***** لعبة الصراحة *****

هى لعبة فكرتها حلوة و انا هبقى صريحة معاكم انا شفتها فى منتدى مسيحى و عجبتنى الفكرة و اللعبة هى ان

حد يسأل سوأل و بعد كدة حد يرد عليه بصراحة و لما يرد يحط السوأل اللى عايز يسأله للى بعديه

لعبة حلوة صح

ياريت كلنا نشارك `14`

سوألى هو : عندك كام سنة ؟؟؟؟؟؟؟؟؟؟؟؟؟؟؟؟


هى لعبة حلوة لعبة الصراحة ديه وبما ان الصراحة راحة فانا عندى 14 سنة واللى عنده كلام غير ده يسكت احسن
اما سؤالى فهو ماهى ترنيمتك المفضلة ؟
سلام الرب لكم :
وفعلا لعبة حلوة لعبة الصراحة ودلوقتى دا معاد الإجابة (ترنيمة لما الحمل بيتقل )
ودلوقتى معاد السؤال وهو (أيه أكتر شىء بتعمله فى وقت فراغك )
والرب معكم

فكرة كثير حلوة
بمدح حالي وبحاول أني أتخلص منه .

ما هو يومك المفضل في الأسبوع ؟؟؟؟؟؟؟
فعلاً لىّ قريب المنظر ده تعرفه تاسونى تيتي.
بصراحة بأختصر التعامل معاها، بس فى نفس الوقت هى مريضة شوية فبأحط إسمها على المذبح فى كل قداس علشان ربنا يشفيها.

السؤال: كم تجربة عاطفية مريت بيها؟؟


اهلا بيك يا jery فى منتدى الشباب المسيحى و يارب تستفاد منه و يارب نشوف مشاركاتك على طول

الصراحة راحة

لازم الواحد يكون صريح مع اصدقاءه اللى واثقين فييهم

سوألى هو : ما هو الرقم المفضل عندك ؟؟؟؟؟؟؟؟
اللعبة فعلا حلوة
رقم 4 هو رقمى المفضل
السؤال : هل تثق بنفسك
بصراحة ثقتى فى نفسى نابعة من ثقتى فى الله العامل فيها، و تكون ثقتى فى نفسى فى أعلى معدلاتها عند إلتصاقى بالله. و تكون فى أدنى معدلاتها عند إبتعادى عن الله.

بالنسبة للسؤال:
هل تحب نفسك كما هى؟


بالطبع لا مش فى كل الاوقات ولا كل الظروف لان بالتاكيد فى لحظات مش قليلة بزعل من نفسى على تصرفات اعتبرتها تصرفات خاطئة او فى لحظات الفتور التى تمر على الانسان كل فترة ..او فى لحظات
الغضب الزائد او الغير مبرر لان احساس الانسان بالرضا عن نفسه تماما اكيد مش شعور صحى ولا مفيد لحياته وخاصة لحياته الروحية

سؤالى هو ماهو تصرفك فى حالات الغضب الشديد التى تنتابك ؟
أحب أقول ...

ممكن بقى أقول الرد بصراحة لان الصراحة راحة أنا فى حالات الغضب الشديد السكوت أفضل لأن لازم أفكر كويس عشان ممكن المشكلة يبق حجمها يزيد لم أتكلم
السؤال : ما هو الشىء الذى تفكر فية كل يوم ويشغل كل تفكيرك ؟
بصراحة الشئ الذى يشغل تفكيرى معظم الوقت هو كيف سأقوم بتربية ريتا بنتى تربية سليمة صحيحة فى ظل الأوضاع الحالية فى مصر. عندى إحساس إنها حتتصدم لما نتنقل من كندا لمصر. ربنا يستر.

