏ ‏مغادرة‏ ‏السيارة‏ ‏لتكالب‏ ‏الجموع‏ ‏الغفيرة‏ ‏التي‏ ‏توافدت‏ ‏إلي‏ ‏الكنيسة‏ ‏علي‏ ‏امتداد‏ ‏ساعات‏ ‏النهار‏ ‏انتظارا‏ ‏لحضور‏ ‏قداسته‏, ‏واضطر‏ ‏أن‏ ‏يتوجه‏ ‏بالسيارة‏ ‏مباشرة‏ ‏إلي‏ ‏كاتدرائية‏ ‏السيدة‏ ‏العذراء‏ ‏المواجهة‏ ‏لكنيسة‏ ‏الظهور‏.. ‏كان‏ ‏هناك‏ ‏في‏ ‏استقبال‏ ‏قداسته‏ ‏آباء‏ ‏الكنيسة‏ ‏القمص‏ ‏بطرس‏ ‏بطرس‏ ‏جيد‏, ‏والقس‏ ‏بيشوي‏ ‏فايق‏, ‏القس‏ ‏بيجول‏ ‏مسعد‏, ‏القس‏ ‏يوحنا‏ ‏يسي‏, ‏القس‏ ‏أرسانيوس‏ ‏فتحي‏, ‏القس‏ ‏مرقس‏ ‏نجيب‏, ‏القس‏ ‏ميخائيل‏ ‏عادل‏, ‏القس‏ ‏جرجس‏ ‏عادل‏.‏
وكان‏ ‏الفريق‏ ‏الكشفي‏ ‏لأسقفية‏ ‏الشباب‏ - ‏بإشراف‏ ‏الدكتور‏ ‏صموئيل‏ ‏متياس‏ ‏قائد‏ ‏الأمانة‏ ‏العامة‏ ‏للكشافة‏ ‏والمرشدات‏ - ‏قد‏ ‏اصطف‏ ‏بآلاته‏ ‏النحاسية‏ ‏لاستقبال‏ ‏قداسة‏ ‏البابا‏ ‏بالمارشات‏ ‏الكشفية‏.. ‏وتوجه‏ ‏قداسة‏ ‏البابا‏ ‏إلي‏ ‏المنصة‏ ‏التي‏ ‏أعدت‏ ‏لقداسته‏ ‏يحيطه‏ ‏آباء‏ ‏الكنيسة‏ ‏لمشاهدة‏ ‏البانوراما‏ ‏التي‏ ‏توضح‏ ‏أحداث‏ ‏الظهور‏ ‏بصورة‏ ‏فنية‏ ‏رائعة‏.‏
البانوراما‏ ‏لشخصية‏ ‏خيالية‏ ‏صعيدية‏ ‏تدعي‏ ‏عيد‏ ‏البائع‏ ‏السريح‏ ‏الذي‏ ‏تمركز‏ ‏في‏ ‏ساحة‏ ‏الأحداث‏ ‏منذ‏ ‏أكثر‏ ‏من‏ ‏أربعين‏ ‏عاما‏, ‏ومن‏ ‏خلال‏ ‏خطاب‏ ‏يوجهه‏ ‏من‏ ‏بلده‏ ‏بالصعيد‏ ‏إلي‏ ‏قداسة‏ ‏البابا‏ ‏شنودة‏ ‏يشرح‏ ‏عيد‏ ‏لقداسته‏ ‏ما‏ ‏حدث‏ ‏عام‏ 1968 ‏من‏ ‏منظوره‏ ‏البسيط‏ ‏وبلغة‏ ‏زجلية‏ ‏باسمة‏.. ‏كتب‏ ‏الشخصية‏ ‏وأداها‏ ‏نبيل‏ ‏شحاتة‏, ‏وأثناء‏ ‏سرده‏ ‏للأحداث‏ ‏كانت‏ ‏تتداخل‏ ‏البانوراما‏ ‏المرئية‏ ‏علي‏ ‏مساحة‏ ‏هائلة‏ ‏في‏ ‏فناء‏ ‏الكاتدرائية‏ ‏لتحكي‏ ‏قصة‏ ‏الظهور‏ ‏تتخللها‏ ‏الأبيات‏ ‏المرنمة‏ ‏لفريق‏ ‏كورال‏ ‏الأسقفية‏ ‏مع‏ ‏فريق‏ ‏كورال‏ ‏الكنيسة‏ ‏بقيادة‏ ‏ماجد‏ ‏جرجس‏ ‏الذي‏ ‏وضع‏ ‏كلمات‏ ‏الترانيم‏ ‏لتأخذ‏ ‏المشاهد‏ ‏في‏ ‏رحلة‏ ‏الظهور‏ ‏بإنسيابية‏ ‏وأداء‏ ‏متميز‏.. ‏وتنتهي‏ ‏البانوراما‏ ‏بنزول‏ ‏صورة‏ ‏العذراء‏ ‏في‏ ‏شكل‏ ‏الظهور‏ ‏بارتفاع‏ ‏الكنيسة‏ - ‏أكثر‏ ‏من‏ 17 ‏مترا‏ - ‏في‏ ‏مشهد‏ ‏مهيب‏ ‏كان‏ ‏قد‏ ‏قام‏ ‏بتصميمه‏ ‏وتنفيذه‏ ‏المهندس‏ ‏يوسف‏ ‏ميلاد‏, ‏وساهم‏ ‏في‏ ‏إنجاحه‏ ‏الإضاءة‏ ‏المدروسة‏ ‏والمنفذة‏ ‏بواسطة‏ ‏ممدوح‏ ‏ملاك‏ ‏وساهم‏ ‏في‏ ‏أعمال‏ ‏الجرافيك‏ ‏عادل‏ ‏مكرم‏..‏
‏* ‏كلمات‏ ‏البانوراما‏ ‏كما‏ ‏جاءت‏ ‏في‏ ‏نص‏ ‏الرسالة‏:‏
‏** ‏سيدنا‏ ‏العزيز‏ ‏الغالي‏.. ‏تحية‏ ‏طيبة‏ ‏وبعد‏..‏
مشتاجين‏ ‏مشتاجين‏ ‏مشتاجين‏ ‏يا‏ ‏غالي‏.. ‏صح‏ ‏غالي‏.. ‏مانت‏ ‏طول‏ ‏عمرك‏ ‏بوي‏ ‏وأبو‏ ‏عيالي‏.. ‏تبقي‏ ‏غالي‏.. ‏خدامك‏ ‏عيد‏ ‏من‏ ‏الصعيد‏ ‏الجواني‏.. ‏جيت‏ ‏من‏ ‏النجع‏ ‏بياع‏ ‏سريح‏ ‏علي‏ ‏جد‏ ‏حالي‏.. ‏جضيت‏ ‏سنين‏ ‏عمري‏ ‏علي‏ ‏فرشتي‏ ‏جدام‏ ‏الست‏ ‏العدرا‏.. ‏جدام‏ ‏الجبة‏ ‏طوالي‏ ‏عند‏ ‏الجراج‏.. ‏وجت‏ ‏أبونا‏ ‏جسطنتين‏ ‏الله‏ ‏ينيحه‏.. ‏جسيس‏ ‏عن‏ ‏حج‏.. ‏لكن‏ ‏كان‏ ‏يتعكر‏ ‏لما‏ ‏يجي‏ ‏يصلي‏ ‏الجداس‏ ‏ويسمع‏ ‏صوت‏ ‏الدرابيج‏ ‏جاية‏ ‏من‏ ‏الجراج‏.. ‏صوت‏ ‏ولا‏ ‏الدلاميت‏.. ‏إللي‏ ‏يزمر‏ ‏وإللي‏ ‏يكسر‏ ‏وإللي‏ ‏يهزر‏ ‏وإللي‏ ‏عمال‏ ‏يدوس‏ ‏بنزيم‏ ‏والدخنة‏ ‏السودا‏ ‏تتطلع‏ ‏تخنج‏ ‏الحلج‏ ‏وتعمي‏ ‏العين‏.. ‏بس‏ ‏خدامك‏ ‏عيد‏ ‏اتمسك‏ ‏بفرشته‏ ‏زين‏.. ‏صحيح‏ ‏ماليش‏ ‏دكان‏, ‏لكن‏ ‏جبة‏ ‏الكنيسة‏ ‏وستي‏ ‏حيطاني‏.. ‏وده‏ ‏مين‏ ‏في‏ ‏حما‏ ‏العدرا‏ ‏يسيبها‏.. ‏عيد‏ ‏جاعد‏ ‏علي‏ ‏فرشته‏ ‏لحد‏ ‏ما‏ ‏يموت‏ ‏علي‏ ‏فرشته‏.. ‏حتي‏ ‏لو‏ ‏جابو‏ ‏جطر‏ ‏سكة‏ ‏حديد‏ ‏ومشوه‏ ‏جدامي‏.‏
