سميح واللباقة .... واهم حاجة الصداقة


[center]


سميح واللباقة .... واهم حاجة الصداقة
===================================


سميح : أزيكم يا جماعة عاملين أيه؟

أيمن
:
أنت فين ياسميح؟ دى برضه مواعيد؟

عزيز
:
أنت أتأخرت قوى أحنا فع ً لا كنا ماشين

سميح
: ده برضه كلام يا جماعة .. هو أنا عشان حصل لى ظرف واتأخرت شويه تقوموا تمشوا ..
دى أهم

حاجة الصداقة
.. وألف باء صداقة أننا نقدر ظروف بعض
.

ايمن : أيوه يا سميح ..
بس مش معقول التأخير ده؟

نعيم
: يعنى أنت لو كنت مكاننا .. كنت أكيد ح تمشى زعلان
.

عزيز : أكيد طبعًا ح تمشى وتسبنا وتزعل مننا قوى
.

سميح : لا يمكن أمشى أو أزعل منكم .. دى أهم حاجة الصداقة والف باء صداقة أننا مانزعلش من بعض
.

ايمن : خلاص فضوها سيرها ..
ح نلعب أمتى بقى؟

نعيم
:
ها ياسميح جبت الكرة الغالية الأصلى اللى قلت ح تستلفها من مدحت

سميح
: طبعًا .. ده أدهانى بالعافية أنتوا عارفين هى غالية عليه قدايه
.

عزيز :
طيب ياللا بقى نلعب

ايمن
: ياللا نقسم بعضنا فريقين .. أنا ونعيم فريق ضد سميح وعزيز
.

عزيز : لا ياعم .. أنا ماالعبش مع سميح ..
مابيعرفش يلعب

سميح
: كده برضه يا عزيز ..
دى أهم حاجة الصداقة والف باء صداقة أننا مانقولش كده على بعض

عزيز
: معلهش ياسيدى ..
حنقسم ثانى أنا ونعيم ضد سميح وايمن

ايمن
: لا ياعم .. طبعًا لا .. أصل أنا
....

نعيم :
خلاص خلاص أنا وسيمح ضدك يا ايمن أنت وعزيز

سميح
: ياسلام يا نعيم .. مش ح تندم على اختيارك ده .. أما ايمن وعزيز ح يندموا قوى ياللا نلعب
..

الكرة معايا ..
ح أشوط فى الجون

نعيم
:
العب يا سميح أنا جنبك أهو

ايمن
: مش ح تلحق ..
لأنى خدا وح أجيب جون أهو

عزيز
: ياللا ياايمن شوط .. هات جون .. الله .. جوووون ١-
صفر لينا

سميح
: ولا يهمك يا نعيم .. ح نعوض الجون ده ..
وادى شوطه جامدة عشان تكون هدف التعادل

طاااااااااخ

نعيم : يا ار أبيض ..
إيه ده زجاج المحل أنكسر من شوطة سميح

سميح
: أنا أسف ما كانش قصدى


عم فوزى : مين اللى شاط الكرة كده وكسر الزجاج بتاع المحل بتاعى

ايمن
: ده سميح ..
مش أحنا

عزيز
: أيوه فاكر نفسه لعيب ..
يدفع حقه بقى من جيبه

نعيم
: عيب يا عزيز الكلام ده ..
أحنا كلنا كنا بنلعب مع بعض ومفروض أننا كلنا غلطانين عشان بنعلب

كرة فى الشارع وكسرنا زجاج المحل
.

سميح : متشكر لذوقك يا نعيم ..
صدقنى مش ح تندم على كلامك ده

عم فوزى
:
أنت اللى ح تندم لو مادفعتش فلوس الزجاج

سميح
:
خلاص خلاص أنا والدى صاحب محل الزجاج اللى فى أخر الشارع ح أجيبه يصلح لك الزجاج على

حسابه عشان دى غلطتى وأنا لازم أتحمل نتيجة غلطتى تعالى معايا يا نعيم

ايمن
:
يا سلام ياخويا عشان تمشى ومانشوفش وشك ونشرب أحنا المقلب

عزيز
:
كان غيرك أشطر

سميح
: يا أذكياء أنا ماشى وسايب معاكم كرة مدحت ..
انتوا ناسيين هى غالية عليه قد أيه ولازم أرجعها

له
.. كده برضه كلامكم ده .. دى أهم حاجة الصداقة والف باء صداقة أننا نثق فى بعض ..
ياللا يا

نعيم

عزيز
:
ماتتأخرش

عم فوزى
:
عارفين لو اتاخر ولامارجعش ح أخد منكم الكرة وادفعكم ثمن الزجاج ده غير أنى ح أخد حقى

منكم تمام
.

ايمن :
ربنا يستر

عزيز
:
أهو جه أهو ومعها باباه الحمد لله

سميح
: صدقتونى بقى .. ممكن بقى الكرة من فضلكم ..
وياريت تساعدوا بابا لغاية لما الزجاج يركب عشان

أنا ونعيم رايحين مشوار

ايمن
:
حاضر ياسيدى

بتاع الزجاج
:
أنا غيرت الزجاج خلاص ياعم فوزى الحساب ٨٠ جنيه

عم فوزى
: ٨٠ جنيه !!!
وحساب ايه ده ابنك اللى كسره

بتاع الزجاج
: ابنى؟! أنا ماعنديش أولاد ..
ده قالى تعالى بابا فوزى بيقولك ياريت تصلح له زجاج المحل

عم فوزى
: نعم!! بابا فوزى!!
تعالى لى بقى أنت وهو

ايمن
: اسمع بس يا عم فوزى ..
أفهمنا بس أى أى أى أى

عزيز
: هى دى برضه الصداقة يا سميح ..
دى الف باء صداقة أنك تستنى معانا وأحنا بنقول الحقوونا
[/center]









36_1_12[1].gif
جميلة اوىىىىىىىىىىىىىىىىىىىىىىى 36_1_20[1].gif

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.

أحدث الموضوعات

From Coptic Books

إجمالي مرات مشاهدة الصفحة من 10/2010