السؤال: فى ظل البطالة و الحالة الاقتصادية المهببة فى مصر، إن تم عرض عليك وظيفة فى مكان متعب روحياً - DJ فى صالة ديسكو مثلاً - هل ستقبلها؟
لأ لانى فى المرحلة الاولى سأقع فى خطية الادانة لكل ما حولى بصفة مستمرة و اكيد مع الوقت ستتغير كل تصرفاتى و اسلوبى بل و فكرى و لو اعتقد احد انه لن يتأثر بالجو المحيط به بالتأكيد بيضحك على نفسه
السؤال : هل عندك عقدة معينة فى حياتك


سوأل حلو اوى يا evrest_h و ردى هو : انا لما بجيب درجة مش حلوة فى المدرسة ممكن تسببلى عقدة و اقعد فترة ماذاكرش بس الحمدلله انى انا شاطرة و كل شهرين بتكرم فى المدرسة فقليل اوى اوى لما اجيب درجة وحشة


سوألى هو : هل لما تنام و يجيلك كابوس لما بتصحى من النوم بتبقى مكتئب و لا عادى انا عن نفسى بكره الكوابيس بقعد ما انمش بتاع اسبوعين و ساعات ابقى خايفة

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


بصى يا انستاسيا طبعا الموضوع اللى طرحتيه بتاع لعبة الصراحة موضوع لذيذ جداااااااا
لكن ياريت تاخدى بالك من غلطاتك الاملائية لان فى كل مشاركة لك بدخل اصحح لك الكتابة
وطبعا اللى هيقرا انك بتقولى انك شطورة وكتابتك مليئة بالاخطاء الاملائية مش هيصدق انك شطورة

بس انا عاوزة اعرف الاعضاء ان انستاسيا عمرها 12 سنة وتعيش فى الولايات المتحدة الامريكية
وطبعا لها عذرها فى كتابتها وهى فعلا شطورة بل متفوقة نشكر ربنا صلوا من اجلها هى واختها ويتا

بالنسبة لسؤالك يا انوسة عن مواضيع الكوابيس ومدى التاثر بها ...... انا عن نفسى ساعات لما بحلم حلم مزعج اوقات كتيرة لما اصحى بكون نسيته هو كان عبارة عن ايه بس بكون فى حالة مزاجية مش
كويسة كل اليوم مع انى مش فاكرة الحلم..... طبعا انا لا اؤمن بموضوع الاحلام وانها بتتحقق وان فلان شاف لى حلم حلو ولا حلم وحش والكلام الفاضى ده بس هو الواحد بيتأثر زى بالضبط لما الواحد يسمع خبر وحش او يشوف فيلم يتأثر بيه ويحزن او يتضايق بسببه

اما سؤالى هو ياترى فى حالة وقوعك فى خطية متكررة دائما بتزهق ومش بتحاول تمتنع عنها ولا بتكون فى حالة جهاد مستمر لعدم الوقوع فى هذه الخطية بقدر الامكان؟
سلام الرب لكم :
على فكرة بجد عجبانى اللعبة قوى بس لو تسمحولى أعلق على موضوع الأحلام والكوابيس طيب لما حد يحلم حلم ويتحقق .!!!!
ودلوقتى أجابة سؤالى : أكيد ببقى فى حالة جهاد مستمر لعدم الوقوع فى هذه الخطية بقدر الامكان.
وحتى لو ما كنتش قادرة على مواجهة هذه الخطية بصلى علشان ربنا ينصرنى عليها . صدقونى لما بكون حاسة أن فى خطية متكررة معايا بصلى وربنا بينصرنى عليها بس لما تكون صلاة حقيقية .
ودلوقتى معاد سؤالى :إلى أى مدى تكون الحرية فى نظرك ؟


بصى بالنسبة لتعليقك على موضوع الاحلام اللى ساعات بتتحقق طبعا الحلم اللى بيتحقق ديه مصادفة بحتة
او امنية مخزونة فى عقلك الباطن وربنا اراد بمشيئته انها تتحقق لك او موضوع كان يشغل بالك وربنا وجد له الحل او شخص عزيز عليكى مريض او مسافر وقلقانة عليه وحصل له موقف فربطتى بينه وبين الحلم لاننا لسنا بفرعون او يوسف الصديق لكى نحلم ونفسر الاحلام او تتحقق الاحلام لكن الصدفة وارادة ربنا وافقت رؤيتك هذا الحلم

اما بالنسبة لحدود الحريات فالحرية التى لاتتخطى حريات الاخرين او التى لاتليق باولاد الله ... فان كانت من النوع الاول التى تتعارض مع حريات الاخرين وحقوقهم فهى ليست بحرية بل تعدى