في‏ ‏يوم‏ ‏التلات‏ 2 ‏أبريل‏ ‏وجت‏ ‏المسا‏ ‏يا‏ ‏سيدنا‏.. ‏سمعت‏ ‏عم‏ ‏فاروج‏ ‏عامل‏ ‏الجراج‏ ‏يصرخ‏ ‏ويشاور‏ ‏علي‏ ‏الجبة‏ ‏فوج‏.. ‏إنت‏ ‏يا‏ ‏ست‏ ‏ياللي‏ ‏حترمي‏ ‏نفسك‏ ‏من‏ ‏فوج‏.. ‏بتعملي‏ ‏إيه‏ ‏عندك‏.. ‏حاسبي‏.. ‏رميت‏ ‏فرشتي‏ ‏وجريت‏ ‏عليه‏ ‏رحت‏ ‏أصرخ‏ ‏وياه‏.. ‏يا‏ ‏ست‏ ‏حاسبي‏.. ‏والخلج‏ ‏ابتدوا‏ ‏يتجمعوا‏ ‏ويصرخوا‏.. ‏وفي‏ ‏عز‏ ‏إللي‏ ‏إحنا‏ ‏فيه‏ ‏تجوم‏ ‏ست‏ ‏تخبط‏ ‏زغرودة‏.. ‏إحنا‏ ‏بنصرخ‏ ‏ونزعج‏ ‏وهي‏ ‏تزغرد‏.. ‏وتجول‏ ‏دي‏ ‏العدرا‏ ‏يا‏ ‏ناس‏ ‏العدرا‏ ‏بانت‏.. ‏وده‏ ‏ودي‏ ‏معجول‏.. ‏كيف‏ ‏والكنيسة‏ ‏مجفلة‏ ‏تطلع‏ ‏علي‏ ‏الجبة‏ ‏كده‏ ‏علي‏ ‏طول‏.. ‏إيه‏ ‏يا‏ ‏عيد‏.. ‏فوج‏.. ‏ما‏ ‏هي‏ ‏العدرا‏ ‏تطلع‏ ‏وتنزل‏ ‏علي‏ ‏مزاجها‏.. ‏لا‏ ‏يحدها‏ ‏سور‏ ‏أو‏ ‏طوج‏.. ‏شوفت‏ ‏بعيني‏ ‏يا‏ ‏سيدنا‏ ‏ويا‏ ‏بخت‏ ‏العين‏ ‏إللي‏ ‏شافت‏.. ‏رحت‏ ‏أهلل‏ ‏وأهيص‏ ‏مع‏ ‏خلج‏ ‏انشقت‏ ‏الأرض‏ ‏عنهم‏ ‏وهاصت‏ ‏زي‏ ‏ما‏ ‏في‏ ‏التصاوير‏ ‏بنشوفها‏.. ‏صدجني‏ ‏هيها‏.. ‏زد‏ ‏عليها‏ ‏حمام‏ ‏من‏ ‏حواليها‏ ‏حاطت‏.. ‏جري‏ ‏عياد‏ ‏بن‏ ‏إبراهيم‏ ‏الجرابني‏.. ‏ينده‏ ‏علي‏ ‏أبوه‏ ‏علشان‏ ‏يجول‏ ‏لأبونا‏ ‏جسطنتين‏.. ‏جوم‏ ‏يا‏ ‏بونا‏ ‏حبيبتك‏ ‏جات‏.. ‏العدرا‏ ‏للزيتون‏ ‏زارت‏.. ‏جاية‏ ‏تقول‏ ‏للخلق‏ ‏فوج‏.. ‏أنا‏ ‏مش‏ ‏بس‏ ‏في‏ ‏السما‏ ‏فوج‏.. ‏لكن‏ ‏واخدة‏ ‏بالي‏ ‏من‏ ‏ولادي‏ ‏وكرامتي‏ ‏تعليهم‏ ‏لفوج‏.. ‏وإللي‏ ‏عاوز‏ ‏يتوكد‏ ‏من‏ ‏الكلام‏ ‏صح‏.. ‏يبص‏ ‏علي‏ ‏الجبة‏.. ‏وينده‏ ‏يا‏ ‏عدرا‏.. ‏حيلاجي‏ 40 ‏سنة‏ ‏عادت‏..‏
