سميح والفول والطعمية .... الذ واحلى هدية

سميح والفول والطعمية .... الذ واحلى هدية
==================================

نادي : ياه .. الخمسين المقدسه جريت بسرعه يااخي
سامي : ياخساره خلصت خلاص .. ياللا ما الايام كلها بتجري ..
حبيب : ايوه صحيح الايام كلها بتجري ..
نادي : ياللا كل سنه وانتوا طيبين . ادينا دخلنا صوم الرسل
سامى : صوم الرسل ؟؟!! انا ماصمتش ومش ح اصوم .. ماكفايه الصوم الكبير .. صمنا
٥٥ يوم .. ح نصوم كمان صوم الرسل ؟!!
حبيب : ازاي الكلام ده ياسامي ؟!! صوم الرسل ده من اصوام الكنيسه ازاي تقول انك
مش صايمه ؟!
سامي : ايوه طبعًا مش صايمه .. كفايه صوم بقي .. هو احنا طول السنه ح نكون
صايمين .. مش كفايه الواحد مالحقش يتهنا بالخمسين .. ولا لحق يتهنا باللحمه والفراخ
سميح : ازيكم ياجماعه .. ايه الكلام اللي انا سامعه ده ياسامي .. ازاي تقول الكلام
الغريب ده ؟
نادي : انت سمعت الكلام بتاعه ياسميح ؟
سميح : سمعت ؟!!!! مين في مصر ماسمعش .. ده صوته عالي قوي .. وكأنه بيدافع
عن قضيه قوميه .. مش واحد بيتكلم كلام غلط .
سامي : غلط .!!! وايه بقي الغلط فيه يافيلسوف سميح ؟
سميح : الغلط فيه ان الصوم ده تدريب للنفس وقمع للجسد وللشهوات وفرصه حلوه للنمو
الروحي .. خساره كبيره ان الواحد مايستفيدش منه .. ويضحي بيه عشان شوية لحمه
وفراخ
حبيب : يمكن ياسميح سامي ماعرفش يعبر .. هو مش قصده انه مش صايم عشان اللحمه
والفراخ هو يمكن قصده ......
سميح ( يقاطع ) : بص انا مايهمنيش قصده ايه ياحبيب ..انا باتكلم عن مبدأ .. لو ح
اضحي بالصوم عشان لحمه وفراخ يبقي كلام فارغ .. وساعتها ح اصرخ واقول يافول
ياطعميه انتوا احلي هديه ..

إيه رأيك
سامي : انت ح تعمل لي شاعر .. باقولك ايه انا مش ناقص خوته
وكلام مالهوش معني ... وبعدين تلاقيك انت نفسك مش صايم ؟
سميح : وافرض يااخي ان انا مش صايم .. ابقي انا غلطان وانت مش
لازم تعمل الغلط زيى ؟
نادي : برافو ياسميح . عجبتني قوي الكلمه دي ..
حبيب : بس معني كده انك ماصمتش فع ً لا ياسميح ؟!!
سميح : لا.. صمت طبعًا .. انا بس باتكلم عن مبدأ .. باقولكم ايه سيبكم
من الكلام ده .. تعالوا نروح نأكل عند المحل الجديد بتاع الفول
والطعميه اللي فتح اول الشارع .. طعم الفول والطعميه فيه جنان ..
واسعاره حلوه
سامي : انا عارف الحركات بتاعتك دي ياسميح اقطع ذراعي لو كنت
صمت؟
سميح : براحتك ياسامي .. تصدق ماتصدقش .. براحتك .. بس زي
ماقلت لك حتي لو انا كنت باضحك عليك ومش صايم .. فانا غلطان .
وانت مش لازم تعمل زيي .. ياللا ياجماعه بينا كلنا ناكل فول وطعميه
لانهم احلي والذ هدية .. بينا علي المحل الجديد .. يافادي .. يافادي ..
هات عادل وفوزي وجورج وعوني وصبري عشان نروح ناكل عند
المحل الجديد فول وطعميه .. . واجمل حاجه اننا زي ماصمنا سوا ناكل
سوا ونفرح سوا .. مين ح ييجي معانا فيكم ؟
نادي : خدني معاك ياسميح .
حبيب : انت رائع ياسميح وبصراحة
شخصية عملية .. خدني معاك انا كمان
سامي : يافرحتي بيكم كلكم .. خدوا
راحتكم .. وروحوا كلوا فول وطعميه
احلي والذ هديه .. بس انا مش جاي
سميح : عمومًا براحتك ياسامي .. بس فكر في الموضوع .. وبعد اذنك
اعمل الخير والصح ..لو شفت حد من اصحابنا جه اقنعه انه ييجي ياكل

