سميح الفنان ومشكلة يونان

&&&&&& سميح الفنان ومشكلة يونان &&&&&&
:::::::::::::::::::::::::::::::::::::::::::::::::::::::::::::::::

سميح : صباح الفل ياجماعة
ميخائيل : ايه مالك ياسميح شكلك زعلان او متضايق من حاجة
ميلاد : فيه حاجة ياسميح
سميح : ابدا مش زعلان ولا حاجة بس مش نايم كويس ودى فى
ذاتها مشكلة
مجدى : كان عندك ارق
سميح : لأ كان عندى رسم ودى فى حد ذاتها مشكلة
ميخائيل : رسم ........... رسم ايه ؟
سميح : كنت بارسم يونان وهو فى بطن الحوت ...... ودى فى
حد ذاتها مشكلة
ميلاد : وده بيترسم ازاى ...؟
سميح : بقى ده سؤال يتسأل ..... بارسم حوت وجواه يونان ودى
فى حد ذاتها مشكلة
ميلاد : ....أزاى ...؟
مجدى : ياسميح .... ميلاد قصده ازاى يترسم الحوت وهو بالع
يونان والناس اللى بتتفرج على الرسم شايفة يونان جوه
بطن الحوت ................
ميلاد : بالضبط ازاى نشوف يونان ... ما خلاص الحوت بلعه
سميح : ماهو ده الفن .... وديه فى حد ذاتها مشكلة
ميخائيل : هو كل شوية تقول لنا ( وديه فى حد ذاتها مشكلة )
ايه المشكلة بالضبط ....!!!!!
سميح : المشكلة انكم مش فنانين زى حضرتى وبالتالى مش
حتفهموا الرسم السريالى الرمزى المتحضر بتاعى
ودى فى حد ذاتها مشكلة.....
مجدى : طيب فهمنا يافنان ......!!!!!!
سميح : الرسم بتاعى له معنى رمزى
ميلاد : يعنى ايه رمزى ......؟!!!!!
سميح : وكمان مش عارف رمزى يعنى ايه.....!!!
مش باقول لكم ..... وديه فى حد ذاتها مشكلة
مجدى : طيب فهمنا ياسميح ....!!!!!!
سميح : مضطر .. الحوت لما بلع يونان ... ما اعنيه بالرمز ان كل
واحد فينا ممكن ان يكون يونان ؛ وممكن يكون عنده
مشاغل كتير وحاجات اكتر تبلعه زى الحوت
وماتخليهوش فاضى لا لربنا ولا للكنيسة ولا لأى حاجة
ودى فى حد ذاتها مشكلة .
ميخائيل : الله .. فكرة فعلا .. بس ديه تترسم ازاى ياسميح ؟
سميح : بتترسم بطريقة مش حتفهموها .. ودى فى
حد ذاتها مشكلة .
ميلاد : بس لما نشوف الرسم حنبقى نفهمها.. مش
كده ياسميح
سميح : برضه ....... ؟!!!!!!!!!! ..لأ
مجدى : أزاى ..؟... بقى ...؟!!!!!!
سميح : لان مافيش حد يقدر يفهم رسم فنان ....
ودى فى حد ذاتها مشكلة
ميخائيل : يلسلاااااااااااام ...... امال الفنان بقى
بيرسم ليه ....؟!!!
سميح : بيرسم من اجل الفن فقط ... ودى .....
ميلاد : فى حد ذاتها مشكلة ...
سميح : بالضبط برافو ياميلاد ابتديت تتعلم ... آه
ودى فى حد ذاتها مشكلة .....
مجدى : طيب ما تورينا الرسم بتاعك ياسميح يافنان
الشعب ..... جايز نفهمه
سميح : ما أعتقدشى ... لانكم ما عندكمشى سمات
الفنان ... ودى فى حد ذاتها مشكلة .
ميخائيل : طيب ادينا فرصة ..... مش جايز نفهم
سميح : أشك ....!!!!
ميلاد : ياصبر ايوب .... معلشى تعالى على نفسك
وسيبنا نتفرج جايز نفهم ...!!
سميح : طيب ما دام مصممين ... انا معنديش مانع
وطيبة قلبى دى هى اللى مضيعانى .....................
ودى فى حد ذاتها مشكلة .
ميخائيل : طيب فرجنا يا فنان ......................!!
سميح : اتفضلوا اتفرجوا ..... وسمعونى رأيكم
ميلاد : ايه يابنى ده ..... فين الحوت وفين يونان ؟؟؟
ده انت راسم بحر وبس .
سميح : طبعا ماالحوت بلع يونان وغطس .... ... هو انتم
عايزين يبلعه ويقعد يبص لى علشان ارسمه ....!!
مش باقول لكم مش حتفهموا ..........!!!!!!
ودى فى حد ذاتها مشكلة.
الجميع : أأأأأأأأأأأأأأأأأأأأأأأأأأأأأأأأأأأأأأه
الصراحة سميح شخصية مضحكة وجميلة ودي في حد ذاتها مشكلة!!!
شكرا يا تاسوني والشكر في حد ذاته مشكلة!!
`11`
هو ده نفسه سميح بتاع النسيان؟؟!!
أعتقد إن سميح بيعانى من مشكلتين .. و دى فى حد ذاتها مشكلة

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.

أحدث الموضوعات

From Coptic Books

إجمالي مرات مشاهدة الصفحة من 10/2010