ما‏ ‏جلكش‏ ‏يا‏ ‏سيدنا‏ ‏علي‏ ‏إللي‏ ‏حصل‏ ‏وكان‏.. ‏ناس‏ ‏وبشر‏ ‏من‏ ‏كل‏ ‏الأرض‏.. ‏طوفان‏.. ‏الأفندي‏ ‏والبيه‏.. ‏والست‏ ‏والد‏ ‏والبنت‏.. ‏عالم‏ ‏الكل‏ ‏جي‏ ‏يشوف‏ ‏يتبارك‏.. ‏بشر‏ ‏الكل‏ ‏واقف‏ ‏عيونه‏ ‏للسما‏ ‏طلة‏.. ‏ياللا‏ ‏ياعدرا‏.. ‏طلي‏ ‏بنورك‏ ‏طلة‏.. ‏فرحي‏ ‏ولادك‏.. ‏اسندي‏ ‏الضعيف‏ ‏واشفي‏ ‏المريض‏ ‏والتعبان‏.. ‏ويوم‏ ‏عن‏ ‏يوم‏ ‏الدنيا‏ ‏تزحم‏ ‏من‏ ‏بورسعيد‏ ‏لأسوان‏.. ‏يجفوا‏ ‏ساعات‏ ‏وساعات‏ ‏ولما‏ ‏يتعبوا‏ ‏يريحوا‏ ‏علي‏ ‏الأرض‏.. ‏يسبحوا‏.. ‏يرنموا‏.. ‏واخدينها‏ ‏بجد‏.. ‏الكل‏ ‏اتساوي‏.. ‏الكل‏ ‏بجه‏ ‏صغير‏ ‏جدام‏ ‏المجد‏.. ‏وعيد‏ ‏الغلبان‏ ‏مبسوط‏.. ‏ماعدش‏ ‏يجعد‏ ‏علي‏ ‏فرشته‏.. ‏يديها‏ ‏للعضم‏ ‏الكبير‏ ‏يستريح‏ ‏من‏ ‏وجفته‏.. ‏برضه‏ ‏الأمر‏ ‏عليهم‏ ‏شج‏.. ‏والخير‏ ‏بجه‏ ‏كتيير‏.. ‏صورتها‏ ‏يطلبها‏ ‏الصغير‏ ‏والكبير‏.. ‏صليب‏ ‏حبيبها‏ ‏يعلقه‏ ‏الولد‏ ‏والجد‏.. ‏شوية‏ ‏ويجي‏ ‏خواجات‏.. ‏بجيت‏ ‏أجري‏ ‏أجيب‏ ‏لهم‏ ‏يشربم‏.. ‏ما‏ ‏هم‏ ‏ضيوفنا‏.. ‏وإيه‏ ‏ياسيدنا‏.. ‏عيد‏ ‏باع‏ ‏للخواجات‏.. ‏أيوه‏ ‏صح‏ ‏الست‏ ‏العدرا‏ ‏حطت‏ ‏في‏ ‏يد‏ ‏عيد‏ ‏دوررات‏.. ‏لكن‏ ‏كنت‏ ‏أتغاظ‏ ‏منيهم‏.. ‏عم‏ ‏يجولوا‏ ‏عليها‏ ‏ماري‏ ‏وأجوالهم‏ ‏مريم‏ ‏يا‏ ‏ناس‏.. ‏زهجت‏ ‏في‏ ‏تعليمهم‏ ‏وقلت‏ ‏في‏ ‏بالي‏.. ‏مش‏ ‏مهم‏ ‏يا‏ ‏عيد‏ ‏يجولوها‏ ‏إزاي‏ ‏المهم‏ ‏الإحساس‏.. ‏وعرفت‏ ‏منيهم‏ ‏لغات‏.. ‏إيوه‏.. ‏صليب‏ ‏يعني‏ ‏كروس‏.. ‏والعدرا‏ ‏دي‏.. ‏كويين‏.. ‏وأعدي‏ ‏عليهم‏ ‏وأجولهم‏.. ‏صورة‏ ‏للكوين‏.. ‏غالية‏ ‏ونورها‏ ‏ما‏ ‏فيه‏ ‏زياته‏.. ‏نور‏ ‏العدرا‏ ‏ينور‏ ‏العين‏.‏