معانا فول وطعميه ... بالرغم انك مش حتعرف تقنعه لان بصراحه فاقد الشئ لا يعطيه.
ياللا مش مشكله ربنا معاك .. سلام ياسامي
سامي : سلام ياسيدي انت وهو .... ( يفكر مع نفسه ويقول ) مش داخل دماغي برضه
ان سميح صايم .. هو عامل قوي ان قلبه علي الصوم واكل الفول والطعميه ..وهو تلاقيه
بيخبي انه فاطر .. انا ح اكشفه ... يافادي .. ياجورج ثانيه واحده من فضلكم
فادي : تحت امرك ياسامي .. خير ؟
سامى : سؤال سريع .. هو سميح صايم صوم الرسل ؟
جورج : طبعًا .. ده ليل نهار واقف في محل الفول والطعميه اللي فتح جديد في اول
الشارع يقنع اي حد فاطر انه يصوم وياكل معاه
جورج : بص متهيالي انه عاملها كأنها خدمه .. لذلك هو اكيد صايم
.. بس بتسأل ليه ياسامي ؟
سامي ( بحزن ) : لا ابدًا هو سؤال كده علي الماشي .. ميرسي
ياجماعه
فادي : طيب عن اذنك احسن كل الكنيسه رايحه تاكل فول وطعميه
من كثر ماسميح اقنعهم بكده ..سلام
سامى : سلام .. حاجه غريبه فع ً لا .. سميح خيب ظني المره دي وطلع صايم ....
وبعدين انا فع ً لا مالي ان كان صايم ولا لا .. المهم انا .. هو عنده حق يعني لو فرض
وماكانش صايم وعامل قدامنا صايم .. فعلي رأيه هو غلطان وانا مش لازم اعمل زيه ..
بصراحه عنده حق ..وانا مكسوف من نفسي.. انا من بكره حاصوم . وح اروح اكل
معاهم فول وطعميه .. انا عاوز اقعد اتكلم مع ابونا شويه .. يامدحت يامدحت ماتعرفش
فين ابونا ميخائيل ؟
مدحت : ابونا ميخائيل راح يبارك لسميح
سامي : يبارك لسميح ليه ؟!!
مدحت : بس ماتقولش لحد .. اصل سميح فتح محل فول وطعميه علي اول الشارع ..
بس مش قايل لحد انه بتاعه
سامي : أااااااااااااااااااااااااااااااااااه تمت





سلام الرب لكم :

ههههههههههههه فعلا جميلة القصص دى يا تاسونى وشخصية سميح فعلا بتعجبنى ومنتظرين كل السلاسل لأن نفسى أشوفهم كلها


بصراحة سميح ده شخصية غريبة جدا بس الصراحة هو مسلى جدا وبأذن ربنا شوية كده واحط شوية تانى من عينى حاضر
على فكرة بطوط كمان من محبى سميح ومونيكا وانستاسيا وانا كمان










بالعكس ياأخت تى تى ...ده مش شخصية غريبة ولا حاجة ، ده فعلا شخصية حقيقية موجودة فى وسطينا ، وهو يمثل أى أنسان يصوم وهو ينتظر مقابلا لصومه ، يصوم من أجل طلبة ما ويصلى ومتى أنقضت طلبته لا صام ولا صلى هذا هو سميح ، كل انسان يصوم ليس محبة فى الله ذاته ، هو سميح