والحرية التى تتعارض مع كوننا اولاد الله فهى خطية وليست بحرية

اما سؤالى فهو عند اختيارك لشريك الحياة فماهى اول متطلباتك فيه وكبف تختاره وعلى اى اساس؟
بسمع الاذن قد سمعت عنك و الان راتك عيني (اي 42 : 5)
دى اجابتى عن سؤالك يا تاسونى لأنى فعلا لمست يد الله فى الموضوع ده عندما طلبت تدخله و بلجاجة ان كان هذا الشخص ( حاليا زوجى ) يصلح لى ام لا و ان يكون زوج المستقبل هو عطية من الله
لأننا ايام ما كنا طلبة فكنا نحدد الكثير و الكثير من الصفات و ( مثل دمه خفيف - متفهم - واسع الصدر و الافق و كنا نضع صفة متدين دون الفهم الحقيقى لهذه الصفة )
لكن من الممكن ان تجتمع كل هذه الصفات فى شخص و بعد الزواج تكتشف الزوجة أو الزوج ان شريك حياتك فى واد و انت فى واد اخر ---- لكن ان طلبنا عطية الله فسوف يعطينا ما يناسبنا تماما و بما انك فتحت هذا الموضوع
فسؤالى هو : هل زوجك أو زوجتك هو صديقك الوحيد ؟


evrest_h

بالنسبة لسؤالك هو سؤال جميل فعلا زوجى هو الصديق الاقرب لنفسى واللى استطيع امامه اكون على طبيعتى وخاصة فى لحظات ضعفى طبعا هو مش الصديق الوحيد لانه يوجد لى عدد محدود على اصابع اليد الواحدة
اعتبرهم اصدقاء مقربين ولكن كما قلت هو صديقى الاقرب وعلى فكرة الحياة بتكون اجمل لما يكونوا الازواج
اصدقاء لان الشريك الاخر هو المكمل لنا كما قال الكتاب اذ ليس بعد اثنين بل جسدا واحدا واكيد حلول الروح القدس بيعمل نوع من المحبة والالفة وعدم الاستغناء هى اللى بتساعدنا اننا نوصل لمرحلة الصداقة واكتر واحد يقدر يعرف انك سعيدة او متضايقة او مريضة ويشارك الاخر فى كل اللحظات اللى بتمر بيه ويكون سند وعون له بكل محبة وبدون اى غدر مع الايام كما يحدث من بعض الاصدقاء

بالنسبة لسؤالى فهو عند حدوث مشاكل مع الزوج او الزوجة كيف تعمل على حلها هل بالغضب والذهاب الى الاهل ام بمحاولة الحلول بينكم او بالذهاب الى الكاهن فى الكنيسة ؟


الابنة المباركة jery
ولما لاتشاركى فى الرد حتى لو لم تكونى متزوجة لكن اكيد لك راى او قناعة شخصية سوف تطبقيها فى حياتك بعد الزواج باذن ربنا لان كلنا كانت اكيد عندنا قناعات قبل الزواج قد طبقناها بعده
يبدو ان الموضوع حايبقى عزف ثنائى بينى و بينك يا تاسونى فالظاهر كده ان اغلبية الاعضاء لسة ما تجوزوش
على العموم اجابتى : لم يحدث ابدا خلال حياتى الزوجية ان ذهب احدنا للاهل و حتى الان لم يحدث ان عرف اى من اهلينا اى شئ عنا سوى الامور المتعارف عليها سواء اخبار سعيدة او مرض الم باحدنا الى باقى هذه الامور العادية و عند حدوث مشكلة فاننا نحاول حلها فى بيتنا و بالطبع انا اوافق ان فى حالة تأزم الامور فالافضل الذهاب لأب كاهن و اكرر فى حالة تأزم الامور فليس من الطبيعى ان نذهب لأبونا عند كل مشكلة استحقت او لم تستحق .
سؤالى : هل تحب الاغانى ؟
الحقيقة مفيش حد مش بيحب الاغانى انا عن نفسى بحب الاغانى بس فى اغانى رزلة الواحد مفروض ميسمعهاش

سوألى انت كنت فين فى احداث 11 سبتمبر ؟؟؟؟؟؟؟؟؟
أنا كنت عند واحد صاحبى إسمه سامر وجدى و كنا بنتغدى بصارة سوا، و يومها جاله ذهول من كمية الشطة اللى بأحطها فى الأكل. و كان مع البصارة قوطة بالفلفل الأخضر، و بصل أخضر، و أكلنا ييجى طبقين بصارة كل واحد بحوالى 3 أرغفة.

