انترنت مجانى بصحيح فى كل امريكا وكندا! لكنه من الصرف الصحى ؟؟

TiSP in-home wireless broadband is:

• Free, fast and highly reliable
• Easy to install -- takes just minutes
• Vacuum-sealed to prevent water damage

http://www.google.com/tisp/install.html






صعب قوى بصراحة الخط يكون من المجارى طيب نحط الكمبيوتر فين ؟!!!! فى الحمام

طيب انا عندى تلات حمامات فى البيت هيدونى تلات خطوط

المشكلة الاكبر ان الواحد يدخل الحمام باللاب توب وماحدش هيرضى يخرج من الحمام

وهتقوم معارك وخناقات داخل الاسرة بسبب احتلال الحمام من بعض الافراد

وفى الغالب هكون انا واحدة من المحتلين اللى صعب اخراجهم

وخاصة لو برفع حاجة للموقع يبقوا يقابلونى لو خرجت

ده غير ان الواحد هيستخدم البانيو ساعتها بدلا من السرير

وعلى المتضرر الامساك فى خناق باهر لانه هو صاحب الاكتشاف اللى قلب حال البيت



بس سؤالى الان طيب المجارى لو اتسدت هيكون ايه الحال







و لا صعب و لا حاجة يا تاسونى ده حتى يبقى انترنت مريح جدا
بس لو الاسلاك حصل فيها مشكلة تجيبوا مهندس و لا سباك
و لما تحبى تعملى delete حا تستعملى ايه بالظبط
و اهو لما تحبى تنظفى جهازك حاتبقى كل الادوات جانبك

الحمدلله عندنا فى مصر مافيش الكلام ده
اساسا فى مصر لو سمعوا عن الفكرة دى ممكن يضيفوا 5 جنيه انترنت فى الشهر احتياطى
على فاتورة المياه او على فاتورة الغاز او على اى فاتورة لايمكن عدم دفعها
احتذاءا ب 5 نظافة على فاتورة الكهرباء (ملحوظة جامع القمامة شخص خفى لا يرى بالعين المجردة )

بصراحة يا تاسونى الفكرة جميلة بس ريحتها مش عجبانى
baher please balash elektera7 dah keda mafeesh 7ad hista3mel el net 3*eer mama





فى الغالب يا ايفرست الاسطى السباك هيشرفنا كتير ساعتها وهنبقى نقول له ياباشمهندز

زى مابيقولوا على اى حد باشمهندز علشان مانحسش بالقهر واحنا جايبيبن سباك للانترنت

اما بقى فى حالة احتياجنا اننا نعمل ديليت طبعا هنستخدم الفلاشر اللى بنقول عليه فى مصر

الكومبينيشن او السيفون

اما بالنسبة للروائح فاستعمال معطرات الجو هيزيد جدا واكيد اسعارها هتولع نار وفى الاخر

مش هنلاقى افضل من الجاز او الفنيك للاستعمال ومن فات قديمه تاه

اما بالنسبة لمونيكا الملقبة بويتا weta

انت بتحلمى يابنتى ان حد يستعمل الحمام فى البيت غيرى ده انا هعمل لهم اقفال والمفاتيح هتبقى معايا

كمبيوتر ارفع منه على مواقع الرفع الحاجات اللى محتاجها المنتدى ولو كانت كتير اروح على الحمام التانى واشغل

كمبيوتر تانى ويمكن الحمام التالت اكون مشغلة الكمبيوتر فيه على حاجات بشوفها مناسبة للمنتدى ولا لا

يعنى بالعربى كده انسى ونصيحة من ام لبنتها شوفوا لكم حد يبنى لكم حمامين فى الباك يارد

والحقوا نفسكم بسرعة قبل مانوصل النت ده وقد اعذر من انذر








إلحقوا ياجماعة ... ماسورة الحرارة بتاعة النت اللى واصلة للكمبيوتر طفحت ومغرقة الدنيا....!!!!