كتر‏ ‏الظهور‏ ‏ياسيدنا‏.. ‏والحدث‏ ‏بجه‏ ‏كبير‏.. ‏البابا‏ ‏كيرلس‏ ‏السادس‏ ‏الجديس‏ ‏طلع‏ ‏بيان‏ ‏عاجل‏ ‏بضمير‏.. ‏بعد‏ ‏ما‏ ‏بعت‏ ‏لجنة‏ ‏بابوية‏ ‏كريمة‏ ‏تتوكد‏.. ‏جال‏ ‏فيه‏ ‏الظهور‏ ‏دي‏ ‏صح‏.. ‏مش‏ ‏خيال‏ ‏دي‏ ‏حقيقة‏ ‏والكل‏ ‏متوكد‏.. ‏وابتديت‏ ‏الجرايد‏ ‏تكتب‏ ‏وتتحدث‏.. ‏الأهرام‏ ‏والأخبار‏ ‏والجمهورية‏.. ‏وطني‏ ‏وجرايد‏ ‏عربية‏.. ‏ما‏ ‏تستغربش‏ ‏يا‏ ‏سيدنا‏.. ‏عيد‏ ‏يفك‏ ‏الخط‏ ‏للابتدائية‏.. ‏جرايد‏ ‏م‏ ‏الغرب‏ ‏وخارج‏ ‏حدود‏ ‏الأرض‏.. ‏السانداي‏.. ‏دي‏.. ‏وإللي‏ ‏بالطليانية‏.. ‏وعالم‏ ‏معذور‏ ‏عمره‏ ‏ما‏ ‏شاف‏ ‏زي‏ ‏دي‏ ‏نور‏.. ‏ولا‏ ‏شاف‏ ‏العدرا‏ ‏جبل‏ ‏كده‏.. ‏في‏ ‏ظهورات‏ ‏بهية‏.‏
وعيد‏ ‏يا‏ ‏سيدنا‏ ‏اتسبي‏ ‏من‏ ‏ظهورها‏.. ‏مرة‏ ‏ساجدة‏ ‏عند‏ ‏صليب‏ ‏حبيبها‏ ‏ومرة‏ ‏حزينة‏ ‏ومرة‏ ‏بطولها‏.. ‏وأجسام‏ ‏نورانية‏ ‏شكل‏ ‏حمام‏.. ‏تتشكل‏ ‏بسرعة‏ ‏البرج‏ ‏يزيد‏ ‏نورها‏.. ‏وجت‏ ‏يوم‏.. ‏شايلة‏ ‏رب‏ ‏المجد‏ ‏علي‏ ‏يديها‏.. ‏يابوي‏.. ‏جه‏.. ‏بظهوره‏ ‏وياها‏ ‏يزكيها‏.. ‏وشوية‏ ‏تكون‏ ‏طيف‏ ‏يظهر‏ ‏علي‏ ‏أوجات‏.. ‏ووجت‏ ‏تظهر‏ ‏بالساعات‏.. ‏وياما‏ ‏عيد‏ ‏شاف‏ ‏وسمع‏ ‏وجتها‏ ‏معجزات‏ ‏ومعجزات‏.. ‏إللي‏ ‏يفتح‏ ‏وإللي‏ ‏مشي‏ ‏علي‏ ‏رجليه‏ ‏من‏ ‏غير‏ ‏سنادات‏.. ‏وإللي‏ ‏شفي‏ ‏ابنيها‏.. ‏وإللي‏ ‏اتحركت‏ ‏يديها‏.. ‏واسألوا‏ ‏الأطبا‏.. ‏اسألوهم‏ ‏جبل‏ ‏منينا‏ ‏وإللي‏ ‏اتوكدوا‏.. ‏بالسند‏ ‏والفحوصات‏.. ‏وجالوا‏ ‏علي‏ ‏إللي‏ ‏شفي‏ ‏دي‏ ‏مش‏ ‏طب‏.. ‏دي‏.. ‏جوات‏.‏