سؤالى: إيه أكتر فيلم بتحب تشوفه و مش بتزهق منه؟
بنسبة لموضوع احداث 11 سبتمبر انا كنت فى سوبر ماركت عشان الأكل بردة
أحلا فيلم بنسبة لى فيلم السيد المسيح .
أهلا بيك mareez معنا فى منتدى صوت الشباب المسيحى
حقولك الحل الى عندى .
البدايه على كل شاب مر بهذا الموقف الصعب فى الدراسة انو يجتهد مع نفسه ويضع نصب عينه اما هو او الفشل طبعا هو لم يذكر شئ فى اى ماده ولا يعرف اى شئ اذا فهى مسئله حياه او موت عليه بالخطوات التاليه .
1/ يقسم وقته بالقلم والورقه عدد ساعات المذاكره والراحه التى بينهم واوقات مذاكره المواد على الترتيب
2/ ياترا بكل ماده على حدى ويبدا فى حل اسئله كل درس .
4/حفظ السؤال والاجابه معا .

السؤال ماهو أجمل لون بنسبة لك ؟
سلام الرب كم :

اللون المفضل بالنسبة ليا هو درجات الأزرق وبالذات السماوى .

سؤال هو : هل فى الصيام بتعمل حاجة مختلفة فيه عن الفطار غير الأكل ؟ فى ذهابك للكنيسة أو الصلاة او ........... ؟


على فكرة هذا السؤال قد سأله اخونا الحبيب حازم من قبل وقد قمت بالاجابة عنه ولكن مالمانع ان يجاوب شخص اخر على نفس السؤال وكلنا بنستفاد
اكيد مش راضى لكن اكيد فى امل أكون راضى
السؤال :
هل تستطيع نقد نفسك امام الناس

عندما انقد نفسى فانا اعتقد انها تكون لحظة قوة تلك التى تغلبت فيها على كبريائى و لكن هذا لا يحدث إلا امام من اثق انهم يفهومننى جيدا و يعرفون طباعى و شخصيتى .
السؤال : هل حدث مرة ان ابلغت صديق بشئ خاص و ندمت على ذلك رغم عدم افشائه للمعلومة ؟


الصراحة مع النفس ونقد الذات شئ أساسى ومطلوب من أجل تعديل الصورة الذاتية للأنسان ، وحتى أتمكن من تصحيح أخطائى ، وليس من العيب أن أنقد نفسى أمام الأخرين فى حالة ماأكون مخطئا ، بالعكس فأن الأعتراف بالخطأ هو أنتصار على الذات وكسر للكبرياء الذى يقود الأنسان الى الهلاك.

اكيد حصل فعلا ساعات اندم على معلومة قلتها لصديقة ومن غير قصد تفوهت بها وممكن ايضا اندم على معلومة قلتها ولم تقولها الصديقة لاحد ولكنى اندم لانه كان يجب ان احتفظ بها لنفسى والانسان كل يوم بيتعلم

اما السؤال اية ( اطيعوا والديكم فى الرب ) الى اى مدى تنفذ هذه الاية ؟
الى المدى المعقول فمثلا كثير من الاباء يضغطون على بناتهم للزواج خاصة ان تعدى العمر 25 و هذا يحدث حتى الان و ربما يدفع الفتاه للقبول لمجرد التخلص من الضغط العصبى و النفسى و غالبا ما يكون زواج غير ناجح فمثل هذه الطاعة مرفوضة إذ لا تستطيع الفتاه ان تقول لاجل الطاعة و بعد الزواج ( تقول يا ريت اللى جرى ما كان )
و كثير من الاباء يخافون على اولادهم من الصوم لأنهم ضعاف و لكن الابن او البنت ان ارادت الصيام بتصوم إلا اذا كان الموضوع على مزاجها و بتتحجج انها بتسمع كلام بابا و ماما و مش قادرة تصوم
السؤال : هل تعرف اهم عيوبك ؟ و هل تحاول ان تعالجه ؟
انا عارف كل عيب فيا كويس وبحاول أكون أحسن
السؤال : نفسك فى اية ؟ وهل الشىء دا من السهل تحقيقة ؟


نفسى اكيد اشوف ابنتاى فى احسن حال وان ربنا يبارك حياتهم ويكون موجود دائما امام اعينهم فى كل تصرف بيعملوه واكيد مافيش حاجة صعبة طالما طلبنا معونة ربنا لنا

اما السؤال هو مامدى استطاعتك فى تنفيذ قول الرب احبوا اعدائكم باركو لاعنيكم صلوا من اجل الذين يسيئون اليكم ؟
`14` الى مدى ضعيف جدا يا تاسونى و نفسى فعلا فى حل عملى لهذا الموضوع ( احبوا اعدائكم باركوا لاعنيكم صلوا لاجل الذين يسيئون اليكم )
السؤال : ما هى خطوات محبة الاعداء فى رأيك ؟
هو انا بصراحة معتقدتش ان لي اعداء لاني في حالي معظم الوقت يعني ممكن حد مضايقني في الشغل ابقى مش طايقه كدة يعني لكن لو لي اعداء فلا اعتقد اني سأحبهم بسهولة .... اعتذر لاني لم استطع تقديم اجابه عن خطوات محبة الاعداء لكن ممكن اقول ان الواحد كل ما بيقرب من ربنا وبيلتصق بيه بتتحول كل مشاعره السلبية لمشاعر حلوة وايجابية .. ياريت نقرب من ربنا اكتر وساعتها كل مشاكلنا هتتحل وكل حاجة مش عاجبانا في نفسنا هتتحول لحاجات وصفات حلوة.

سؤالي: بتعرف تجاري العالم وفي نفس الوقت تبقى مع ربنا؟؟ ولا انت مش عارف انت واقف فين بالظبط؟ يعني مع ربنا ولا مع العالم؟ ولا واقف في النص؟ سامحوني لو السؤال مكرر او طويل والف شكر لانستاسيا على الموضوع الحلو دا

لاننا لسنا من هذا العالم فانا شايفة انه صعب جدا اننا نجارى العالم من حولنا فى كل شىء يعنى نقدر نجارى العالم فى التطور التكنولوجى مثلا او فى استخدام وسائل الاتصال اللى الانترنت احدى وسائلها والى بسببه بناخد بركة الخدمة من خلاله يعنى ده مثل لنا اننا ممكن نستخدم التطور اللى حوالينا للخير واحنا برضه مانكونش منعزلين لكن الاهم كيف ومتى ولماذا نجارى العالم بل يجب علينا ان نجارى العالم فى النافع منه ونبتعد كلية عن الضار منه
وفى الاخر نرجع ونقول ان كل الاشياء تحل ولكن ليست كل الاشياء توافق وده اللى لازم كلنا نتعلم ازاى نقدر نفرق ونميز بين هذه لاشياء ونتعلم كيف نستخدم الاشياء الاستخدام الامثل ونبتعد عن استخدامها الاستخدام الاسوأ
لكن مثلا اننا نجارى العالم فى طريقة الكلام الفظ او فى لبس الملابس الغير لائقة ده مش صح وحتى لو كان مافيش قدامى غير هذه الملابس من الممكن جدا انه بقليل من التعديلات تصبح هذه الملابس لائقة