أخيرا‏ ‏يا‏ ‏سيدنا‏ ‏عيد‏ ‏بيكتب‏ ‏لك‏.. ‏ليك‏ ‏عليه‏ ‏حج‏.. ‏كان‏ ‏لازم‏ ‏عيد‏ ‏ييجي‏ ‏عنديك‏ ‏مانت‏ ‏في‏ ‏الجصة‏ ‏دي‏ ‏راعي‏ ‏وأب‏.. ‏عن‏ ‏الظهور‏ ‏دي‏ ‏شهدت‏.. ‏ولكتب‏ ‏كتيرة‏ ‏اتكتبت‏ ‏عللي‏ ‏حصل‏ ‏ياما‏ ‏جدمت‏.. ‏ولما‏ ‏صار‏ ‏الجراج‏ ‏ببركة‏ ‏ظهور‏ ‏العدرا‏ ‏ملك‏ ‏للأجباط‏.. ‏دجيت‏ ‏بيدك‏ ‏في‏ 67 ‏أساس‏ ‏الأرض‏.. ‏الجراج‏ ‏بجه‏ ‏مذبح‏ ‏والدخان‏ ‏الأسود‏ ‏بصلواتك‏ ‏بجه‏ ‏بخور‏ ‏سماوي‏ ‏يعلي‏ ‏لفوج‏ ‏جدا‏.. ‏وأبونا‏ ‏بطرس‏ ‏الكبير‏ ‏الله‏ ‏ينحيه‏.. ‏دراعك‏.. ‏يسجي‏ ‏وياك‏ ‏في‏ ‏الكنيسة‏ ‏ويعمر‏ ‏جدا‏.. ‏ماهو‏ ‏من‏ ‏جيد‏.. ‏وسيدنا‏ ‏برضيك‏ ‏من‏ ‏جيد‏.. ‏يبجي‏ ‏لازم‏ ‏الأمر‏ ‏ينتهي‏.. ‏جيد‏ ‏جدا‏.. ‏وجيل‏ ‏بيسلم‏ ‏جيل‏ ‏وجديس‏ ‏بيسلم‏ ‏ولاده‏.. ‏وملايكة‏ ‏الكنيسة‏.. ‏آبائها‏ ‏بدرجة‏ ‏جيد‏ ‏جدا‏.‏
اعذرني‏ ‏يا‏ ‏غالي‏ ‏كان‏ ‏لازم‏ ‏آجي‏ ‏وأخد‏ ‏بركتك‏ ‏وأطل‏ ‏علي‏ ‏الجبة‏ ‏بعد‏ ‏ما‏ ‏عاودت‏ ‏النجع‏ ‏وولداني‏.. ‏لكن‏ ‏الظروف‏ ‏ما‏ ‏سمحتش‏ ‏تتحجج‏ ‏الأماني‏..‏
ملحوظة‏: ‏نعلكم‏ ‏يا‏ ‏سيدنا‏ ‏أنه‏ ‏مرسل‏ ‏لكم‏ ‏طيه‏ ‏صليب‏ ‏صغير‏.. ‏إللي‏ ‏بجي‏ ‏معايا‏ ‏ذكري‏ ‏غالية‏ ‏بعد‏ ‏ما‏ ‏رجعت‏ ‏لزرعتي‏ ‏وغيطاني‏.. ‏أنا‏ ‏عارف‏ ‏يا‏ ‏سيدنا‏ ‏أنك‏ ‏شايل‏ ‏صلبان‏ ‏كتيير‏.. ‏بس‏ ‏طول‏ ‏عمرك‏ ‏راجل‏ ‏جدع‏.. ‏ما‏ ‏تخافش‏ ‏رب‏ ‏المجد‏ ‏يجويك‏ ‏يحميك‏ ‏ويزيد‏ ‏عمرك‏ ‏ياخد‏ ‏من‏ ‏عيد‏ ‏ويديك‏.. ‏صح‏ ‏صليب‏ ‏عيد‏ ‏دي‏.. ‏صغير‏.. ‏لكن‏ ‏فيه‏ ‏حب‏ ‏كبير‏.. ‏تسبجه‏ ‏أحضاني‏.‏


والسلام‏ ‏ختام‏ ‏يا‏ ‏غالي

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.

أحدث الموضوعات

From Coptic Books

إجمالي مرات مشاهدة الصفحة من 10/2010