المهم اننا لانبرر لانفسنا الخطأ

اما السؤال هو متى اعترفت اخر مرة


من شهر ونص تقريبا واتاخرت شويه لان اب اعترفي مسافر المانيا حاليا
سؤالي:امتى تقرر تسيب الشغل برغم انك مقدمكش بديل؟؟
الموضوع نسبى فما يجعلك تترك شغلك قد لا يكون كذلك بالنسبة لى فالموضوع بالنسبة لى موضوع ترتيب اولويات لو شعرت يوما ان الشغل كان عائقا اماما اولويات بيتى و اولويات خدمتى اعتقد ان ذلك سيكون سببا لتركى الشغل
و في سبب تانى اما صاحب الشغل يقوللى مع السلامة
السؤال : مين اكتر شخصية بتحس انها مشابهه لشخصيتك فى الكتاب المقدس ؟
معتقدتش ان في شخصية واحدة بس انا شبهها في الكتاب المقدس لكن ممكن مجموعة صفات فيا متوزعة في اكتر من شخصية لكن برضو الواحد شايف انه من الصعب مقارنه اي واحد فينا مع اي من شخصيات الكتاب المقدس.
سؤالي: عمرك كلمت نفسك وانت ماشي في الشارع مثلا؟؟؟ وامتى اخر مرة؟
كتير لما حديضايقنى فى الشغل و اخر مرة كانت امبارح

ما هو هدفك فى الحياة ؟


qais daood

حمد الله على السلامة ونورت المنتدى وكل سنة وانت طيب بمناسبة عيد الميلاد المجيد وراس السنة

اما عن امنيتى فى العام الجديد فهى اولا امنية خاصة لاسرتى ان ربنا يبارك فى بيتنا ونكون مشمولين بمحبته وعنايته وبركته فى كل شىء وان ربنا يتمم لابنتى خطوبتها على خير على العيد ويبارك هذا الارتباط وان تستمر ابنتى الصغيرة فى التفوق فى المدرسة واكيد ان ربنا يحافظ عليهم من كل سوء وان يبارك ويحافظ على شريك الحياة ويخليه لينا وان يحافظ على كل كل افراد الاسرة الكبيرة من الاقارب

اما امنيتى العامة ان يسود السلام ارجاء العالم ويحافظ على شعب المسيح ويبارك ويحافظ على قداسة البابا شنودة ويخليه لينا ازمنة طويلة هادئة وان يبدد مشورة اعداء الكنيسة
وان يبارك فى الخدمة فى المنتدى ويبارك حياة كل عضو فيه
وكل سنة وكل واحد طيب وبخير وصحة وسلامة

اما سؤالى هو هل تلجأ احيانا للكذب ومتى تلجأ له وهل هناك مايسمى كذب ابيض ؟






لاحظت توقف هذه اللعبة وهى لعبة الصراجة التى قد بدأتها انستاسيا

والتى هى عبارة عن ان نسال سؤال ويبجاوب عليه اى عضو وفى نفس الوقت يطرح سؤالا جديدا يجاوب
عليه العضو الاخر وهكذا

ودعونى اكرر اخر سؤال طرحته ولم يجاوب عليه احد

سؤالى هو هل تلجأ احيانا للكذب ومتى تلجأ له وهل هناك مايسمى كذب ابيض ؟












انا عن نفسى بحب القسم بتاع القصص القصيرة
اما سوألى هو : ايه اكتر حاجة ممكن تنرفزك ؟؟؟؟
انا عارفة ان احنا باالنا كتير ملعبناش اللعبه دى و ياريت نبتدى نشارك فيها تانى زى زمان
اكتر حاجة بتنرفزنى الغباء
الباشا انشتاين اكتشف نظرية النسبية وده خلت ان ممكن اتنين يشوفو نفس الحاجة لكنهم كل واحد يشوفها غير التانى ده مقبول لكن تخيلو انا سالت طالبة عندها 17 سنة واحد على اتنين تاسوى كام وكان الاجابة بكل ثقة " بواحد يا استاذ وده سوال تساله " وقتها كان هاين عليا ارميها فى بلاعة المجارى


السوال : بتدخل المنتدى كام رة فى اليوم؟


مرة او مرتين بكتيروا
سوألى :ايه اكتر حاجة تحبها فى صحبك ؟؟؟
شكرا ليك يا انستازيا لانك دايما بتنشطى اللعبة دى
اكتر حاجة احبها فى اصحابى انهم يفهمونى صح لانى استطيع الكلام و التعبير عما بداخلى و لا احب ان يقوم شخص بعمل العديد من الاستنتجات على كلامى
من الاخر احب ان يفهمونى على قد كلامى لا اكثر او اقل
سؤالى : مفهوم الصديق لك ما هو ؟؟؟؟؟